“Maika-6 a Paset: Naited Kada Joseph ken Oliver ti Kinasaserdote: Mayo 1829,” Dagiti Estoria iti Doktrina ken Katulagan (2002), 26–30
“Maika-6 a Paset,” Dagiti Estoria iti Doktrina ken Katulagan, 26–30
Maika-6 a Paset
Naited Kada Joseph ken Oliver ti Kinasaserdote
(Mayo 1829)
Nagipatpatarus da Joseph Smith ken Oliver Cowdery iti Libro ni Mormon. Nabasada ti maipapan iti panagbuniag. Kayatda nga ad-adu pay ti maammuanda maipapan iti panagbuniag.
Inkeddeng da Joseph ken Oliver ti agdamag iti Dios. Adda pammatida a tulongan ti Dios ida a mangsursuro iti kinapudno. Idi 15 ti Mayo 1829, napanda iti kakaykaywan ket nagkararagda.
Maysa nga anghel ti nagpakita kada Joseph ken Oliver. Napalawlawan ti anghel iti naraniag a lawag. Ni Juan Bautista ti anghel. Isu ti nangbuniag ken ni Jesus iti nabayagen a panawen.
Immay ni Juan Bautista a mangted kada Joseph ken Oliver iti kinasaserdote. Ti kinasaserdote ti bileg ti Dios. Intedna kada da Joseph ken Oliver ti Kinasaserdote nga Aaron. Adda bileg dagiti saserdote iti Kinasaserdote nga Aaron a mangbuniag kadagiti tao.
Imbaga ni Juan Bautista nga agbinnuniag da Joseph ken Oliver. Binuniagan ni Joseph ni Oliver. Sa binuniagan met ni Oliver ni Joseph. Nairaremda iti danum idi nabuniaganda.
Nabayagen a panawen ti napalabas, binuniagan ni Juan Bautista ni Jesus iti kasta met la a wagas. Nairarem ni Jesus iti danum idi nabuniagan.
Napno iti Espiritu Santo da Joseph ken Oliver kalpasan ti pannakabuniagda. Imbaga kadakuada ti Espiritu Santo nga iti mabiit addanto manen iti rabaw ti daga ti pudno a Simbaan ni Jesucristo.
Imbaga da Joseph ken Oliver kadagiti nasayaat a gagayyemda a nabuniagandan. Imbagada kadakuada ti maipapan iti kinasaserdote. Ngem di imbaga da Joseph ken Oliver daytoy kadagiti sabali a tao. Ammoda a saanto a mamati kadakuada dagiti dakes a tao. Mangted laeng iti riribuk kadakuada dagiti dakes a tao.
Kalpasan ti sumagmamano nga aldaw, immay ti tallo a sabali pay nga anghel. Isuda da Pedro, Santiago ken Juan. Isuda dagiti Apostol ni Jesus iti napalabas a nabayagen a panawen. Inted da Pedro, Santiago, ken Juan ti Kinasaserdote a Melchizedek kada Joseph Smith ken Oliver Cowdery.
Adda manen ti kinasaserdote ti Dios ditoy daga. Ita, mabalinen dagiti nalinteg a lallaki a maaddaan iti bileg ti kinasaserdote. Makapagbalin a dadaulo iti Simbaan dagiti lallaki nga addaan iti Kinasaserdote a Melchizedek. Mabendisionanda dagiti tao. Maitedda kadagiti tao ti sagut ti Espiritu Santo.
DkK 20:41–44