Jikin Kalbuuj Carthage

Nobōm̧ba 24–30: “Eaar Sili Mijen im Jerbal ko An kōn Bōtōktōkin Make”

Katak im Bujen Ko 135–136

Ālkin rāelep in Juun 27, 1844, kar bar kalbuuji Josep im Hyrum, ippāer tok ej John Taylor im Willard Richards. Rekar tōmak bwe ejjeļo̧k ruweeer ilo jabdewōt jorrāān ko renana, ak rekar kōtļo̧k aer kalbuuji er, kōjatdikdik n̄an bōbrae jorrāān ņae Armej ro Rekwojarjar ilo Nauvoo. Menin ekar jab juon kōttan an rinana ro me rekar jum̧ae Kabun̄ in kalbuuji Rikanaan Josep ilo kalbuuj, ak ilo iien eo ekar jeļā ke renaaj m̧an e. E im ļōm̧aro m̧ōttan rekar kajjieon̄ kaeņōm̧m̧ane doon ilo aer kar riit jān Bok in Mormon im al al in jar ko. Innām rekar ron̄ ainikien bu, im ilowaan wōt minit ko jejjo Josep Smith im brother eo an Hyrum rekar mej.

Bōtaab ekar jab jem̧ļo̧k kōttōpar eo ekwojarjar me eto aer kaorōke. Im ekar jab jem̧ļo̧k eo an Jepļaatok eo an gospel eo an Jisōs Kraist. Ekar lukkuun lōn̄ļo̧k jerbal n̄an kōm̧m̧ani im lōn̄ļo̧k revelesōn ko me renaaj tōl Kabun̄ in m̧aanļo̧k. Jem̧ļo̧k in mour eo an Rikanaan eo ekar jab jān jem̧ļo̧k in jerbal eo an Anij.

Lale Armej ro Rekwojarjar, 1:521–52.

Ļōmņak ko n̄an Ekkatak ilo M̧weeo im ilo Kabun̄ in

Katak im Bujen Ko 135; 136:37–39

Josep im Hyrum Smith rekar sili naan in kam̧ool ko aerro kōn bōtōktōkier.

Baj pijaikļo̧k wāween am̧ naaj kar en̄jake eļan̄n̄e kwon kar mour ilo Nauvoo ilo tōre eo rekar m̧an Josep im Hyrum (lale Armej ro Rekwojarjar, 1:554–55). Ewi wāween ad kajjieon̄ meļeļe kōn m̧akūtkūt in ekabūrom̧ōjm̧ōj. Katak im Bujen Ko 135, kar jeje jilu allōn̄ tokālik, bōlen emaron̄ kar jipan̄. Ilo am̧ etale jekjōn in, ļōmņake ta eo emaron̄ in kar bōktok n̄an kwe meļeļe im jeļā? Ta eo kwon kar ba n̄an juon eo ej kajjitōk, “Etke Anij ejaam maron̄ kōtlo̧k aer kar m̧an Rikanaan eo An?” (lale Katak im Bujen Ko 136:37–39).

Kwomaron̄ bar etale jekjōn 135 n̄an naan ko me rej im̧we eok n̄an tōmak wōt ilo Kraist n̄an jem̧ļo̧kin, āinwōt kar Josep im Hyrum.

Bar lale Katak im Bujen Ko 5:21–22; “Remembering the Martyrdom,” ilo Revelations in Context, 299–306; Teachings of Presidents of the Church: Joseph Smith (2011), 522–23, 529–40; “Testimony of the Book of Mormon” (pija), Gospel Library.

Testimony of the Book of Mormon

A modern-day Apostle describes the unwavering faith the Church's founders showed, even in the face of death, to remain true to their testimonies of the Book of Mormon.

Katak im Bujen Ko 135:3

Josep Smith ekar juon rikanaan im rikam̧ool an Jisōs Kraist.

