“Maika-20 a Paset: Dagiti Sagut ti Espiritu Santo: 8 Marso 1831,” Dagiti Estoria iti Doktrina ken Katulagan (2002), 77–80
“Maika-20 a Paset,” Dagiti Estoria iti Doktrina ken Katulagan, 77–80
Maika-20 a Paset
Dagiti Sagut ti Espiritu Santo
(8 Marso 1831)
Sumagmamano kadagiti Santo ti saan a makaawat iti maipapan iti Espiritu Santo. Imbaga ni Jesus ken ni Joseph Smith ti maipapan iti Espiritu Santo. Tulongan ti Espiritu Santo ti Nailangitan nga Ama ken ni Jesus. Awan bagi a nagtagilasag ken tulang ti Espiritu Santo. Isu ket maysa nga espiritu.
Kinuna ni Jesus a tulongan ti Espiritu Santo dagiti nalinteg a tao. Tulonganna ti Dios a mangted kadakuada kadagiti naisangsangayan a sagut. Addaan naisangsangayan a sagut ti tunggal Santo. Nasken nga aramaten dagiti Santo dagiti sagutda a mangtulong iti tunggal maysa. Imbaga ni Jesus ken ni Joseph Smith no ania dagitoy a sagut.
Ited ti Espiritu Santo kadagiti sumagmamano a Santo ti sagut ti pammaneknek. Ammoda nga anak ti Dios ni Jesucristo. Ammoda a natay gapu kadatayo. Naikkan dagiti dadduma a Santo iti sagut a mamati kadagiti pammaneknek maipapan ken ni Jesus.
Sumagmamano a Santo ti naikkan iti sagut nga agbalin a dadaulo.
Sumagmamano a Santo ti naikkan iti sagut a mangammo no ania dagiti nalinteg nga espiritu ken dakes nga espiritu. Imbaon ti Dios dagiti nalinteg nga espiritu. Parparagsakendatayo. Kayarig dagitoy ti silaw. Imbaon ni Satanas dagiti dakes nga espiritu. Patangsitenda ti riknatayo. Kayarig dagitoy ti sipnget.
Sumagmamano a Santo ti sinagutan ti Espiritu Santo nga agbalin a masirib. Kabaelanda ti agpili kadagiti nasayaat. Sumagmamano a Santo ti naikkan iti sagut nga agsursuro kadagiti banag. Maisuroda no ania ti ammoda kadagiti dadduma a Santo. Maisuroda dagiti dadduma a Santo nga agpili iti nasayaat.
Sumagmamano a Santo ti naikkan iti sagut ti pammati a maagasan. Naikkan dagiti dadduma a Santo iti sagut nga agagas kadagiti masakit a tao. Ikkan pay ti Espiritu Santo dagiti dadduma a Santo iti sagut nga agaramid kadagiti milagro. Ipakita dagiti milagro ti bileg ti Dios.
Naikkan dagiti dadduma a Santo iti sagut nga agsao iti pagsasao a dida ammo.
Mangted ti Espiritu Santo kadagiti dadduma a Santo iti sagut a mangammo no ania ti mapasamak sakbay a mapasamak dagitoy.
Sumagmamano a Santo ti naikkan iti adu a sagut.
Ammo ti obispo no ania dagiti sagut nga adda iti tunggal Santo. Ammona no asino dagiti agbalin a nalaing a mannursuro. Ammona no asino ti makaaramid iti milagro. Ammona no asino kadagiti Santo ti mangipatpateg iti Dios ken mangtungtungpal kadagiti bilin ti Dios.
Mabalin a maaddaan iti adu a sagut dagiti nalinteg a Santo. Nasken nga agtrabahoda a manggun- od kadagiti sagut a kasapulanda. Aggapu amin dagitoy a sagut iti Dios.