“Maika-55 a Paset: Ad-adu Pay a Riribuk Kadagiti Santo: 1843–1844,” Dagiti Estoria iti Doktrina ken Katulagan (2002), 199–200
“Maika-55 a Paset,” Dagiti Estoria iti Doktrina ken Katulagan, 199–200
Maika-55 a Paset
Ad-adu Pay a Riribuk Kadagiti Santo
(1843–1844)
Naguummong a sangkamaysa dagitoy a tao kadagiti bunggoy a mangriribuk. Tinakawda dagiti ayup a taraken dagiti Santo. Pinuoranda dagiti sarusar ken balay. Pinadasda a papanawen dagiti Santo iti Nauvoo. Saan a mapagsardeng dagiti pulis ken soldado dagiti mangriribuk. Saan a tumulong ti gobernador kadagiti Santo.
Naibaga idin ni Joseph Smith kadagiti Santo iti Nauvoo a maaddaandanto iti riribuk. Pimmayso dagiti banag a kinuna ni Joseph Smith. Ammo ni Joseph a nasken a pumanawto dagiti Santo iti Nauvoo. Nasken a mapanda iti lugar nga awan ti mangringgor kadakuada.
Adda miting ni Joseph Smith kadagiti Apostol ken sumagmamano a dadduma pay a lallaki. Imbagana kadakuada a mangbirokda iti lugar a mabalin a pagnaedan dagiti Santo.
Nagsapul ni Joseph Smith kadagti mapa ti pagilian. Impakita dagiti mapa ti maysa a lugar nga addaan kadagiti nangato a bantay ken nalawa a tanap. Nagnaed dagiti Indian idiay. Ammo ni Joseph a nasayaat a lugar daytoy a pagyanan dagiti Santo. Saan ida a madangran dagiti mangriribuk. Namnamaen ni Joseph a makapan agnaed dagiti Santo sadiay.
Sigud a kameng ti Simbaan dagiti dadduma a tao iti Nauvoo. Ngem saandan a mamati pay iti ebanghelio. Kinagurada ni Joseph Smith. Kayatda a patayen. Nangirugida iti maysa a pagiwarnak. Nagsuratda ditoy kadagiti pamadpadakes ken ni Joseph ken dagiti Santo.
Nakapungtot dagiti dadaulo ti Nauvoo maipapan iti pagiwarnak. Sumagmamano kadakuada ti napan iti pasdek ti pagiwarnak. Pinuoranda dagiti pagiwarnak. Dinadaelda ti pagimalditan. Saanen a maimaldit pay ti pagiwarnak.