Katak im Bujen Ko 135:3 ej kwaļo̧k jet iian men ko Josep Smith ekar kōttōpraki “ilo juon tōrean ekadu in ron̄oul iiō ko.” Ewi wāween an men kein kar jelet eok im jemjerā eo am̧ ippān Jemedwōj Ilan̄ im Jisōs Kraist? Ļōmņak ekōjkan am̧ maron̄ kadedeikļo̧k juon jāņtōj āinwōt in: Kōn wōt ta eo Irooj ekar kōm̧m̧ane kōn Josep Smith, N̄a … Kwomaron̄ bar je im kwaļo̧k naan in kam̧ool eo am̧ kōn Josep Smith n̄an ro jet.

Bar juon wāween n̄an ekkatak kōn mijen eo an Josep Smith ej kajjieon̄ je juon jipiij kake ak bwebwenato kōn e. Ta eo kwon kar ba n̄an kalōk tōmak ilo Kraist im gospel eo An em̧ōj an bar jepļaaktok? Kwomaron̄ maron̄ bar kobaik iien ko raorōk ak tōprak ko kar loi ilo Katak im Bujen Ko 135 ak ko kar kōnono kaki ilo kein jipan̄ eo ilaļ.

Jisōs Kraist ekar kwaļo̧k elōn̄ m̧ool ko kōn E make im Pinmuur eo An jān Josep Smith. Ļōmņak in ļōmņak kōn iien ko reem̧m̧an ko kar am̧ me kwaar ekkatak Katak im Bujen Ko ilo iiō in. Ta m̧ool ko raar alikkar n̄an kwe? Kwomaron̄ kōņaan kwaļo̧k n̄an baam̧le eo am̧, kūlaaj ak ro uwaan doulul eo, ak ro jet ilo am̧ ekkatak ilo wiik in. Elmen an eoon kein jipan̄ kōj meļeļe im epaakeļo̧k Rilo̧mo̧o̧r eo?

Bar lale “Joseph Smith: The Prophet of the Restoration” (video), Gospel Library; Tad R. Callister, “Joseph Smith—Prophet of the Restoration,” Liahona, Nov. 2009, 35–37; “Praise to the Man,” Hymns, no. 27; Topics and Questions, “Joseph Smith,” Gospel Library.

Joseph Smith: The Prophet of the Restoration

A motion picture about the life and legacy of Joseph Smith, the founding prophet of The Church of Jesus Christ of Latter-day Saints.

Al ko Reiookļo̧k

Al al in jar kein ak alooje pija in alooj ko emaron̄ karuwaineneiktok Jetōb Kwojarjar ak im̧we juon iien kōnono kōn jerbal eo an Rikanaan Josep Smith im en̄taan ko an Armej ro Rekwojarjar ro raar wōnm̧aanļo̧k wōt ālkin.

“A Poor Wayfaring Man of Grief” (Hymns, no. 29). Ke rekar pād ilo Kalbuuj Carthage, John Taylor ekar al kōn al in.

“Jenaj Kautej Nōn Em̦m̦aan” (Al Ko, no. 32; bar lale pija eo). Naan ko an al in jar in kar jeje āinwōt juon naan in nōbar n̄an Josep Smith

Praise to the Man – The Tabernacle Choir at Temple Square

The Tabernacle Choir and Orchestra at Temple Square perform "Praise to the Man". Follow along a recording session and see beautiful historical scenery and art.

“Come, Come, Ye Saints” (Hymns, no. 30; bar lale video).

Come, Come, Ye Saints - Mormon Tabernacle Choir

The Mormon Tabernacle Choir and Orchestra at Temple Square perform one of their signature anthems, "Come, Come Ye Saints" arranged by Mack Wilberg. From the Music and the Spoken Word broadcast episode 4323, July 22, 2012.

“Faith in Every Footstep” (lale pija eo).

Faith in Every Footstep - Mormon Tabernacle Choir

The Mormon Tabernacle Choir performs "Faith in Every Footstep" from the 2014 Pioneer Day concert. Music and lyrics by K. Newell Dayley.

