“Maika-5 a Paset: Da Joseph Smith ken Oliver Cowdery: Pebrero–Abril 1829,” Dagiti Estoria iti Doktrina ken Katulagan (2002), 22–25
“Maika-5 a Paset,” Dagiti Estoria iti Doktrina ken Katulagan, 22–25
Maika-5 a Paset
Da Joseph Smith ken Oliver Cowdery
(Pebrero–Abril 1829)
Nangted ni Jesus ken ni Joseph iti paltiing para iti amana. Imbaga ti paltiing no kasano a matulongan dagiti tao ni Jesus. Nasken nga ayatenda ni Jesus. Nasken nga aggagetda a mangisuro iti ebanghelio. Nasken nga ayaten ken tulonganda dagiti sabali a tao.
Nasken nga agadal ken agsursuro dagiti tao nga agtarigagay nga agbalin a misionario ken tumulong ken ni Jesus. Nasken nga adda pammatida. Nasken nga agkararagda. Kinuna ni Jesus a maparaburanto dagiti tao a tumulong kenkuana.
Nagawid ti ama ni Joseph. Inkagumaanna nga inaramid dagiti imbaga ni Jesus nga aramidenna.
Nasken nga agtrabaho ni Joseph iti talonna. Nasken met nga ipatarusna dagiti balitok a pinanid. Adu unay dagiti trabaho nga aramidenna. Nagkararag ni Joseph ket dimmawat iti tulong ti Dios.
Sinungbatan ti Dios ti kararagna. Imbaon ti Dios ti maysa a lalaki nga agnagan iti Oliver Cowdery ken ni Joseph. Kayat a maammuan ni Oliver Cowdery ti maipapan kadagiti balitok a pinanid. Imbaga ni Joseph ti maipapan ken ni Moroni ken dagiti pinanid. Imbagana ken ni Oliver ti maipapan iti Libro ni Mormon.
Namati ni Oliver ken ni Joseph. Kinuna ni Oliver a tulonganna ni Joseph a mangipatarus kadagiti balitok a pinanid. Binasa iti napigsa ni Joseph dagiti balikas. Insurat ni Oliver dagiti balikas iti papel. Impasnek da Joseph ken Oliver ti nagtrabaho.
Adu a banag ti insuro ni Jesus kada Joseph ken Oliver. Kinunana a nasken a dida kalikaguman ti bumaknang. Nasken a sursuruenda ti maipapan iti Dios. Kinunana a nasken a tulonganda dagiti tao a makasursuro iti ebanghelio. Kinuna ni Jesus a nasken nga adda pammatida ket agaramidda kadagiti nasayaat a banag. No aramidenda, makapagnaeddanto iti sidong ti Nailangitan nga Ama iti agnanayon.
Kinuna ni Jesus nga agnanayon koma a gayyem ni Joseph ni Oliver. Nasken a kanayon a tulonganna ni Joseph. Kinuna ni Jesus a masursuro ni Oliver ti agipatarus a kas ken ni Joseph. Tulonganto ti Espiritu Santo ni Oliver a mangbasa kadagiti balikas iti Libro ni Mormon, ngem nasken nga adda pammati ni Oliver. Ken nasken a panunotenna a naimbag ti maipapan kadagiti balikas.
Pinadas ni Oliver ti nagipatarus. Impagarupna a nalaka laeng. Dina pinanunot ti maipapan kadagiti balikas. Kayatna nga ibaga kenkuana ti Dios dagiti balikas. Saanna a kabaelan ti agipatarus.
Saanen a pinadas pay ni Oliver ti nagipatarus iti Libro ni Mormon. Impatarus ni Joseph dagiti pinanid. Insurat ni Oliver dagiti balikas para ken Joseph. Kinuna ni Jesus a nasken nga agtrabaho a sipapasnek ni Oliver no tulonganna ni Joseph. Iti kasta paraburan ni Jesus ni Oliver.
Imbaga ni Jesus a saan a dimmawat ni Oliver iti tulong ti Dios iti rumbeng a wagas. Imbaga ni Jesus ken ni Joseph Smith no kasano a makagun-od ni Oliver ken dagiti amin a tao iti tulong manipud iti Dios.
No kasapulan dagiti tao iti tulong nasken a panunotenda ti maipapan no ania ti aramidenda. Nasken nga ikeddengda no ania ti rumbeng.
Kalpasanna nasken a damagenda iti Dios no rumbeng daytoy. No rumbeng, mariknada ti nasayaat iti pusoda. Ammoda a rumbeng daytoy.
No saan a rumbeng, saanda a marikna ti nasayaat iti pusoda.