“Maika-52 a Paset: Riribuk iti Nauvoo: Mayo–Agosto 1842,” Dagiti Estoria iti Doktrina ken Katulagan (2002), 191–93
“Maika-52 a Paset,” Dagiti Estoria iti Doktrina ken Katulagan, 191–93
Maika-52 a Paset
Riribuk iti Nauvoo
(Mayo–Agosto 1842)
Pinili dagiti Santo ni John C. Bennett tapno agbalin a mayor iti Nauvoo. Nasayaat a mayor daytoy idi damona. Ngem nangrugi a nagaramid kadagiti dakes a banag. Dina kayat ni Joseph Smith.
Kayat dagiti tao iti Nauvoo a maaddaanda iti naisangsangayan a panagtitipon. Kayatda nga agmartsa dagiti soldado iti parada.
Ni John Bennett ti dadaulo dagiti soldado. Inkeddengna nga adda dangadang dagiti soldado. Saan nga agpaypayso a dangadang daytoy. Pagraragsakan laeng daytoy.
Kiniddaw ti Mr. Bennett nga idauluan ni Joseph Smith dagiti soldado iti dangadang. Ammo ni Joseph Smith ti saan a panangayat kenkuana ni John Bennett. Napanunotna a kayat isuna a patayen ni Mr. Bennett. Imbaga ti Apo ken ni Joseph a nasken a saan a mapan iti dangadang.
Nakaunget ni John Bennett. Dina kinayat ti agbalin a mayor iti Nauvoo. Pinili dagiti tao ni Joseph Smith nga agbalin a mayor.
Saan a kinayat ni John Bennett ken sumagmamano a lallaki ti agbalin a kameng ti Simbaan. Adu ti pammadpadakesda maipapan ken ni Propeta Joseph Smith.
Kinasao ni Joseph Smith dagiti sumagmamano a lallaki a kameng ti Simbaan. Imbagana nga umad-adu ti riribuk kadagiti Santo. Iti maysa nga aldaw panawandanto ti Nauvoo. Mapandanto iti Rocky Mountains. Mangipatakderto dagiti Santo iti siudad sadiay. Tungpalendanto ti Dios ket agbalindanto a natikber a tattao.