“Maika-14 a Paset: Ti Propeta ken Dagiti Paltiing para iti Simbaan: Septiembre 1830,” Doctrine and Covenants Stories (2002), 56–57
“Maika-14 a Paset,” Dagiti Estoria iti Doktrina ken Katulagan, 56–57
Maika-14 a Paset
Ti Propeta ken Dagiti Paltiing para iti Simbaan
(Septiembre 1830)
Immakar da Joseph Smith ken Emma iti Nueva York. Maysa a lalaki nga agnagan iti Hiram Page ti nagnaed sadiay. Kameng isuna ti Simbaan. Adda batona. Imbagana a nakatulong kenkuana ti bato a maaddaan iti paltiing para iti Simbaan.
Adu a kameng ti Simbaan ti namati ken ni Hiram Page. Namati kenkuana ni Oliver Cowdery. Sumagmamano a tao a nangipagarup a maysa a propeta ni Hiram.
DkK 28: Pakauna
Dinamag ni Oliver ken ni Joseph ti maipapan ken ni Hiram Page. Nagkararag ni Joseph. Nangted ni Jesus iti paltiing ken ni Joseph para ken ni Oliver Cowdery. Kinunana a maysa laeng a tao ti maaddaan kadagiti paltiing para iti Simbaan. Ni Propeta Joseph Smith dayta a tao.
Kinuna ni Jesus a makaawat met dagiti tao iti paltiing para iti bagbagida. Ngem ti laeng propeta ti makaawat iti paltiing para iti sibubukel a Simbaan. Namati ni Oliver ken ni Joseph. Ammona a saan nga agpayso dagiti paltiing ni Hiram Page.
Kalpasanna imbaga ni Jesus ken ni Oliver a kasaritana ni Hiram Page. Imbaga ni Oliver ken Hiram a saan a naggapu iti Dios dagiti paltiingna. Naggapu dagiti paltiing ken ni Satanas.
Kinuna ni Oliver nga inallilaw ni Satanas ni Hiram Page. Dimngeg ni Hiram ken ni Oliver. Nagbabawi daytoy.
Maymaysa laeng a tao ti umawat iti paltiing para iti Simbaan. Presidente ti Simbaan dayta a tao. Isu ti dadaulo ti Simbaan. Isu ti propeta ti Dios. Nasken nga agtungpal dagiti kameng ti Simbaan iti propeta.