Katak im Bujen Ko 136

Imaron̄ kōttōprak ankilaan Irooj ilo Aō ļoor kapilōk eo An.

Ālkin mej eo an Josep Smith, kar kadiwōjļo̧k Armej ro Rekwojarjar jān Nauvoo. Kiiō rej jelm̧ae 1,300-m̧ail (2,100km) in itoi tak ilo jikin ko rawia. Brigham Young, Būreejtōn eo an Doulul eo an Jon̄oulruo Rijilōk ro, ekar inepata kōn wāween an Armej ro Rekwojarjar naaj mour ilo aolepān iaļ in ito itak eo aer. Ilo juon jikin kōppād kar naetan Winter Quarter e eaar jar kōn tōl. Uwaak eo an Irooj kar ļooke ilo jekjōn 136. “N̄an jipan̄ Armej ro Rekwojarjar keememej bwe m̧wilier ilo iaaļ eo aer ekar aorōk n̄an ijo rej jibadōkļo̧k, revelesōn eo ekar jipan̄ ukōt em̧akūt eo n̄an rālik jān mennin aikuj eo ejjab em̧m̧an n̄an iien em̧m̧an ilo jetōb ” (“This Shall Be Our Covenant,” ilo Revelations in Context, 308).

Dāpij meļeļein ilo ļōmņak ilo am̧ ekkatak jekjōn 136. Ta kapilōk eo me kwoj lo me emaron̄ jipan̄ eok ukot juon mālijjoñ eo epen ilo mour eo am̧ “n̄an juon iien aorōk … ilo jetōb”? Kwomaron̄ ļōm̧ņake elmen an kapilōk in jipan̄ eok kōttōprak ankilaan Irooj ilo mour eo am̧ make, āinwōt an kar jipan̄ Armej ro Rekwojarjar m̧okta ilo em̧m̧akūtkūt eo aer.

Bar lale “This Shall Be Our Covenant,” ilo Revelations in Context, 307–14; “Come, Come, Ye Saints,” Hymns, no. 30; Church History Topics, “Succession of Church Leadership,” Gospel Library.

Kōmeļeļe ko jān Winter Quarters, jān Greg Olsen

Ļōmņak ko n̄an Katakin Ajri ro

(Katak im Bujen Ko 135:1–2, 4–5

Josep im Hyrum Smith raar leļo̧k mour ko aer n̄an gospel in an Jisōs Kraist.

• Kōmeļeļeik n̄an ajri ro nejum̧ Katak im Bujen Ko 135:1 ak kwaļo̧k n̄an er “Jebta 57: Rar Mōne Dri Kanaan eo” (ilo Bwebwenato Ko Jen Katak im Bujen Ko, 201–5 ak pijaan alooj eo ekkar ilo Gospel Library. Menin emaron̄ juon iien em̧m̧an n̄an kwe im ajri ro nejum̧ n̄an kwaļo̧k en̄jake ko ami kōn kaarmejete eo an Josep im Hyrum raar kōm̧m̧ane n̄an Rilo̧mo̧o̧r eo im gospel eo An.

  Chapter 57: The Prophet Is Killed: June 1844

• Katak im Bujen Ko 135:4–5 ej kwaļo̧k ke Hyrum Smith ekar riiti juon eoon jān Bok in Mormon m̧okta jān an etal n̄an Kalbuuj Carthage. Kwe im ajri ro nejum̧ maron̄ riiti eoon eo ippān doon (lale Ether 12:36–38). Ekōjkan an kar eoon in kar kaenōm̧m̧an Hyrum? Kwomaron̄ bar kwaļo̧k juon eoon me ej boktok n̄an eok aenōm̧m̧an n̄e kwoj inepata ak būrom̧ōj.

