Kōmeļeļe ko jān To All Worthy Male Members, jān Emma Allebes

Tijem̧ba 8–14: “Kōmij Tōmak”

Laajrak in Tōmak ko im Kean̄ Jān Kabun̄ 1 im 2

Jān kar Visōn eo M̧oktata an Josep Smith, Anij ekar wōnm̧aanļo̧k wōt im tōl Kabun̄ in an jān revelesōn. Ilo jekjek ko jet, revelesōn eo ekar kakobaik ukooktak ko an kakien ko im iminene ko an Kabun̄ in. Kean̄ Jān Kabun̄ 1 im 2 rekar kōjeļļā kōn kain revelesōn in—juon ekar tōl n̄an kajem̧ļo̧k m̧are elōn̄ļo̧k jān juon, im eo juon ekar kōm̧m̧an bwe kōjeraam̧m̧an ko an priesthood eo ren peļļo̧k n̄an aolep armej. Oktak ko āinwōt kein rej mōttan meļeļein ta eo bwe en wōr ippād juon “kabun̄ eo em̧ool im emour” (Katak im Bujen Ko 1:30), ippān juon rikanaan em̧ool im emour, tōl jān juon Anij eo em̧ool im emour.

Bōtaab m̧ool eo indeeo rejjab oktak, ijoke m̧eļeļe eo ad kake ej. Im jet iien revelesōn ej letok eļapļo̧k meram kōn m̧ool. Laajrak in Tōmak ko rej jerbal n̄an kam̧ool unin jibadbad in. Kabun̄ in ekar ejaak ilo pen ioon m̧ool eo indeeo ijoko emaron̄ edd­k im oktak ekkar n̄an aniklaan Irooj, im jejjet n̄an tūriam̧o ko an ekkar n̄an jekjek an ro nejin armej” (Katak im Bujen Ko 46:15). Ilo bar jet naan, “Kōmij tōmak aolep men ko em̧ōj an Anij kwaļo̧ki, aolep men ko E ej kwaļo̧ki kiiō, im kōmij tōmak bwe Enaaj kwaļo̧k elōn̄ men ko reļļap im aorōk im rej ekkejelļo̧k n̄an Aelōn̄ in Anij” (Laajrak in Tōmak ko 1:9).

Ļōmnak ko n̄an Ekkatak ilo M̧weeo im ilo Kabun̄ in

Laajrak in Tōmak ko

Laajrak in Tōmak ko epād ie pedped in m̧ool ko an gospel eo em̧ōj an jepļaaktok.

Ļōmņake kiltōn in n̄an ekkatak Laajrak in Tōmak ko: N̄an kajjojo laajrak in tōmak, kōm̧m̧an juon “katak-kadu” n̄an kōmeļeļeik ta eo kwoj tōmake. Katak-kadu eo am̧ emaron̄ kobaik juon eoon eiokļo̧k, pija, al ak al ko an ajri, ak en̄jake ko an juon make kōn mour kōn juon m̧ool me laajrak in tōmak ej katakin kaki.

Ta oktak ko m̧ool kein rej kōm̧m̧ane ilo jem̧jerā eo am̧ ippān Jemedwōj Ilan̄ im Jisōs Kraist? Elmen an Laajrak in Tōmak ko kar kōkm̧anm̧anļo̧k ekatak in gospel eo am̧ ak jipan̄ eok jeere gospel eo n̄an ro jet?

Bar lale Unin Tōl eo n̄an Jeje ko Rekwojarjar, “Laajrak in Tōmak ko,” Gospel Library; L. Tom Perry, “The Doctrines and Principles Contained in the Articles of Faith,” Liahona, Nov. 2013, 46–48; “Chapter 38: The Wentworth Letter,” ilo Teachings of Presidents of the Church: Joseph Smith (2011), 435–47.

Laajrak in Tōmak ko 1:9; Kean̄ Jān Kabun̄ in 1 im 2

Kabun̄ eo an Jisōs Kraist ej tōl kōn revelesōn.

“Kōmij tōmak bwe [Anij] enaaj kwaļo̧k elōn̄ men ko reļļap im aorōk im rej ekkejelļo̧k n̄an Aelōn̄ in Anij” (Laajrak in Tōmak ko 1:9). Kōn pedped in katak in ilo kōļmenļo̧kjeņ, etale Kean̄ Jān Kabun̄ in 1 im 2, im pukot naan ko im jentōj ko me rej kōkajoorļo̧k tōmak eo am̧ ilo revelesōn ko rej wōnm̧aanļo̧k wōt. Ekōjkan an revelesōn kein jelōt mour eo am̧? Ekōjkan aer kar jipan̄ jerbal eo an aelōn̄ eo an Jemedwōj Ilan̄ em̧m̧anļo̧k?

