Kōmeļeļe ko jān Christ Preaching in the Spirit World, jān Robert T. Barrett

Tijem̧ba 1–7: “Visōn eo kōn Lo̧mo̧o̧r eo an Ro Remej”

Katak im Bujen Ko 137–138

Revelesōn ko kar je ilo Katak im Bujen Ko 137 im 138 rettoļo̧k kōttaer kōn elōn̄ļo̧k 80 iiō ko im 1,500 m̧ael ko (2,400 km). Jekjōn 137 Rikanaan Josep Smith ekar bōke ilo 1836 ilo Kirtland Tampeļ, im jekjōn 138 Josep F. Smith ekar bōke, kein kajiljino Būreejtōn an Kabun̄ in, ilo 1918 ilo Salt Lake City. Ak ilo katak ko, visōn kein ruo rej ekkeijel ippān doon. Rej jim̧or uwaaki kajjitōk ko me elōn̄ armej—ekoba rikanaan ro an Anij—rej kōn mour eo ālkin mej. Josep Smith ekar bar ļōmņak kake kōn brother eo an ejitōnbōro Alvin, eo ekar mej m̧okta jān an kar peptaij. Josep F. Smith, eo me ekar jako jimor jinen im jemān im 13 nejin ajri ilo jidimkij, emakijkij ļōmņak kōn laļ eo an jetōb im kar kōļmenļo̧kjen kōn kwaļo̧k gospel eo ijen.

Jekjōn 137 ekar kwaļo̧k jet ļōmņak ko kōn ajri ro nejin Anij ilo mour eo tokālik, im jekjōn 138 ej kōppeļo̧k tok eļapļo̧k meļeļe. Ippān doon, jimor revelesōn ko rej kam̧ool kōn “iakwe eo eļap im em̧m̧an kar kaalikkare jān Jemān im Nejin” (Katak im Bujen Ko 138:3).

Ļōmnak ko n̄an Ekkatak ilo M̧weeo im ilo Kabun̄ in

Katak im Bujen Ko 137; 138:30–37, 57–60

Aolep ajri ro nejin Jemedwōj Ilan̄ naaj wōr aer iien em̧m̧an n̄an kāālet mour indeeo.

Alvin Smith, brother eo ejitōņbōro jatin Rikanaan Josep Smith, ekar jako jiljilijno iiō m̧okta jān an Anij kar kōjepļaaktok kajoor eo n̄an peptaij. Jeļāļo̧kjeņ eo emakijkij ibwilijin Rikūrijtin ro ilo 1836 ej bwe n̄e juon armej ej mej ilo an jab kar peptaij, armej in eban etal n̄an lan̄. Josep ekar inepata kōn lo̧mo̧o̧r eo an Alvin ium̧win elōn̄ iiō ko—m̧ae iien eo ej bōk revelesōn in ilo Katak im Bujen Ko 137.

Elōn̄ armej rainin rej būki ejja kajjitōk kein. Etke Anij ej aikuji kain̄i ko im bujen ko n̄e elōn̄ armej ekar jab wōr aer iien em̧m̧an n̄an bōki? Ta eo kwon kar ba n̄an juon armij eo ej kejekļo̧kjen kōn mennin? Ekōjkan am̧ naaj kar kalōk tōmak eo aer ilo Anij im mennin aikuj ko An n̄an lo̧mo̧o̧r? Pukot m̧ool ko kwoj maron̄ kwaļo̧ki ilo jekjōn 137 im ilo jekjōn 138:30–37, 57–60. Kwomaron̄ bar pukot m̧ool kein raar kwaļo̧ki ilo al ko “The Glorious Gospel Light Has Shone” (Hymns, no. 283) im ilo ennaan eo an Būreejtōn Henry B. Eyring “Gathering the Family of God” (Liahona, May 2017, 19–22).

Ilo am̧ ekkatak im lin̄ūri, kwomaron̄ bar je im̧we ko am̧ ilo am̧ kadedeļo̧k jantōj ko āinwōt kein:

• Kōn revelesōn kein, ijeļā ke Jemedwōj Ilan̄ .

• Kōn revelesōn kein, ijeļā ke karōk in lo̧mo̧o̧r eo an Jemed .

• Kōn revelesōn kein, ikōņaan .

Bar lale Armej ro Rekwojarjar, 1:232–35.

Katak im Bujen Ko 138:1–11, 25–30

Riit im kejōkļo̧kjeņ kōn eoon kein ej kōpooj eō n̄an bōk revelesōn.

