Maika-41 a Paset

Riribuk iti Kirtland

(1837)

Naragsak dagiti Santo iti Kirtland, Ohio. Binendisionan ida ti Apo.

Sumagmamano nga elder ti pimmanaw iti Kirtland. Napanda insuro ti ebanghelio kadagiti tao. Adu ti tao a dimngeg kadagiti elder ket nagkamengda iti Simbaan.

Kalpasanna nangrugi ti riribuk iti Kirtland. Adda bangko dagiti Santo. Indulinda dagiti kuartada iti bangko.

Sumagmamano kadagiti Santo ti nagtarigagay a makagun-od iti adu a kuarta. Maysa a lallaki a nagtrabaho iti bangko ti saan a mapagtalkan. Nagtakaw daytoy iti sumagmamano a kuarta.

Imbaga ni Joseph Smith kadagiti dadduma a lallaki nga aywananda a nasayaat ti kuarta. Ngem saan a tinungpal dagiti lallaki ni Joseph. Nasken a maserraan ti bangko. Nagpukaw amin ti kuarta. Saanen a mapasubli dagiti Santo ti kuartada.

Adu kadagiti Santo ti nakaunget. Kinunada a basol ni Joseph Smith ti pannakaserra ti bangko. Sumagmamano kadagiti kasingedan a gagayyem ni Joseph ti namadpadakes kenkuana. Sumagmamano kadakuada ti nagtarigagay a mangpatay ken ni Joseph.

Sumagmamano kadagiti dadaulo ti Simbaan ti nakaunget. Saanda a kinayat ti agbalin a kameng ti Simbaan. Nagbalinda a kabusor ti Simbaan. Nagbalinda a dakes. Nagladingit unay ni Joseph Smith.

Impatpateg dagiti dadduma a dadaulo ti Simbaan ni Joseph ken tinulonganda daytoy. Ammoda a pudno ti Simbaan ni Jesucristo. Maysa ni Brigham Young kadagiti nalinteg a dadaulo. Imbaga ni Brigham kadagiti Santo nga ammona a propeta ti Dios ni Joseph.

Nakaunget dagiti kabusor ti Simbaan ken ni Brigham Young. Nasken a pumanaw iti Kirtland tapno saanda a madangran isuna.

Adu dagiti riribuk nga inaramid dagiti kabusor ti Simbaan iti Kirtland. Napanda iti templo ket nagaramidda kadagiti dakes a banag.

Saanen a sagrado ti templo. Saanen a mabalin a Balay ti Apo. Nagladingit ni Joseph gapu kadagiti dakes a banag nga ar-aramiden dagiti tao. Naladingitan iti kaadu unay ti riribuk.