“Maika-18 a Paset: Ti Linteg ti Simbaan: 4 Pebrero 1831,” Dagiti Estoria iti Doktrina ken Katulagan (2002), 67–69
“Maika-18 a Paset,” Dagiti Estoria iti Doktrina ken Katulagan, 67–69
Maika-18 a Paset
Ti Linteg ti Simbaan
(4 Pebrero 1831)
Nangted ti Apo iti napateg unay a paltiing ken ni Joseph Smith iti Kirtland. Maawagan daytoy iti linteg ti Simbaan.
DkK 42: Pakauna
Kinuna ti Apo a nasken nga isuro dagiti Santo ti ebanghelio iti amin a tao. Nasken a maordenan iti kinasasersote ti amin a lallaki a mapan iti mision. Nasken nga ordenan ida dagiti dadaulo ti Simbaan.
Nasken nga agkuyog nga agtrabaho ti dua a misionario. Nasken a mangisuroda manipud iti Biblia ken iti Libro ni Mormon. Nasken nga agkararagda tapno adda kadakuada ti Espiritu Santo. Ibaga ti Espiritu Santo kadakuada no ania ti isuroda.
Nasken a buniagan dagiti misionario dagiti tao a mamati iti ebanghelio.
Kinuna ti Apo a nasken a tungpalen dagiti kameng ti Simbaan dagiti Sangapulo a Bilin. Nasken a dida pumatay. Nasken a dida agul-ulbod. Nasken a dida agsasao iti dakes maipapan iti dadduma a tao. Nasken a dida agaramid iti ania man a dakes a banag.
Nasken nga ibinglayan dagiti Santo dagiti tao iti banag nga adda kadakuada. Ti panangibinglay iti dadduma ket kasla panangibinglay met ken ni Jesus.
Nangted ni Jesus kadagiti Santo iti dadduma pay a bilin. Awan koma ti Santo ti nasken a mangpanunot a nasaysayaat isuna ngem iti sabali a tao. Nasken a nadalus dagiti Santo. Nasken nga agtrabahoda a nasayaat.
Rumbeng nga aywanan dagiti Santo dagiti masakit a kameng. Nasken a bendisionan dagiti lallaki nga addaan iti kinasaserdote dagiti masakit a kameng. Malaingan dagiti masakit nga adda pammatina. Saandanto a matay no di pay oras ti ipapatayda.
Nasken a di agbuteng a matay dagiti nalinteg a Santo. Ti patay ket nakaskasdaaw kadagiti nalinteg a tao.
Adunto ti paltiing nga ited ni Jesus kadagiti nalinteg a kameng. Adunto a banag ti isurona kadakuada. Ammodanto no kasano ti agbalin a nakaragragsak. Imbaga ti Apo kadagiti Santo a tungpalenda ti linteg ti Simbaan.