Jet iien revelesōn ej itok men̄e jejjab kappukote. Ak ekkā an itok kōnke jej tiljek ilo kappukot im pojak n̄ane. Ilo am̧ riiti, Katak im Bujen Ko 138:1–11, 25–30, je ta eo Būreejtōn Josep F. Smith ekar lin̄ūri ke “mejān [an] meļeļe rekar peļļo̧k.” Kwomaron̄ bar keidi en̄jake eo an ilo 1 Nipai 11:1–6; Josep Smith—Bwebwenato 1:12–19. Innām ļōmņak kōn elmen am̧ maron̄ ļoor waanjon̄ak eo an Būreejtōn Smith. N̄an waanjon̄ak, ta oktak ko kwoj en̄jake eim̧we n̄an kōm̧m̧ani ilo am̧ ekkatak jeje ko rekwojarjar n̄an bōk eļapļo̧k revelesōn an juon make?

Ilo enaan eo an “The Vision of the Redemption of the Dead” (Liaona, Nov. 2018, 71–74), Būreejtōn M. Russell Ballard ekar letok jet wāween ko me Būreejtōn Smith ekar pojak n̄an bōk revelesōn in. Ta eo kwoj ekkatak jān en̄jake eo an? Ļōmņak ekōjkan an Irooj kar kepooj eok n̄an en̄jake ko kwaar boki—im ekōjkan An maron̄ kepooj eok n̄an en̄jake ko ilju im jekļaj eo am̧.

Bar lale Armej ro Rekwojarjar, 3:202–5; “Ministry of Joseph F. Smith: A Vision of the Redemption of the Dead” (pija), Gospel Library.

Ministry of Joseph F. Smith: A Vision of the Redemption of the Dead

Nearing death, President Joseph F. Smith receives revelation from God regarding redemption of the dead.

Joseph F. Smith, jān Albert Salzbrenner

Karuwainene tok Jetōb. “Ta eo kwoj loe ke ej letok ko̧ņaan n̄an juon jikin ilo jetōb n̄an ekkatak gospel eo? Ta eo ej bōbrae mennin? (Katakin ilo Wāween eo an Rilo̧mo̧o̧r, 18). Ilo am̧ ekkatak en̄jake eo an Būreejtōn Josep F. Smith ilo Katak im Bujen Ko 138:1–11, ļōmņake ekōjkan am̧ maron̄ kōketak kejekļo̧kjen im karuwaineneik im̧we ko an jetōb n̄an kwe make im, n̄e kwe juon rūkaki, n̄an armej ro kwoj katakin er.

Katak im Bujen Ko 138:25–60

Jerbal eo an Rilo̧mo̧o̧r ej wōnm̧aanļo̧k wōt ilo turājet in rōn̄ōl eo.

Būreejtōn Russell M. Nelson ekar katakin, “Ennaan eo ad n̄an laļ in eļam̧ waan im em̧ool: jej karuwaineneik aolep ajri ro nejin Anij rej pād jim̧or turājet ilo rōn̄ōļ n̄an itok n̄an Rilo̧mo̧o̧r eo aer, bōk kōjeraam̧m̧an ko an tampeļ eo ekwojarjar, bōk lan̄lōn̄ in kijenmej, im bōnjān ko rem̧m̧an an mour indeeo” (“Jen Wōnm̧aanļo̧k Wōt,” Liaona, Māe 2018, 118–19). Ļōmņak kōn enaan in āinwōt am̧ riiti Katak im Bujen Ko 138:25–60. Kwomaron̄ barāinwōt ļōmņake kajjtōk kein:

• Ta eo kwoj ekkatak jān eoon kein kōn wāween an jerbal eo an Rilo̧mo̧o̧r tōprak ilo laļ eo an jetōb? Etke eaorōk n̄an eok n̄an am̧ jeļā bwe jerbal in ej bōk jikin?

• Ta eo ej im̧we eok kōn riboktok naan ro an Irooj ilo laļ eo an jetōb?

• Ekōjkan an revelesōn in kōkajoorļo̧k tōmak eo am̧ ilo karōk in lo̧mo̧o̧r eo an Anij?

N̄e kwoj kōņaan ekkatak eļapļo̧k kōn laļ eo an jetōb, kwomaron̄ ekkatak kake enaan eo an Dallin H. Oaks “Lōke Irooj” (Liaona, Nob. 2019, 26–29).

Bar lale “Susa Young Gates and the Vision of the Redemption of the Dead,” ilo Revelations in Context, 315–22; “A Visit from Father” (pija), Gospel Library.

