“Maika-7 a Paset: Nakita Dagiti Saksi Dagiti Balitok a Pinanid: 1829–1830,” Dagiti Estoria iti Doktrina ken Katulagan (2002), 31–33
“Maika-7 a Paset,” Dagiti Estoria iti Doktrina ken Katulagan, 31–33
Maika-7 a Paset
Nakita Dagiti Saksi Dagiti Balitok a Pinanid
(1829–1830)
Nalpas nga impatarus da Joseph Smith ken Oliver Cowdery ti Libro ni Mormom. Kayat ni Jesucristo a mabasa dagiti tao ti Libro ni Mormon. Kayatna a maammuanda nga imbaga ni Joseph ti kinapudno maipapan kadagiti balitok a pinanid. Kayat ni Jesus a maammuan dagiti tao a pudno dagiti balitok a pinanid.
Ni Joseph Smith laeng ti tao a nakakita kadagiti balitok a pinanid. Nangpili ni Jesus iti tallo pay a lallaki a mangkita kadagiti balitok a pinanid. Maawagan iti saksi dagitoy a lallaki. Da Martin Harris, Oliver Cowdery, ken David Whitmer dagiti lallaki.
DkK 17:1
Inkuyog ni Joseph dagiti tallo a saksi iti kakaykaywan. Nagkararagda. Immay ti maysa nga anghel ket impakitana kadakuada dagiti balitok a pinanid. Impakitana kadakuada ti nakasurat kadagiti pinanid. Imbaga ni Jesus kadagiti tallo a saksi nga isuratda ti maipapan kadagiti banag a nakitada.
Napalalo ti ragsak ni Joseph. Imbaga dagiti tallo a saksi kadagiti dadduma a tao a pudno dagiti balitok a pinanid. Ammo itan dagiti tao a pudno amin dagiti imbaga ni Joseph maipapan kadagiti pinanid.
Imbaga ni Jesus ken ni Joseph nga ipakitana dagiti pinanid iti walo pay a saksi. Iniggaman dagiti walo a lallaki dagiti balitok a pinanid. Nakitada ti naisurat kadagiti pinanid.
Insurat amin dagiti saksi ti maipapan kadagiti balitok a pinanid. Imbagada a nakitada dagiti pinanid. Imbagada a pudno dagiti balitok a pinanid. Adda iti Libro ni Mormon dagiti balikas nga insurat dagiti saksi.
Libro ni Mormon: Ti Pammaneknek Dagiti Tallo a Saksi; Ti Pammaneknek Dagiti Walo a Saksi
Nalpasen ni Joseph Smith nga impatarus dagiti pinanid. Nakitan dagiti saksi dagitoy. Saanen a masapul pay ni Joseph dagiti balitok a pinanid. Sinarungkaran ni Anghel Moroni ni Joseph. Insubli ni Joseph dagiti balitok a pinanid ken ni Moroni.
Ita nakasaganan a maimaldit ti Libro ni Mormon. Impan ni Joseph daytoy iti maysa nga agimalmaldit. Awan kuarta ni Joseph a pagbayad iti agimalmaldit. Adu ti kuarta ni Martin Harris. Kinuna ni Jesus a nasken nga ibinglay ni Martin Harris ti kuartana a pangbayad iti agimalmaldit.
Saan a kayat ni Satanas a maimaldit ti Libro ni Mormon. Dina kayat a mabasa daytoy dagiti tao. Pinadas dagiti dakes a lallaki a pasardengen ti agimalmaldit.
Saan nga agtrabaho idi iti Domingo ti agimalmaldit. Maysa a dakes a lalaki ti napan iti pagimalditan kadagiti aldaw ti Domingo. Tinakawna ti sumagmamao a panid ti Libro ni Mormon. Immalditna dagiti panid iti maysa a pagiwarnak. Linapdan ti sumagmamano a nalinteg a tao ti panagtakawna kadagiti panid.
Kayat ni Jesus a mabasa dagiti tao ti Libro ni Mormon. Saan a mapagsardeng dagiti dakes a lallaki ti aramid ni Jesus. Saan a mapagsardeng dagiti dakes a lallaki ti agimalmaldit. Iti kamaudiananna, naimaldit ti Libro ni Mormon. Ita, adun a tao ti makabasa iti daytoy. Masursuroda ti ebanghelio ni Jesucristo.