Kōmeļeļe ko jān Nativity in Copper and Umber, jān J. Kirk Richards

Tijem̧ba 22–28: Menin Letok eo Ban Keidi an Nejin Anij

Kūrijm̧ōj

Rikanaan Josep Smith ekar kwaļo̧k, “Pedped in katak ko an kabun̄ eo ad rej naan in kam̧ool eo an Rijilōk ro im Rikanaan ro, kōn Jisōs Kraist, bwe Eaar mej, kar kalbwini, im kar jerkak bar juon alen ilo raan eo kein kajilu, im wanlōn̄ļo̧k n̄an lan̄; im aolep men ko jet rej ekkar n̄an kabun̄ eo ad rej wōt men ko reddik n̄an e” (Teachings of Presidents of the Church: Joseph Smith [2011], 49). Mootļo̧k jān 160 iiō tokālik, juon ennaan kar im̧we Būreejtōnji eo Kein Kajuon im Doulul eo an Jon̄oulruo Rijilōk ro n̄an kadiwōjtok “Kraist eo Emou: Naan in Kam̧ool eo an Rijilōk ro” ilo kautiej 2,000 iiō kemem ļotak eo an Rilo̧mo̧o̧r eo (lale Russell M. Nelson “Drawing the Power of Jesus Christ into Our Lives,” Liaona, May 2017, 40).

Āinwōt Armej ro Rekwojarjar ilo Raan Ko Āliktata, jej lan̄lōn̄ ilo kōjeraam̧m̧an in revelesōn ko rej wōnm̧aanļo̧k wōtkōn rikanaan im rijilōk ro raan kein. Jej kam̧m̧oolol kōn naan in kapilōk ko aer reim̧we, kakkōļ, im kapilōk. Ak eļaptata, jejeraam̧m̧an kōn naan in kam̧ool ko aer rekajoor kōn Jisōs Kraist—ilo iien Kūrijm̧ōj ilo aolepān iiō eo. Men kein reļļapļo̧k jān naan ko reim̧we an ro retijem̧ļo̧k ilo jeje ak ilo kōnono ilobōlej ak meļeļe ko jān ro retijem̧ļo̧k ilo jeje ko rekwojarjar. Rej naan ko an rikam̧ool ro kar kālet, kūr, im kōmālim “rikam̧ool ro rejenolo̧k kōn etan Kraist ilo aolepān laļ in” (Katak im Bujen Ko 107:23).

Ļōmnak ko n̄an Ekkatak ilo M̧weeo im ilo Kabun̄ in

“Ejjeļo̧k juon ekar bōk im̧we jab in.”

Ta eo kwonaaj ba n̄an rie enaan in me “ejjeļo̧k juon ewōr an kajoor in im̧we [āinwōt Jisōs Kraist] ilubwiljin aolep ro rekar mour im renaaj mour ioon laļ in”? Pukōt naan ko ilo “Kraist Eo Emour” me rej kam̧ool kōn kajoor in im̧we an Rilo̧mo̧o̧r. Elmen An kar jelōt eok?

Kōtmāne juon armij eo ejjab lukkun jeļā kōn Kraist ej kajitūkin eok etke kwoj kōļo̧ke Kūrijm̧ōj. Ekōjkan am̧ naaj uaak? Etale “The Living Christ” kōn juon kajjitōk ilo kōļmenļo̧kjen, im ļōm̧ņak in je ļōm̧ņak ak im̧we ko rej itok n̄an eok.

Bar lale Why We Need a Savior” (pija), Gospel Library.

Why We Need a Savior

What would life be like without a Savior? There would be no joy, no forgiveness, no hope for the future. This Christmas, learn more about the hope, peace and happiness our Savior Jesus Christ can bring into our lives at christmas.mormon.org.

“Ekar jerkak jān lōb.”

Ilo “The Living Christ,” Rijilōk ro rej kam̧ool kōn Jerkakpeje eo an Rilo̧mo̧o̧r eo, kwaļo̧k kōn jilu iien waļo̧k ko an Irooj eo em̧ōj an jerkakpeje (lale perokōrāāp 5). Ļōmņak in riiti jet ian ļo̧o̧k in loļo̧k kein ilo Jon 20; 3 Nipai 11; im Josep Smith—Bwebwenato 1:14–20. Ta eo kwoj ekkatak kake kōn Rilo̧mo̧o̧r eo jān naan ko An im kōm̧m̧an ko ilo iien waļo̧k kein?

Mije wōt Rilo̧mo̧o̧r eo. “Niknik jar ilo riiti ‘The Living Christ’’ ej āinwōt riiti naan in kam̧ool ko an Matu, Mark, Luk, Jon, im rikanaan ro an Bok in Mormon eo. Enaaj kōļāpļo̧k am̧ tōmak ilo Rilo̧mo̧or eo im jipan̄ eok pād wōt ilo am̧ mije E” (M. Russell Ballard, “Bar Ro̧o̧l im Bōk,” Liaona, Māe 2017, 65).

