“Maika-23 a Paset: Ti Doktrina ken Katulagan: Agosto–Nobiembre 1831,” Dagiti Estoria iti Doktrina ken Katulagan (2002), 90–92
“Maika-23 a Paset,” Dagiti Estoria iti Doktrina ken Katulagan, 90–92
Maika-23 a Paset
Ti Doktrina ken Katulagan
(Agosto–Nobiembre 1831)
Nangted ti Apo iti adu a paltiing ken ni Joseph Smith. Insurat ni Joseph dagiti paltiing. Kayat dagiti Santo a mailibro dagiti paltiing. Naawagan ti libro iti Libro dagiti Bilin. Iti saan a nabayag, naawagan daytoy iti Doktrina ken Katulagan.
Imbaga ni Jesus ken ni Joseph a napateg unay dagiti paltiing. Naggapuda iti Dios. Pudno ti amin a banag nga adda kadagitoy. Inikkan ni Jesus ni Joseph iti dua pay a paltiing. Maipapan ti maysa a paltiing iti punganay ti Doktrina ken Katulagan. Maipapan iti paggibusan ti maysa. Ibaga dagitoy kadatayo a napateg a libro ti Doktrina ken Katulagan.
Isalaysay ti Doktrina ken Katulagan iti tunggal maysa nga adda manen ditoy daga ti pudno a Simbaan ni Jesucristo.
Isalaysay ti Doktrina ken Katulagan ti maipapan iti kinasaserdote. Adda manen ti bileg ti kinasaserdote kadagiti nalinteg a lallaki.
Isalaysay ti Doktrina ken Katulagan ti maipapan iti Libro ni Mormon. Mabasa dagiti tao ti Libro ni Mormon. Maammuan ti tunggal maysa ti maipapan iti ebanghellio ni Jesucristo.
Isuro pay ti Doktrina ken Katulagan dagiti Santo nga agsisinnaranay. Mapnonto iti Espiritu Santo dagiti Santo a sumaranay.
Isuro ti Doktrina ken Katulagan dagiti bilin ti Dios. Makaipatakder iti Zion dagiti Santo nga agtungpal kadagitoy a bilin. Makapagbiagda iti agnanayon iti sidong ti Nailangitan nga Ama ken ni Jesus.
Imbaga ni Jesus a nasken a basaen dagiti amin a kameng ti Simbaan ti Doktrina ken Katulagan.
Kalpasan ti komperensia napan ni Oliver Cowdery iti Missouri. Intugotna dagiti paltiing nga insurat ni Joseph. Intedna dagitoy iti maysa nga agimalmaldit. Imbagana iti agimalmaldit nga imalditna ti tallo a ribu a libro, ngem pinasardeng dagiti dakes a lallaki ti imprenta ken dinadaelda ti kaaduan kadagiti panid.
Naipablaak iti kamaudiananna ti Doktrina ken Katulagan idi 1835. Nagyaman dagiti Santo iti Nailangitan nga Ama gapu kadagiti paltiing iti Doktrina ken Katulagan. Inkarida nga ibagada kadagiti sabali a tao a naggapu iti Dios dagiti paltiing.