A Visit from Father

President Russell M. Nelson recounts a personal family history story that bears testimony of the importance of temple and family history work for all families.

N̄an ļōmņak ko reļļapļo̧k, lale ennaan eo an allōn̄ in ilo Liaona im N̄an Kōkajoorļo̧k Jodikdik ro māākjiin.

Ļōmņak ko n̄an Katakin Ajri ro

Katak im Bujen Ko 137:5–10; 138:18–35

Aolep ajri ro nejin Jemedwōj Ilan̄ naaj bōk iien em̧m̧an n̄an ron̄jake gospel in.

• N̄an ekkatak kōn ta meļeļein menin n̄an Josep Smith n̄an loe jet ro uwaan baam̧le eo an ilo aelōn̄ in selestial, ajri ro nejum̧ remaron̄ alooje pija eo “Ministry of Joseph Smith: Temples” (Gospel Library), ak kwomaron̄ kwaļo̧k Bwebwenato Ko Jen Katak im Bujen Ko, 152–53 (ak pijaan alooj eo ekkar ilo Gospel Library). Bōlen kwomaron̄ barāinwōt kōnono kōn juon eo me kwojeļā ekar mej ilo an kar jab wōr iien n̄an an peptaij. Ta eo Katak im Bujen Ko 137:5–10 ej katakin kōj kōn armej in?

  Ministry of Joseph Smith: Temples

  Joseph Smith establishes temple work as an essential purpose for the Saints of God.

  Chapter 39: The Kirtland Temple Is Dedicated: January–March 1836

• Ļōmņak in kōjerbal juon pijaan ļōb eo an Rilo̧mo̧o̧r (lale Bok in Gospel Pija, no. 58, ak Bible Photographs no. 14) im pija eo ilo jem̧ļo̧kin elmakot in n̄an katakin ajri ro nejum̧ ia eo jetōb eo an Jisōs eaar etal ieļo̧k ke Ānbwinnin ekar pād ilo ļōb eo. Innām kwomaron̄ riiti Katak im Bujen Ko 138:18–19, 23–24, 27–30 n̄an katak kōn ta eo Jisōs ekar kōm̧m̧ane ke Ekar pād ijo. Wōn ro Ekar loļo̧k? Ta ko ekar kajjitōk bwe ren kōm̧m̧ani? Etke Ekar kōm̧m̧ani mennin?

  

• Kwomaron̄ bar kōjerbal peij in m̧akūtkūt eo an wiik in n̄an jipan̄ ajri ro keidi ta ko mijenede ro rej katakin ilo turājet in rōn̄ōļ eo (lale, n̄an waanjon̄ak, Laajrak in Tōmak Ko1:4) kōn ta ko mijenede ro rej katakin kaki ilo laļ eo an jetōb (lale Katak im Bujen Ko 138:33). Ta eoon ko reinjuon, im ta oktak ko? Ta eo ej katakin kōj kōn Jemedwōj Ilan̄ im karōk eo An?

Lin̄ūri jeje ko rekwojarjar ej karuwaineneik Jetōb Kwojarjar.

Katak im Bujen Ko 138:1–11

N̄e ij kōļmenļo̧kjeņ kōn jeje ko rekwojarjar, Jetōb Kwojarjar emaron̄ jipan̄ n̄a meļeļeier.

• Ilo am̧ im ajri ro nejum̧ riiti Katak im Bujen Ko 138:1, 11 ippān doon, kwomaron̄ karuwaineneik er n̄an arin āinwōt ke er Būreejtōn Josep F. Smith im kōm̧m̧ani m̧akūtkūt ko me rej iokļo̧k naan ko ilo eoon 6 im 11. Komaron̄ bar kwaļo̧k n̄an er juon pija in Būreejtōn Smith (ewōr juon ilo elmakot in) im kōmeļeļe ke e kar Būreejtōn eo an Kabun̄ in kein kajiljilijno. Kwomaron̄ bar kōnono kōn juon iien me kwaar lin̄ūri juon men ilo jeje ko rekwojarjar im Jetōb Kwojarjar ekar jipan̄ eok meļeļe kake.

• Ļōm̧ņak in al ippān doon juon al kōn katak jeje ko rekwojarjar, āinwōt “Search, Ponder, and Pray” (Children’s Songbook, 109). Ta eo al in ej ba kake jej aikuj kōm̧m̧ane n̄an meļeļe jeje ko rekwojarjar?

N̄an ļōmņak ko reļļapļo̧k, lale ennaan eo an allōn̄ in ilo eo Jera māākjiin.

The Commissioned, jān Harold I. Hopkinson