“Priesthood eo An im Kabun̄ in An em̧ōj aer bar jepļaaktok.”

Ilo iien am̧ katak kōn Katak im Bujen ko ilo iiō in, em̧ōj an kar wōr am̧ iien n̄an ekkatak eļapļo̧k kōn wāween an “priesthood eo an Rilo̧mo̧o̧r im Kabun̄ eo An kar bar jepļaaktok.” Ewi wōt m̧ool ko rekar jepļaaktok ak pedped in katak ko me ekar lukkuun ļap meļeļeier n̄an kwe? Ļōmņak in etale jet iaan eoon kein rej elaajrak me ej katakin kōn Jepļaaktok eo: Katak im Bujen Ko 1:17–23; 13; 20:1–12; 65; 110; 112:30–32; 124:39–42; 128:19–21. Kejo̧kļo̧kjen kōn wāween an m̧ool ko ilo gospel in kar kōjepļaaktok jipan̄ eok jeļā kajjien im iakwe Jisōs Kraist.

“E enaaj bar juon raan jepļaaktok n̄an laļ in.”

Kūrijm̧ōj ej juon iien jim̧or n̄an kemeemej raan eo Jisōs Kraist ekar ļotak im n̄an erreim̧aanļo̧k n̄an raan eo E enaaj bar itok. Ta eo kwoj ekkatak kake kōn jepļaaktok eo An jān pārokūrāāp eo kein karuo an “The Living Christ”? Emaron̄ barāinwōt kaitoktok limo n̄an riit, al, ak ron̄jake al ko an Kūrijm̧ōj me ej katakin kōn Itok eo Kein Karuo, āinwōt “Lan̄lōn̄ n̄an Laļ” ak “It Came upon the Midnight Clear” (Hymns, nos. 201, 207).

“E ej meram̧, mour, im kōjatdikdik eo an laļin.”

Ilo perokūrāāp eo āliktata in “Kraist Eo Emour,” je jinōkjej im taitōļ ko kar leļo̧k n̄an Rilo̧mo̧o̧r eo. Ļōmņak in joļo̧k jet iien n̄an ekkatak kōn jet iaer. N̄an waanjon̄ok:

Meram̧: Elmen an Jisōs Kraist juon meram̧ n̄an kwe? Kwomaron̄ ļōmņak in jin̄aik juon pija ak pijaiki menin, n̄an kwe, pinej jenkwan meram̧ eo Ej lewaj n̄an kwe. Ta eo kwoj en̄jake im̧we n̄an kajedeed meram̧ eo An? (Bar lale Jon 8:12; 3 Nipai 18:24; Katak im Bujen Ko 50:24.)

Mour: Etke kwoj ļōmņak mour ej juon naan em̧m̧an n̄an kōmeļeļeik Jisōs Kraist? Ilo jekjek ta E ej lewaj mour? Elmen an mour eo am̧ maron̄ oktak n̄e en kar jab E im gospel eo An? (Bar lale Jon 10:10; 1 Korint 15:19–23; Katak im Bujen Ko 66:2.)

Kōjatdikdik: Ta eo kwoj kōjatdikdik kake kōn wōt Jisōs Kraist im gospel eo An? Kwojeļā ke kajjien armej eo ejjab en̄jake kōjatdikdik kōn ilju im jekļaj? Ļōmņak elmen am̧ maron̄ jeere ippān armej eo kōjatdikdik eo kwoj en̄jake ilo Jisōs Kraist. (Bar lale Rom 8:24–25; Ether 12:4; Moronai 7:41.)

Bar lale Topics and Questions, “Jisōs Kraist,” Gospel Library.

“Kamolol Anij kōn men in letok eo [An] ejjelok uwan .”

Ilo “Kraist Eo Emour,” Rijilōk ro rej kōnono kōn Rilo̧mo̧o̧r āinwōt juon “menin letok” jān Jemādwōj Ilan̄. Pedped ioon ta eo kwoj loe ilo “Kraist Eo Emour,” ekōjkan am̧ maron̄ kadedeļo̧k jaņtōj eo: “Jān Jisōs Kraist, Anij ekar letok n̄an eō mennin letok eo an …” kejekļo̧k ta eo kwoj maron̄ kōm̧m̧ane n̄an bōk mennin letok kein reļļap ļo̧k.

Ekōjkan ekkatak kake “Kraist Eo Emourkar jelōt tōmak eo am̧ ilo im iakwe eo am̧ n̄an Rilo̧mo̧o̧r eo?

