“Maika-15 a Paset: Maysa a Mision Kadagiti Lamanite: Septiembre 1830,” Doctrine and Covenants Stories (2002), 58–60
“Maika-15 a Paset,” Dagiti Estoria iti Doktrina ken Katulagan, 58–60
Maika-15 a Paset
Maysa a Mision Kadagiti Lamanite
(Septiembre 1830)
Tinarigagayan ni Jesus nga ad-adu pay a tao ti dumngeg maipapan iti ebanghelio. Tinarigagayanna a mapan ti sumagmamano a Santo iti mision. Imbagana ken ni Oliver Cowdery a mapan agmision kadagiti Indian.
Maawagan iti Lamanite dagiti Indian iti Libro ni Mormon. Kayat ni Jesus a basaen dagiti Lamanite ti Libro ni Mormon. Inkarina iti adu a propeta a maaddaanto dagiti Lamanite iti Libro ni Mormon. Ita, panawenen tapno matungpal dayta a kari.
Isalaysay ti Libro ni Mormon kadagiti Lamanite ti maipapan kadagiti kapuonanda a nagbiag, dua ribu a tawenen ti napalabas. Salaysayenna kadagiti Lamanite dagiti kari ni Jesus kadakuada. Makatulong daytoy kadakuada a mamati ken ni Jesus ken ti ebangheliona. Daytoy ti mangisuro kadakuada nga agbabawi ken agpabuniag.
Tinarigagayan ti dadduma a lallaki ti kumuyog ken ni Oliver Cowdery. Kayatda nga ikasaba ti ebanghelio kadagiti Lamanite. Kayatda ti mangted iti Libro ni Mormon kadagiti Lamanite. Kinuna ti Apo a tallo kadagiti lallaki ti makapan.
Immuna a napan dagiti misionario iti sumagmamano nga Indian iti Nueva York. Naammuanda a sumagmamano laeng nga Indian ti makabasa. Inikkan ida dagiti misionario iti Libro ni Mormon.
Kalpasanna napan nangasaba dagiti misionario kadagiti sumagmamano nga Indian iti Ohio. Naragsakan dagiti Indian a nakangngeg ti maipapan iti Libro ni Mormon. Naragsakanda a nakaammo maipapan kadagiti kapuonanda.
Pimmanaw dagiti misionario iti Ohio. Napanda iti maysa a siudad a maawagan iti Independence, iti Jackson County, Missouri. Adu ti Indian iti Missouri.
Inkasaba dagiti ti misionario ti ebanghelio kadakuada. Inikkanda dagiti Indian iti Libro ni Mormon. Daytoy ti nangparagsak unay kadagiti Indian. Nagyamanda kadagiti misionario iti Libro ni Mormon.
Saan a namati iti ebanghelio dagiti dadduma a tao iti Missouri. Saanda a namati iti Libro ni Mormon. Imbagada kadagiti misionario nga adaywanda dagiti Indian.
Kinuna dagiti tao a tiliwen dagiti soldado dagiti misionario no saanda a pumanaw. Naladingitan dagiti misionario iti daytoy a damag. Napanda insuro ti ebanghelio kadagiti dadduma a tao iti Missouri.
Maysa kadagiti misionario ti agnagan iti Parley P. Pratt. Nagsubli iti Kirtland tapno ibagana ken ni Joseph no ania ti inaramidda. Kinuna ni Parley a naaddaanda iti nasayaat a panagmision. Naisuroda ti ebanghelio iti adu a tao.