Ta kein kam̧ool ko kwoj loi me Kabun̄ in ej bōk tōl “jān im̧we eo an Anij Ekajoor Bōtata” raiinin? (Kean̄ Jān Kabun̄ 1). Bōlen kwomaron̄ etale juon ak elōn̄ļo̧k enaan ko jān kweilo̧k eo eļap rekāāl, pukōt ewi wāween an Irooj tōl Kabun̄ in An—im mour eo am̧. Enaan eo ekāāltata jān Būreejtōn eo an Kabun̄ in emaron̄ juon jikin eo em̧m̧an n̄an ijjino.

Ta eo kwoj maron̄ kōm̧m̧ane n̄e kwe ak juon eo kwoj iakwe ej pen an meļeļe ak mour kōn ta eo Irooj ej katakin jān rikanaan ro An? Etke kwoj kam̧m̧oolol kōn juon rikanaan?

Bar lale Amos 3:7; 2 Nipai 28:30; Allen D. Haynie, “Juon Rikanaan Emour n̄an Raan Kein Āliktata,” Liaona, Māe 2023, 25–28; Topics and Questions, “Prophets,” Gospel Library; “Kimij Kamolol Yuk, O Anij, Kin Juōn Dri Kanan,” Al in Jar ko, no. 26.

Kean̄ Jān Kabun̄ 1

Jerbal eo an Anij ej aikuj wōnm̧aanļo̧k wōt.

Ilo “Ennaan ko Kāāleti jān Kōnono ko Jilu jān Būreejtōn Wilford Woodruff ekar kōn meļeļe eo” (ilo jem̧ļo̧kin Kean̄ Jān Kabun̄ 1), ta wūnleplep in an rikanaan eo kar leļo̧k bwe Irooj en kōjem̧ļo̧k m̧are elōn̄ļo̧k jān juon? Ta eo menin ej katakin eok kake kōn jerbal eo an Anij?

N̄an meļeļe ko reļļapļo̧k kōn kadkadin bwebwenato in Kean̄ Jān Kabun̄ 1, lale Saints, 2:602–15; “The Messenger and the Manifesto,” ilo Revelations in Context, 323–31; Topics and Questions, “Plural Marriage and Families in Early Utah,” Gospel Library.

Wilford Woodruff, jān H. E. Peterson

Kean̄ Jān Kabun̄ in 2

Imaron̄ lōke Irooj, jekdoon n̄e ejjab ļap meļeļe ippa.

Jej jab jeļā etke ekapit an priesthood im kain̄i ko an tampeļ raar jab peļļo̧k n̄an ro uwaan Kabun̄ in ilo Africa wanlaļ tak n̄an juon tōre. Jekdo̧o̧n n̄e jej jelm̧ae kajjitōk kein ejjeļo̧k uwaakier kōn kakien in, elōn̄ Armej ro Rekwojarjar ilo Raan ko Āliktata Rekilmeej raar lōke Irooj, (lale Jabōn Kōnnaan Ko 3:5) im kar pād wōt ilo tiljek n̄an E ilo aolepen mour ko aer. Ekkatak kōn tōmak im en̄jake ko aer emaron̄ im̧we eok. Erkein rej jet iaan bwebwenato ko, loi ilo history.ChurchofJesusChrist.org:

• “Jane Elizabeth Manning James”

• “In My Father’s House Are Many Mansions” (bwebwenato in Green Flake)

• “You Have Come at Last” (bwebwenato in Anthony Obinna)

• “Break the Soil of Bitterness” (bwebwenato in Julia Mavimbela)

• “I Will Take It in Faith” (bwebwenato in George Rickford)

• “Long-Promised Day” (bwebwenato in Joseph W. B. Johnson)

Ilo am̧ riiti Kean̄ Jān Kabun̄ 2, ta eo kwoj ekkatak kake kōn wāween an Irooj tōl kakien ko an Kabun̄ in An? Ļōmņake elmen am̧ kar ekkatak n̄an lōke Irooj jekdo̧o̧n n̄e ejjeļo̧k juon m̧eļeļe eļap ippam̧.

Bar lale 2 Nipai 26:33; “Witnessing the Faithfulness,” ilo Revelations in Context, 332–41; Topics and Questions, “Race and the Priesthood,” Gospel Library; Ahmad Corbitt, “A Personal Essay on Race and the Priesthood,” parts 1–4, history.ChurchofJesusChrist.org; BeOne.ChurchofJesusChrist.org.

