“Maika-30 a Paset: Ti Paltiing Maipapan iti Gubat: 25 Disiembre 1832,” Dagiti Estoria iti Doktrina ken Katulagan (2002), 117–18
“Maika-30 a Paset,” Dagiti Estoria iti Doktrina ken Katulagan, 117–18
Maika-30 a Paset
Ti Paltiing Maipapan iti Gubat
(25 Disiembre 1832)
Naladingit a banag dagiti mapaspasamak kadagiti adu a lugar iti lubong. Adda dagiti ginggined. Masaksakit dagiti tao. Adu a tao ti matmatay.
Naladingit pay a banag ti mapaspasamak iti Estados Unidos. Sumagmamano a tao ti saan a mayat a pasakup iti Estados Unidos. Kayatda ti maaddaan iti kabukbukodanda a dadaulo.
Iti aldaw ti Paskua, 1832, inikkan ni Jesus ni Joseph Smith iti maysa a paltiing. Maipapan iti gubat ti paltiing.
Kinuna ni Jesus nga addanto gubat iti Estados Unidos. Agririnnangetto dagiti tao iti Estados Unidos.
Iti di mabayag, addanto gubat kadagiti dadduma a pagilian. Addanto panagraranget iti amin a paset ti lubong. Kinuna ni Jesus a nasken nga agbalin a nalinteg dagiti Santo. Nasken nga agsaganada para iti panagsublinanto manen ditoy daga.
Nagladingit ni Joseph a nakaammo nga addanto gubgubat. Ammona a nasken nga agtungpal dagiti tao kadagiti bilin ti Dios. Iti kasta saandanto nga agraranget ken maaddaan iti gubat.