“Maika-63 a Paset: Dagiti Santo iti Rocky Mountains: Hulio 1847,” Dagiti Estoria iti Doktrina ken Katulagan (2002), 230–33
“Maika-63 a Paset,” Dagiti Estoria iti Doktrina ken Katulagan, 230–33
Maika-63 a Paset
Dagiti Santo iti Rocky Mountains
(Hulio 1847)
Inrugi dagiti nagkauna a kameng ti nangaramid iti maysa a siudad iti Great Salt Lake Valley. Ninagananda ti siudad iti Siudad ti Salt Lake. Nagpili ni Brigham Young iti lugar a pakaipatakderan ti templo.
Biningaybingay ni Brigham Young ti siudad. Tunggal kaamaan adda dagana a pagbalayan ken pagtalonan. Nagipatakder dagiti nagkauna a kameng kadagiti balay a naaramid iti tabla. Nagitukitda kadagiti bukbukel. Nagtrabahoda a sipapasnek. Insuro ni Brigham Young dagiti Santo a nasken nga agtrabaho ti tunggal maysa para iti kasapulanna.
Biningaybingay ni Brigham Young ti siudad ti lima a purok. Rinugian dagiti tao ti nagipatakder kadagiti simbaan. Adu pay dagiti nagkauna a kameng ti napan iti tanap. Iti saan a nabayag, addan sangapulo-ket-siam a purok.
Nangirugi dagiti nagkauna a kameng iti eskuela. Adda iti maymaysa a pasdek ti eskuela a pagklasean ken pagtataripnongan ti Simbaan. Iti saan a nabayag, nangrugi ti Pagadalan iti Domingo.
Nangibaon ni Brigham Young kadagiti misionario iti sabali a lugar iti ballasiw ti taaw. Kadagiti dadduma a lugar, sumagmamano laeng a tao ti nagkameng iti Simbaan.
Kadagiti sabali a lugar, adu a tao ti namati kadagiti misionario. Nagkamengda iti Simbaan. Adu kadakuada ti nagtarigagay a makipagnaed kadagiti Santo iti Great Salt Lake Valley. Binallasiwda ti taaw babaen ti bapor.
Sumagmamano kadagiti tao ti bimmallasiw kadagiti kapatagan babaen dagiti naabbongan a karison. Ngem sumagmamano kadagiti tao ti awan kuartana nga igatang iti karison. Nagaramidda iti babassit a karison a dua ti pilidna. Maawagan dagitoy iti karison a guyguyoden ti ima. Inkarga amin dagiti nagkauna a kameng dagiti gargaretda iti uneg ti karison. Induron ken ginuyodda dagiti karison nga imballasiw iti kapatagan. Narigat unay a trabaho ti agguyod kadagiti karison. Sumagmamano kadagiti tao ti nagsakit ken natay.
Maysa a masirib a dadaulo ni Brigham Young. Nangipatulod kadagiti lallaki ken kaamaanda kadagiti sabali a lugar iti Laud. Sumagmamano a Santo ti nagaramid kadagiti ili iti California. Nagaramid dagiti dadduma a Santo kadagiti ili iti Idaho, Arizona, ken Wyoming. Sumagmamano kadagiti tao ti nagladingit a pimmanaw kadagiti pagtaenganda. Ngem tinungpalda ni Brigham Young.
Adu ti parikut dagiti Santo. No dadduma, saan nga agtubo dagiti mulada. Yagus ti layus dagiti bangkagda. No dadduma takawen dagiti Indian dagiti gargaret dagiti Santo wenno saan patayenda ida.
Imbaga ni Brigham Young kadagiti Santo nga agbalinda a nasayaat kadagiti Indian. Nangted dagiti Santo iti taraon kadagiti Indian. Adu kadagiti Indian ti nakigayyem kadagiti Santo.
Inrugi dagiti Santo ti nagaramid kadagiti templo iti Laud. Idi tawen ti 1853, inrugida nga inaramid ti templo iti Siudad ti Salt Lake. Nagtrabahoda iti uppat-a-pulo a tawen tapno maaramid ti templo. Nakaaramid pay dagiti Santo iti tallo a templo sakbay a nalpas ti Templo ti Salt Lake. Inaramidda ti Templo ti St. George, ti Templo ti Logan, ken ti Templo ti Manti.