EM̧M̧AN in ba, “Ijjab jeļā.” Ilo am̧ aikuj in kajjieon̄ ijo em̧m̧an tata ippam̧ n̄an jipan̄ ro armej ro kwoj katakin n̄an uwaake kajjitōk ko aer kōn gospel in, Irooj ejjab kōtmāne bwe kwon jeļā aolep men. N̄e kwōjjab jeļā kilen uwaake juon men, kwon ba. Innām kwaļo̧k n̄an rūkkatak ro am̧ katak eo kar kwaļo̧ke, im kwaļo̧k naan in kam̧ool eo am̧ em̧ool kōn ta eo kwōjeļā.

N̄an ļōmņak ko reļļapļo̧k, lale ennaan eo an allōn̄ in ilo Liaona im N̄an Kōkajoorļo̧k Jodikdik ro māākjiin.

Ļōmņak ko n̄an Katakin Ajri ro

Laajrak in Tōmak ko

Ij tōmak ilo gospel eo an Jisōs Kraist.

• Ļōmņak in pukote im al kōn al in jar ko ak al ko an ajri me remaron̄ jipan̄ ajri ro nejum̧ meļeļe juon ak elōn̄ļo̧k Laajrak in Tōmak ko. Bōlen rej maron̄ jipan̄ eok kāālet al in jar ko. Jipan̄ ajri ro nejum̧ lo ekōjkan an al ko iokļo̧k Laajrak in Tōmak ko.

• Kwe im ajri ro nejum̧ maron̄ jerbal ippān doon n̄an je kajjitōk ko emaron̄ wōr ippān armej eo kōn gospel eo an Jisōs Kraist ak Kabun̄ in An. Innām kom̧ maron̄ jerbal ippān doon n̄an kōjerbal Laajrak in Tōmak ko n̄an uaaki kajjitōk kein. Ta eo jemaron̄ kōm̧m̧ane n̄e ewōr ad kajjitōk kōn gospel in?

Laajrak in Tōmak ko 1:9; Kean̄ Jān Kabun̄ 1 im 2

Irooj ej tōl Kabun̄ in An kōn rikanaan eo An.

• N̄an jipan̄ ajri ro nejum̧ meļeļe laajrak in tōmak ko ruatimjuon, bōlen kwomaron̄ leļo̧k n̄an er juon bok in jeje ko rekwojarjar im juon pijaan rikanaan eo emour (ak juon māākjiin eo ekāāl an Liaona). Kajjitōk ippāer n̄an lelōn̄ļo̧k bok in jeje ko rekwojarjar ilo am̧ riiti naan ko “aolep men ko em̧ōj an Anij kwaļo̧ki” im pija eo ak māākjiin eo n̄e kwoj riiti “aolep men ko E ej kwaļo̧ki kiiō” (Laajrak in Tōmak ko 1:9). Etke jej aikuj rikanaan ro rainin im ro etto jim̧or?

• Ajri ro remaron̄ ekkatak wāween an naan ko an rikanaan tōl kōj jān ļo̧o̧r kōmeļeļe ko n̄an kōm̧m̧ane juon men, āinwōt m̧ōn̄ā ak juon kein ikkure, Kwoj maron̄ keidi menin n̄an kōmeļeļe ko Jisōs Kraist ej letok kōn rikanaan eo. Ta jet men ko Irooj ekar katakin kōj jān rikanaan eo An emour rainin?

Anij ej kūr rikanaan ro n̄an tōl Kabun̄ eo An.

Kean̄ Jān Kabun̄ 1 im 2

Rikanaan ro rej jipan̄ kōj jeļā ankilaan Jemedwōj Ilan̄.

• Bōlen loe wāween an eoon ko etto iokļo̧k revelesōn ko raan kein emaron̄ jipan̄ ajri ro neju,m meļeļe Kean̄ Jān Kabun̄. Kwomaron̄ kajjitōk ippāer n̄an riiti Jerbal 10:34–35 im Jekab 2:27–30 im kipel er bwe ren lale ewi wōt eoon in ej iokļo̧k Kean̄ Jān Kabun̄ 1 (eo me ej tōļļo̧k n̄an jem̧ļo̧k in m̧are elōn̄ļo̧k jān juon) im ej iokļo̧k Kean̄ Jān Kabun̄ 2 (eo me ekar kōjjeļā kake bwe ekapit an priesthood im kain̄i ko an tampeļ repeļļo̧k n̄an aolep armej). Kwaļo̧k am̧ naan in kam̧ool bwe Irooj ej kwaļo̧k An kilaan n̄an etto im rikanaan ro raan kein.

N̄an ļōmņak ko reļļapļo̧k, lale ennaan eo an allōn̄ in ilo eo Jera māākjiin.