“Maika-60 a Paset: Intuloy Dagiti Nagkauna a Kameng ti Simbaan ti Nagdaliasat: Marso 1846–Hunio 1846,” Dagiti Estoria iti Doktrina ken Katulagan Impablaak ti (2002), 215-17
“Maika-60 a Paset,” Dagiti Estoria iti Doktrina ken Katulagan Impablaak ti, 215-17
Maika-60 a Paset
Intuloy Dagiti Nagkauna a Kameng ti Simbaan ti Nagdaliasat
(Marso 1846–Hunio 1846)
Narusanger unay dagiti kalsada. Nasken nga agdaliasat a siiinnayad dagiti tao. Patag ti daga ken adda sumagmamano a babassit a turod. Naabbongan ti daga kadagiti nangato a ruot. Maawagan daytoy a kita ti daga iti tanap. Nagnaed dagiti Indian kadagiti tanap. Awan dagiti siudad wenno pagtatalonan.
Nangipatulod ni Brigham Young kadagiti lallaki nga agsapul kadagiti nasayaat a lugar a pagkampuam dagiti tao. Nagpukanda kadagiti kayo ket nagaramidda kadagiti balay a tabla. Rinangtayanda dagiti babassit a karayan. Pinalakada daytoy para iti panagdaliasat dagiti tao. Naawagan iti nagkauna a kameng dagiti Santo a nagdaliasat a napan iti Laud.
Nakadanon dagiti nagkauna a kameng iti nalawa a karayan. Maawagan ti lugar a nagsardenganda iti Council Bluffs. Timmipon kadakuada dagiti dadduma a Santo. Nagipatakderda iti kampo iti asideg. Nagtalinaed dita dagiti nagkauna a kameng agingga iti panawen ti kalgaw..