“Maika-24 a Paset: Nasken nga Isuro Dagiti Nagannak Dagiti Annakda: Nobiembre 1831,” Dagiti Estoria iti Doktrina ken Katulagan (2002), 93–95
“Maika-24 a Paset,” Dagiti Estoria iti Doktrina ken Katulagan, 93–95
Maika-24 a Paset
Nasken nga Isuro Dagiti Nagannak Dagiti Annakda
(Nobiembre 1831)
Sumagmamano a Santo iti Ohio ti napan nangkita ken ni Joseph Smith. Nangted ni Jesus ken ni Joseph iti paltiing para kadakuada. Imbaga ni Jesus kadagiti Santo no kasano ti agbalin a nasayaat a nagannak.
DkK 68: Pakauna
Imbaga ni Jesus a nasken a mabuniagan dagiti ubbing nga agtawen iti walo. Imbilin ni Jesus kadagiti nagannak nga isuroda kadagiti annakda ti maipapan iti ebanghelio sakbay a mabuniaganda.
Nasken nga ammo dagiti ubbing ni Jesus. Nasken nga adda pammatida kenkuana.
Nasken nga ammo dagiti ubbing no kasano ti agbabawi.
Nasken nga ammo dagiti ubbing ti maipapan iti panagbuniag. Nasken a masursuroda ti agbalin a nasayaat a kameng ti Simbaan.
Nasken nga ammo dagiti ubbing ti agkararag. Nasken nga ammoda ti dumngeg iti Espiritu Santo.
Nasken nga ammo dagiti ubbing dagiti bilin ti Dios. Nasken a tungpalenda dagiti bilin.
Nasken nga isuro dagiti nagannak kadagiti annakda dagitoy a banag. Mababalawto dagiti nagannak kadagiti pagbasolan dagiti annakda no saanda nga isuro kadakuada ti maipapan iti ebanghelio.