• Kwe im ajri ro nejum̧ maron̄ lale pija in rikanaan ro (lale Bok in Gospel Pija, no. 7, 14, 67) im kōnono kōn jet iaan men ko Anij eaar kajitokin rikanaan ro bwe ren kōm̧m̧ane. Ta eo rikanaan rein raar kaarmejete n̄an Rilo̧mo̧o̧r eo?

  

Ilo m̧weeo, ekkatak im mour rejjab jenolo̧k. “Aorōk in gospel eo em̧ōkaj an bōk jikin ilo m̧weeo. Ijo armej ro kwoj katak gospel eo ipper rej armej ro kwonaaj mour kake—aolep raan. Ilo m̧ool, aolep iien, mour kōn gospel eo ej wāween ad ekkatak gospel eo” (Katakin ilo Wāween eo an Rilo̧mo̧o̧r eo, 31).

Katak im Bujen Ko 135:3

Josep Smith ekar juon rikanaan im rikam̧ool an Jisōs Kraist.

• N̄an jipan̄ eok keememej im kam̧m̧oolol kōn an Rilo̧mo̧o̧r eo kar kōjeraam̧m̧an kōj jān mijen eo an Josep Smith, kwomaron̄ kwaļo̧k men ko me rej pinej jenkwan ta ko Josep ekar kōm̧m̧ani, āinwōt Bok in Mormon eo, Katak im Bujen Ko, ak juon pija in juon tampeļ (bar lale peij in m̧akūtkūt eo). Inām ajri ro nejum̧ remaron̄ lale ilo Katak im Bujen Ko 135:3 n̄an jet men ko Josep Smith ekar kōm̧m̧ani n̄an jipan̄ er epaaketok Jemedwōj Ilan̄ im Jisōs Kraist. Kajjitōk ippān ajri ro nejum̧ n̄an kwaļo̧k etke rej kam̧m̧oolol kōn men kein.

American Prophet, jān Del Parson

Katak im Bujen Ko 136

Irooj emaron̄ kōjeraam̧m̧an eō n̄e ij apan̄.

• Ļōmņak in likūt juon pija in Nauvoo Tampeļ ilo juon jait ilo ruum̧ eo im ejaake juon jikin kōppād ilo jait eo juon. Karuwaineneik ajri ro njum̧ n̄an aindoon turin pija eo, im jiron̄ er kōn Armej ro Rekwojarjar ro raar aikuj em̧m̧akūt jān Nauvoo ālkin an kar Josep Smith mej (lale jebta 58, 60, im 62 ilo Bwebwenato Ko Jen Katak im Bujen Ko, 206–8, 211–16, 222–24, ak pija ko ilo Gospel Library). Naan ko kar kobaiktok kōn tōmak eo an Armej ro Rekwojarjar ilo Jisōs Kraist, im karuwaineneik ajri ro nejum̧ n̄an etetal n̄an jikin kōppād eo n̄an bōk jikin ito-itak eo n̄an Winter Quarters. Remaron̄ al juon al āinwōt “To Be a Pioneer” (Children’s Songbook, 218–19) ilo aer etetal.

  Chapter 58: A New Leader for the Church: July–August 1844

  Chapter 60: The Saints Leave Nauvoo: September 1845–September 1846

  Chapter 62: The Saints Establish Winter Quarters: 1846–1847

• Kōmeļeļeiki bwe ilo Katak im Bujen Ko 136, Irooj ekar leļo̧k kapilōk n̄an jipan̄ Rikwojarjar ro ilo itoi tak eo aer n̄an Salt Lake Valley. Jipan̄ ajri ro kappukot juon men ilo revelesōn in me emaron̄ leļo̧k n̄an er peran n̄an itoi tak in (lale eoon 4, 10–11, 18–30). Ewi wāween an kapilōk in jipan̄ kōj ilo melejon̄ ko jej jelm̧ae rainin?

N̄an ļōmņak ko reļļapļo̧k, lale ennaan eo an allōn̄ in ilo eo Jeramāākjiin.

Greater Love Hath No Man, jān Casey Childs