“Maika-32 a Paset: Ti Simbaan ni Jesucristo iti Kirtland: Marso-Hunio 1833,” Dagiti Estoria iti Doktrina ken Katulagan (2002), 123–25
“Maika-32 a Paset,” Dagiti Estoria iti Doktrina ken Katulagan, 123–25
Maika-32 a Paset
Ti Simbaan ni Jesucristo iti Kirtland
(Marso–Hunio 1833)
Ni Josesph Smith ti propeta ti Simbaan ni Jesucristo. Kinuna ti Apo ken ni Joseph a nasken nga adda lallaki a tumulong kenkuana. Isudanto dagiti mamagbagana. Nasken a da Sidney Rigdon ken Frederick G. Williams dagiti mamagbagana. Ni Joseph ken dagiti mamagbagana ti Umuna a Panguluen ti Simbaan.
Ita, ti sibibiag a propeta ti dadaulo ti Simbaan. Isu ken dagiti mamagbagana ti maawagan iti Umuna a Panguluen.
Naordenan ni Joseph Smith ken dagiti mamagbagana iti maysa a taripnong iti Kirtland, Ohio. Maysa a sagrado a taripnong daytoy. Nakiranud iti sakramento ti amin a tao nga adda iti taripnong.
Sumagmamano a lawas kalpasanna, inrugi ni Joseph Smith ti umuna nga istaka ti Simbaan. Ti istaka ket buklen ti adu a kameng ti Simbaan nga agnanaed nga agaassideg. Kameng amin dagiti Santo iti Kirtland ti umuna nga istaka. Ita, adun ti istaka ti Simbaan.
Kalpasanna, kinuna ni Jesus a nasken nga agpatakder dagiti Santo iti ad-adu pay a pasdek ti Simbaan. Nasken a mangipatakderda iti templo iti Kirtland. Kasapulanda ti mangipatakder iti lugar a pagtrabahuan ti Umuna a Panguluen. Kasapulan met ti Simbaan ti imprenta a pagimalditan.
Tinungpal dagiti Santo ti Apo. Inrugida a binangon ti Templo iti Kirtland. Narigat a trabaho ti panagbangon iti templo. Masapul a tumulong amin dagiti Santo.
Adu pay a tao ti nagkameng iti Simbaan. Imbaga ni Jesus ken ni Joseph nga agpili iti adu pay a dadaulo para kadagiti Santo. Kinunana a ti koma ama ni Joseph ti agbalin a Patriarka ti Simbaan. Ti Patriarka ti mangted iti bendision kadagiti Santo. Adda kenkuana ti Kinasaserdote a Melchizedek.
Imbaga ni Jesus ken ni Joseph a mangpili iti sangapulo-ketdua a lallaki nga agbalin a kameng ti nangato a konseho. Isuda dagiti lallaki nga addaan iti Kinasaserdote a Melchizedek. Tulonganda dagiti Santo a mangammo no ania ti umisu ken no ania ti maikaniwas.