“Maika-11 a Paset: Adu Pay a Tao ti Nagkameng iti Simbaan: Abril–Hunio 1830,” Dagiti Estoria iti Doktrina ken Katulagan (2002), 46–47
“Maika-11 a Paset,” Dagiti Estoria iti Doktrina ken Katulagan, 46–47
Maika-11 a Paset
Adu Pay a Tao ti Nagkameng iti Simbaan
(Abril–Hunio 1830)
Adu a lawas ti napalabas. Addan duapulo-ket-pito a kameng ti Simbaan. Saanda nga agnaed amin iti maymaysa nga ili. Kiniddaw ni Joseph Smith ida nga umayda iti maysa a komperensia. Maysa a naisangsangayan a taripnong ti komperensia para iti amin a Santo. Dagiti Santo ket isu dagiti kameng ti Simbaan ni Jesucristo.
Naaddaan iti sakramento dagiti Santo iti komperensia. Naordenan ti sumagmamano a lallaki iti kinasaserdote. Binendisionan ti Espiritu Santo dagiti Santo. Napalalo ti ragsakda.
Adda met dagiti sumagmamano a dadduma pay a tao iti komperensia. Saanda a kameng ti Simbaan. Nasursuroda ti maipapan iti ebanghelio iti komperensia. Kinayatda ti agkameng iti Simbaan. Nabuniaganda. Kalpasan ti komperensia, napan ni Joseph Smith iti sabali nga ili. Sumagmamano kadagiti nalinteg a tao ti nagtarigagay a mabuniagan. Imbaga ni Joseph a mabalinda a mabuniagan iti bassit a karayan.
Nagaramid dagiti tao iti maysa a penned iti karayan. Nagaramidda iti napintas a lugar a pagbuniagan. Iti rabii, sumagmamano a dakes a tao ti nangdadael iti penned.
Inaramid manen dagiti a tao ti penned. Ket rinugianen ni Oliver Cowdery ti nangbuniag kadakuada. Idi agangay, simmangpet ti bunggoy a mangriribuk. Grupo dagiti natangsit, dakes a lallaki ti bungngoy a mangriribuk. Adu nga agkakadakes a banag ti insao ti bunggoy a mangriribuk kadagiti nasayaat a tao. Pinadas ti bunggoy a mangriribuk ti mangdangran kadakuada. Ngem sinalakniban ti Apo dagiti nasayaat a tao.
Kinayat ni Satanas a riribuken ti bunggoy a mangriribuk ti Simbaan ni Jesucristo. Inuulbod dagiti imbaga dagiti dakes a tao maipapan ken ni Joseph Smith. Kinunada a nagaramid kadagiti dakes a banag. Naibalud ni Joseph.
Pinadas dagiti natangsit a tao a dangran ni Joseph. Tinupraanda daytoy. Dida kayat nga ikkan iti kanenna. Sumagmamano kadakuada ti nangibaga iti inuulbod maipanggep ken ni Joseph.Ngem imbaga dagiti nalinteg a tao ti kinapudno maipapan ken ni Joseph. Imbagada nga isu ket nasayaat a tao. Iti kamaudiananna naparuar ni Joseph iti pagbaludan.