“Maika-39 a Paset: Naidaton ti Templo ti Kirtland: Enero–Marso 1836,” Dagiti Estoria iti Doktrina ken Katulagan (2002), 151–54
“Maika-39 a Paset,” Dagiti Estoria iti Doktrina ken Katulagan, 151–54
Maika-39 a Paset
Naidaton ti Templo ti Kirtland
(Enero–Marso 1836)
Kalpasanna nagtataripnong dagiti Santo iti umuna a gundaway iti templo. Iti dayta a taripnong binendisionan ti ama ni Joseph Smith dagiti dadaulo ti Simbaan. Ti ama ni Joseph ti Patriarka ti Simbaan.
Kalpasanna naaddaan ni Joseph iti nakaskasdaaw a parmata. Nakitana ti celestial a pagarian iti langit. Iti celestial a pagarian ti pagnaedan ti Dios. Nakita ni Joseph no kasano ti kinapintas ti celestial a pagarian. Nakitana ti Nailangitan nga Ama ken ni Jesus. Nakita ni Joseph ni Alvin a kabsatna a natayen.
Naammuan ni Joseph maipapan kadagiti ubbing a matay sakbay nga agtawenda iti walo. Imbaga ni Jesus a mapandanto iti celestial a pagarian.
Kinuna ni Jesus nga adu dagiti tao a saan a makaammo iti ebanghelio idi addada pay la a biag ditoy daga.
Agindegto iti daga dagiti dadduma a tao ngem didanto masursuro ti maipapan iti ebanghelio.
Sumagmamano kadagitoy a tao ti mamati koma iti ebanghelio no naammuanda daytoy. Makapan dagitoy a tao iti celestial a pagarian.
Iti kamaudiananna, nalpas ti Templo ti Kirtland. Panawenen tapno maidaton ti templo. Kaipapananna a maitedton ti templo iti Apo. Maaramatto laeng daytoy para iti aramid ti Apo. Naaddaan iti naisangsangayan a taripnong dagiti Santo tapno maidaton ti templo.
Adu a Santo ti immay iti taripnong. Napalalo ti ragsakda a maaddaan iti templo. Nagkanta ken nagkararag dagiti Santo iti Nailangitan nga Ama. Nagkarida nga aramidenda no ania ti imbaga ti Propeta ken dagiti dadduma a dadaulo nga aramidenda.
Binasa ni Joseph Smith ti maysa a kararag a pangidaton iti templo. Kalpasanna maysan a sagrado a pasdek ti templo. Daytoy ti balay ti Apo. Adda dagiti anghel iti Templo ti Kirtland iti dayta nga aldaw. Adda ti Espiritu Santo kadagiti Santo. Maysa a naisangsangayan dayta nga aldaw.