Dagiti Estoria iti Nasantuan a Kasuratan

Umuna a Paset: Ni Joseph Smith ken ti Kaamaanna: 1805–1820

“Umuna a Paset: Ni Joseph Smith ken ti Kaamaanna: 1805–1820,” Dagiti Estoria iti Doktrina ken Katulagan (2002), 6–8

“Umuna a Paset,” Dagiti Estoria iti Doktrina ken Katulagan, 6–8

Umuna a Paset

Ni Joseph Smith ken ti Kaamaanna

(1805–1820)

Joseph Smith as young boy — Nayanak ni Joseph Smith idi 23 ti Disiembre 1805. Nagnaed ti kaamaanna iti estado ti Vermont. Adda ti Vermont iti Estados Unidos ti America. Joseph met ti nagan ti ama ni Joseph Smith. Lucy ti nagan ti inana.

Joseph and his siblings — Adda lima a kabsat a lallaki ken tallo a kabsat a babbai ni Joseph.

Joseph’s family working — Nasayaat a tattao ti ama ken ina ni Joseph. Inayatda dagiti annakda. Nagtrabahoda a nasayaat tapno mataripatoda dagiti annakda.

Joseph in bed — Idi ubing pay ni Joseph, adda nakaro a letteg iti gurongna. Inkarigatan dagiti doktor a pagimbagen ti gurongna, ngem dida kabaelan.

Hyrum sitting beside Joseph’s bed — Manong ni Joseph ni Hyrum Smith. Inayatna ni Joseph. Naladingitan ni Hyrum iti panagut-ot unay ti gurong ni Joseph. Nagtugaw iti abay ti katre ni Joseph. Inkarigatanna a tulongan a sumayaat ti panagrikna ni Joseph.

Lucy Mack Smith with Joseph — Kayat dagiti doktor a putden ti gurong ni Joseph. Saan a pinalubosan ida ti inana. Isu nga inkeddengda laengen ti mangiwa iti paset ti tulang. Ammo ni Joseph a masaktan no iwaen dagiti doktor ti sakana. Ngem adda pammatina. Ammona a tulongan isuna ti Nailangitan nga Ama.

Joseph and his mother — Kiniddaw dagiti doktor nga uminum ni Joseph iti arak tapno saan unay nga agut-ot. Saan nga imminum ni Joseph iti arak. Kiniddaw ni Joseph a rummuar ni nanangna. Dina kayat a makitana ti panangiwa dagiti doktor iti gurongna.

doctors operating on Joseph’s leg — Kiniddaw ni Joseph iti amana a mangiggem kenkuana. Iniwa dagiti doktor ti gurong ni Joseph. Iniwada dagiti nadangran a paset ti tulang. Daytoy ti nangpaut-ot unay ken ni Joseph. Ngem natured unay isuna. Immimbag ti gurong ni Joseph kalpasan ti adu nga aldaw.

log cabin — Idi dumakkelen ni Joseph, immakar ti kaamaanna iti estado ti Nueva York. Nagnaedda iti tinabla a balay iti talon nga asideg ti Palmyra.

Lucy Mack Smith washing clothes — Nakurapay ti kaamaan ni Joseph. Nasken nga agtrabahoda a nasayaat tapno mabayadanda ti talon. Tinulongan dagiti annak a lallaki ti amada a nagmula iti bukbukel. Nagtarakenda kadagiti ayup. Timmulong dagiti annak a babbai iti inada.

Joseph stick-pulling with brother — Nasingpet nga ubing ni Joseph. Naragsak. Kaay-ayona ti agkatawa ken agragragsak.