“Maika-9 a Paset: Ti Pudno a Simbaan ni Jesucristo: 6 Abril 1830,” Dagiti Estoria iti Doktrina ken Katulagan (2002), 40–42
“Maika-9 a Paset,” Dagiti Estoria iti Doktrina ken Katulagan, 40–42
Maika-9 a Paset
Ti Pudno a Simbaan ni Jesucristo
(6 Abril 1830)
Nagtungpal ni Joseph Smith. Nangawag iti taripnong idi Abril 6, 1830. Lima a lallaki ti dimmar- ay iti taripnong a tumulong ken ni Joseph a mangirugi iti Simbaan. Da Oliver Cowdery, Hyrum Smith, Samuel Smith, David Whitmer, ken Peter Whitmer dagiti lallaki. Nabuniagandan amin. Immay dagiti dadduma a tao a nangbuya iti taripnong.
Nagkararag dagiti lallaki iti Nailangitan nga Ama. Inordenan ni Joseph ni Oliver nga agbalin nga elder iti Simbaan. Kalpasanna inordenan met ni Oliver ni Joseph.
Binendisionan da Joseph ken Oliver ti sakramento. Intedda daytoy kadagiti lallaki.
Impatay da Joseph ken Oliver dagiti imada iti ulo ti tunggal lalaki. Pinatalgedanda dagiti lallaki nga agbalin a kameng ti Simbaan ni Jesucristo. Intedda kadagiti lallaki ti sagut ti Espiritu Santo. Nagyamanda iti Dios.
Sabali pay a tattao ti adda iti taripnong. Inordenan da Joseph ken Oliver ti sumagmamano kadagiti lallaki. Intedda kadakuada ti kinasaserdote. Naragsakan unay dagiti lallaki a naordenan. Kinunada a patpatgenda ti Dios. Imbagada no kasano a pinaraburan ti Dios ida.
Nangted ni Jesus iti paltiing ken ni Joseph Smith iti taripnong. Kinuna ni Jesus a maysa a propeta ni Joseph. No agsarita ti propeta, agsarita para ken ni Jesus. Nasken a dumngeg dagiti kameng ti Simbaan iti propeta. Nasken a tungpalenda daytoy.
Adu a tao ti nabuniagan kalpasan ti taripnong. Nabuniagan ti ina ken ti ama ni Joseph Smith. Naisangsangayan nga aldaw ti Abril 6, 1830. Adda manen ti pudno a Simbaan ni Jesucristo ditoy daga.