Lale Russell M. Nelson, “Emān Mennin Leļo̧k ko: Me Jisōs Kraist Ej Lewaj n̄an Kom̧” (Nokon in Kūrijmōj eo an Būreejtōnji eo Kein Kajuon, Tij. 2, 2018), Gospel Library; “Excerpts from ‘The Living Christ: The Testimony of the Apostles’” (video), ChurchofJesusChrist.org.

Excerpts from "The Living Christ: The Testimony of the Apostles"

As special witnesses of Jesus Christ, the First Presidency and the Quorum of the Twelve shared their testimony of Christ by recording excerpts from the original document, "The Living Christ: The Testimony of the Apostles."

N̄an ļōmņak ko reļļapļo̧k, lale ennaan eo an allōn̄ in ilo Liaona im N̄an Kōkajoorļo̧k Jodikdik ro māākjiin.

Ļōmņak ko n̄an Katakin Ajri ro

Imaron̄ “kwaļo̧k [aō] naan in kam̧ool” n̄an keememe ļotak eo an Jisōs.

• Ļōmņake elmen am̧ maron̄ kwaļo̧k kadkad in “Kraist Eo Emour.” n̄an ajri ro. Bōlen kwomaron̄ jipan̄ er jitōn̄ļo̧k āt eo Kraist ilo taitōļ eo im āt ko etan Būreejtōnji eo Kein Kajuon im Jon̄oulruo ro. Kwomaron̄ kōmeļeļeik bwe en̄in naan in kam̧ool eo aer kōn Jisōs Kraist bwe rej kōņaan kwaļo̧k n̄an laļin.

• Kwoj maron̄ leļo̧k n̄an kajjojo ajri naan ko jān “Kraist Eo Emour” im kajjitōk ippāer n̄an pukoti ak jin̄aiki juon pija in naan eo. Innām kwoj maron̄ jipan̄ er pukot naan ko ilo “Kraist Eo Emour.” Kwoj maron̄ bar kakobaik aolep pija ko im naan ko n̄an ilo juon bok.

• Jeere n̄an doon elmen ami bōk kar naan in kam̧ool eo am̧ kōn Jisōs Kraist. Bōlen komaron̄ kajedeed juon pija in Rilo̧mo̧o̧r eo im kajjojo rej jeer juon men eo kom̧ jeļā kake kōn E (ekoba m̧ool ko katak kaki ilo “The Living Christ”).

“Eo ej etetal im kōm̧anm̧an em̧m̧an.”

• Ilo am̧ im ajri ro riiti pārokūrāāp eo kein karuo ilo “The Living Christ,” kōnono ippāer kake kōn jet iaan men ko Jisōs ekar kōm̧m̧ani. Komaron̄ bar kalimjōk juon pija jān mour eo An (lale peij in m̧akūtkūt eo an wiik in im Bok in Gospel Pija). Karuwaineneik ajri ro n̄an kōnono kōn ta eo Rilo̧mo̧o̧r eo ej kōm̧m̧ane ilo pija ko. Ewi wāween ad jerbal n̄an ro jet āinwōt kar E? Pija in “Light the World” eo ilo Gospel Library emaron̄ lewaj jet ļōm̧ņak ko.

“E ej meram eo, mour eo, im kōjatdikdik eo an laļ in.”

• Jipan̄ ajri ro nejum̧ pukot al in Kūrijm̧ōj ko me rej kwaļo̧k kōn merem, mour, im kōjatikdik bwe ļotak an Rilo̧mo̧o̧r eo ekar bōktok n̄an laļin, āinwōt “O Little Town of Bethlehem” (Hymns, no. 208). Al ippān doon, im kōtļo̧k bwe ajri ro ren kwaļo̧k elmen an Jisōs kar bōktok meram, mour, im kōjatdikdik n̄an mour ko aer.

“Kam̧m̧oolol n̄an Anij kōn mennin letok eo an Nejin Anij Ekwojajar eo Jejjab Maron̄ Keidi.”

• Ta menin letok ko jekar bōki kōn Jisōs Kraist? Bōlen kwe im ajri ro nejum̧ maron̄ pukot mennin letok kein ilo “Kraist Eo Emou” ak juon al āinwōt “He Sent His Son” (Children’s Songbook, 34–35). Innām remaron̄ kūtimi e juon men eo n̄an pinej jenkwan āinwōt mennin letok ko. Kwoj maron̄ leļo̧k ļōm̧ņak bwe ajri ro ren kōpeļo̧k mennin letok ko ilo Raan in Kūrijm̧ōj n̄an jipan̄ er keememej Rilo̧mo̧o̧r eo im mennin letok ko An n̄an kōj.

N̄an ļōmņak ko reļļapļo̧k, lale ennaan eo an allōn̄ in ilo eo Jera māākjiin.