“Maika-59 a Paset: Nalpas ti Templo ti Nauvoo: Oktubre 1845–Septiembre 1846,” Dagiti Estoria iti Doktrina ken Katulagan Impablaak ti (2002), 212-14
“Maika-59 a Paset,” Dagiti Estoria iti Doktrina ken Katulagan Impablaak ti, 212-14
Maika-59 a Paset
Nalpas ti Templo ti Nauvoo
(Oktubre 1845–Septiembre 1846)
Sumagmamano kadagiti Santo ti saan a pimmanaw iti Nauvoo. Imbaga ti Apo kadagiti Santo a mangipatakderda iti templo iti Nauvoo. Kayatda a tungpalen isuna. Nagtrabaho a sipapasnek iti templo dagiti tao a nabati iti Nauvoo.
Adu ti nagsakit kadagiti Santo. Kaaduan kadakuada ti marigrigat. Ammoda a nasken a makapanawda iti Nauvoo iti kabiitan a panawen. Ngem kayatda nga ileppas pay ti templo.
Iti kamaudiananna, nalpas met laeng ti templo. Nagmalmalem ken nagpatpatnag a nagtrabaho dagiti Santo iti templo. Naikkanda iti endowment. Naragsakanda unay iti kaadda ti templo.
Iti kamaudiananna, nasken a pumanawen dagiti nabati a Santo iti Nauvoo. Inkargada amin dagiti gargaretda iti uneg dagiti karisonda. Binallasiwda ti Karayan Mississippi nga agturong iti sabali a disso.
Tinaliawda ti ballasiw ti karayan ket nakitada ti Nauvoo. Nakitada ti templo iti rabaw ti turod. Naladingitanda a nangpanaw iti Nauvoo. Ngem naragsakanda ta naileppasda ti templo ti Apo.
Nagtalinaed dagiti Santo iti igid ti karayan iti uneg ti sumagmamano nga aldaw. Awan umdas a taraon a kanenda. Tinulongan ida ti Apo. Nangipatulod kadagiti babassit a billit a maawagan iti pugo. Pinarti dagiti Santo dagiti pugo ket sindada dagitoy.
Nangipatulod ni Brigham Young iti sumagmamano a lallaki a tumulong kadagiti Santo. Intugot ida dagiti lallaki iti lugar a nagkampuan dagiti dadduma a Santo.