“Maika-10 a Paset: Ti Umuna a Milagro iti Simbaan: Abril 1830,” Dagiti Estoria iti Doktrina ken Katulagan (2002), 43–44
“Maika-10 a Paset,” Dagiti Estoria iti Doktrina ken Katulagan, 43–44
Maika-10 a Paset
Ti Umuna a Milagro iti Simbaan
(Abril 1830)
Domingo, 11 ti Abril 1830 ti simmaruno a taripnong ti Simbaan ni Jesucristo. Immay iti taripnong dagiti kameng ti Simbaan. Santo ti awag kadagiti kameng.
Adu pay dagiti sabali a tao dimmar-ay iti taripnong. Saanda a kameng ti Simbaan. Insuro kadakuada ni Oliver Cowdery ti ebanghelio ni Jesucristo. Sumagmamano kadagiti tattao ti namati ken ni Oliver ket kinayatda ti agkameng iti Simbaan. Nabuniaganda kalpasan ti taripnong.
Saan a kayat ni Satanas nga agkameng dagiti tao iti Simbaan. Pinadas ni Satanas a pagbalinen a dakes ti rikna dagiti nasayaat a tao. Maysa kadagitoy a tattao ti agnagan iti Newel Knight. Saan a kameng ti Simbaan ni Newel Knight. Saan a kayat ni Satanas a mabuniagan daytoy.
Kiniddaw ni Joseph nga agkararag ni Newel iti maysa a taripnong. Kinuna ni Newel nga agkararag isuna.
Saan a kinayat ni Satanas a tungpalen ni Newel ni Joseph. Napan ni Newel iti taripnong, ngem saan a nagkararag. Kinunana a mabuteng nga agkararag iti napigsa.
Idi agangay, napan ni Newel Knight iti kakaywan. Kayatna ti agkararag nga agmaymaysa. Saan a kayat ni Satanas nga agkararag daytoy. Pinadas ni Newel ti nagkararag, ngem saan a nakapagsao. Nagsakit. Nagladingit ken nagbuteng. Nagawid ni Newel.
Nariribukan ti asawa ni Newel. Kiniddawna ken ni Joseph Smith a tulonganna ni Newel. Inaramat ni Joseph Smith ti bileg ti kinasaserdotena a nangbendision ken ni Newel. Simmayaat manen ti rikna ni Newel. Saanen a masakit. Saanen a mabuteng. Naragsakan. Saanen a kabaelan a dangran isuna ni Satanas. Iti saan a nabayag, nabuniagan ni Newel Knight.