“Maika-17 a Paset: Dagiti Immuna nga Obispo ti Simbaan: Pebrero 1831,” Dagiti Estoria iti Doktrina ken Katulagan (2002), 64–66
“Maika-17 a Paset,” Dagiti Estoria iti Doktrina ken Katulagan, 64–66
Maika-17 a Paset
Dagiti Immuna nga Obispo ti Simbaan
(Pebrero 1831)
Sumagmamano a dakes a tao ti nagnaed iti Nueva York. Natangsitda kadagiti kameng ti Simbaan ket kayatda a pumanawda. Imbaga ni Jesus a pumanaw ni Joseph Smith iti Nueva York ket mapan iti Kirtland, Ohio.
Napan da Joseph Smith, ni Emma nga asawana, Sidney Rigdon, ken Edward Partridge iti Kirtland. Nakipagnaed da Emma ken Joseph iti maysa a kameng ti Simbaan. Newel K. Whitney ti naganna.
Adda sangaribu a kameng ti Simbaan iti Kirtland. Inkagumaanda a tinungpal ti Dios. Ngem dida unay maawatan ti amin maipapan iti ebanghelio.
DkK 41: Pakauna
Nagkararag ni Joseph iti Nailangitan nga Ama. Nangted ni Jesus ken ni Joseph iti paltiing. Imbaga ni Jesus ken ni Joseph a kasapulan dagiti Santo iti Kirtland ti maysa nga obispo. Nasken nga aramaten ti obispo ti panawenna a mangisuro ken tumulong kadagiti Santo. Ni Edward Partridge ti immuna nga obispo ti Simbaan.
Imbaga ni Jesus ken ni Joseph no ania ti nasken nga aramiden ti maysa nga obispo iti Simbaan. Nasken a saluadan ti obispo ti pagidulinan iti taraon. Nasken nga agurnong dagiti Santo kadagiti taraon ken lupot iti pagidulinan. No asino man kadagiti Santo ti makasapul iti taraon wenno lupot, nasken nga ikkan ida ti obispo.
Nasken a saluadan ti obispo ti kuarta para iti Simbaan. Nasken a mangted dagiti Santo iti kuarta iti obispo. Nasken a bayadan ti obispo ti gastos para iti Simbaan. Nasken nga ikkanna iti kuarta ti sumagmamano a marigrigat a Santo.
Nasken nga ipateg ti obispo dagiti Santo. Nasken nga ikagumaanna ti tumulong kadakuada. Nasken a makipagkita dagiti lallaki nga addaan iti kinasaserdote. Nasken a pagsasaritaanda ti rumbeng nga aramidenda a mangtulong kadagiti Santo.
Adu pay a tao ti nagkameng iti Simbaan. Kasapulan ti Simbaan ti ad-adu pay nga obispo. Ni Newel K. Whitney ti maikadua nga obispo ti Simbaan.
Ti obispo isu ti dadaulo dagiti Santo iti tunggal purok. Kasla obispo ti presidente ti sanga. Ti presidente ti sanga isu ti pangulo dagiti Santo iti tunggal sanga.
Rinibu itan ti obispo iti Simbaan.