“Maika-49 a Paset: Dagiti Santo iti Nauvoo: Enero–Hulio 1841,” Dagiti Estoria iti Doktrina ken Katulagan (2002), 183–84
“Maika-49 a Paset,” Dagiti Estoria iti Doktrina ken Katulagan, 183–84
Maika-49 a Paset
Dagiti Santo iti Nauvoo
(Enero–Hulio 1841)
Agnanaed ni Joseph Smith ken dagiti adu a Santo iti Nauvoo, Illinois. Inikkan ni Jesus ni Joseph iti sumagmamano a napapateg a paltiing. Kinuna ni Jesus a maragsakan kadagiti naaramid a trabaho ni Joseph. Kinuna ni Jesus a nasken a makasabaan koma ti amin nga ari ken dadaulo iti lubong maipapan iti ebanghelio.
Kinuna ni Jesus a nasken mangipatakder dagiti Santo iti templo iti Nauvoo. Kayatna a mangted dagiti Santo iti balitok ken pirak para iti templo. Nasken a mangitugotda iti adu a kita ti napipintas a kayo a pangpatakder iti templo.
Imbaga ni Jesus a mapanto iti templo. Mangtedto kadagiti paltiing maipapan iti Simbaan ken kinasaserdotena.
Imbaga ni Jesus ken ni Joseph a kasapulan dagiti Santo ti mabuniagan para kadagiti pimmusayen a tao. Imbagana a nasken a mangaramidda koma iti puente a pagbuniagan iti templo. Mabalin a mabuniaganda para kadagiti natay iti puente.
Kinuna ni Jesus a patpatgenna ti lalaki a kabsat ni Joseph a ni Hyrum. Ni Hyrum Smith ti agbalinto a Patriarka ti Simbaan. Mangtedto iti naisangsangayan a bendision kadagiti Santo.
Maysa nga aldaw, nangted ti Apo ken ni Joseph iti maysa a paltiing maipapan ken ni Brigham Young. Kinuna ni Jesus a patpatgenna ni Brigham Young. Ammona a nagtrabaho a sipapasnek ni Brigham Young para iti Simbaan. Namin-adu nga immadayo iti pagtaengan gapu kadagiti adu a mision. Napanawanna ti kaamaanna iti adu a panawen.
Kinuna ti Apo a nasken nga agtalinaed ni Brigham Young iti sidong ti kaamaanna. Naisangsangayan koma ti panangtaripatona kadakuada.