Ten Virgins, jān Jorge Cocco

Katak im Bujen Ko 17–23: “Kom̧in Pojak n̄an Itok eo an Ļeo Pālele”

Katak im Bujen Ko 133–134

Ilo 1833, rinana ro raar kakure jikin būriin eo an Kabun̄ in. Ilubwilijin jerbal in būriin ko kar bōk jikier iien eo kar Bok in Kien Ko—kein kajuon an Kabun̄ in kar kajjieon̄ kakobaik revelesōn ko jān Anij raan kein n̄an juon wōt bok. Rikowadon̄ ro rekar kajeplōklōke peij ko me rejan̄in popo, im men̄e Armej ro Rekwojarjar reperan rekar kōjparoki jet iaer, jejjo kape raar jab m̧ōj in Bok in Kien Ko kar jeļā kaki rekar pād wōt.

Ta eo jej jeļā kiiō āinwōt jekjōn 133 in Katak im Bujen Ko rej aikuj kar appendix n̄an Bok in Kien Ko, āinwōt juon jem̧ļo̧k eo ekajoor ilo jem̧ļo̧kin jeje eo an revelesōn ko an Irooj. Ej kakkōl kōn juon raan in ekajet ej itok im āliji kūr eo loe ilo revelesōn ko raan kein: Ilo̧k jān men ko an laļin, āinwōt kar kakōļļeik jān Babylon. Kalōk Zaiōn. Pojak n̄an Itok eo Kein Karuo. Im kajedeed ennaan in “n̄an aolep laļ, im bwij, im lo, im armej” (eoon 37). Karōk eo jinointata kōn Bok in Kien ko raar jab kōm̧m̧an, ak revelesōn in ej juon kakeememej im juon kam̧ool bwe jerbal eo an Irooj enaaj wōnmaanļo̧k wōt, “bwe E naaj kakeelwaan Pein Ekwōjarjar … , im aolep jem̧ļo̧k ko in laļ renaaj lo lo̧mo̧o̧r eo an aer Anij” (eoon 3).

Ļōmņak ko n̄an Ekkatak ilo M̧weeo im ilo Kabun̄ in

Katak im Bujen ko 133:4–14

Jisōs Kraist ej kūr eō n̄an likūtļo̧k Babylon im itok n̄an Zaiōn.

Oktak eo an Zaion ilo jetōb ej Babylon—juon bukwon jān etto me ilo aolepen jeje ko rekwōjarjar ej kakōļļein nana im kōm̧akoko ilo jetōb. Ilo am̧ riiti Katak im Bujen Ko 133:4–14, kōlmenļo̧kjen kōn kilen An Rilo̧mo̧o̧r eo kūr eok n̄an “diwōjļo̧k … jān Babilon” (eoon 5) im “ilo̧k … n̄an … Zaion”? (eoon 9). Elmen am̧ nej uwaak n̄an kūr in An? Ta ko jet kwoj bar ekkatak kake kōn Zaiōn jān ennaan eo an Elder D. Todd Christofferson “Itok n̄an Zaiōn”? (Liaona, Nob. 2008, 37–40).

(Katak im Bujen Ko 133:1–19, 37–39

Imaron̄ pojak kiiō n̄an Itok eo Kein Karuo an Rilo̧mo̧o̧r eo.

Jim̧or jekjōn 1, kōmeļeļe eo an Irooj kōn Katak im Bujen Ko, im jekjōn 133, appendix eo jinointata ilo Bok in Kien Ko, rej ijjino kōn ejja kajjitōk eo wōt jān Irooj: “Eo̧ron̄, O kom̧ armej in Kabun̄ eo Aō” (Katak im Bujen Ko 1:1; 133:1). Bōlen kwomaron̄ ekkatak Katak im Bujen Ko 133:1–19, 37–39 im laajrak in ennaan ko Irooj ej jiron̄ eok n̄an “eo̧ron̄” n̄an (ron̄jake im pokake) ilo am̧ pojak n̄an Itok eo An Kein Karuo. Ilo jejjōt in, kwomaron̄ kalaajraki men ko E kōņaan bwe kwon kōm̧m̧ani (1) kepooj eok make im (2) jipan̄ kepooj laļin n̄an jepļaaktok eo An. Ta eo kwoj ekkatak jān laajrak kein?

Būreejtōn Russell M. Nelson ekar kwaļo̧k m̧ool ko raorōk kōn ta eo laļin enaaj āinwōt n̄e Rilo̧mo̧o̧r eo enaaj jepļaaktok—im kilen n̄an pojak. Pukot m̧ool kein ilo ennaan eo an “Ilju im Jekļaj eo an Kabun̄ in: Kōpooj Laļ in n̄an Itok eo Kein Karuo an Rilo̧mo̧o̧r” (Liaona, Epr. 2020, 6–11). Ta eo kwoj im̧we n̄an kōm̧m̧ane—ak wōnm̧aanļo̧k in kōm̧m̧ane—n̄an “kōpooj laļin n̄an jepļaaktok eo an Rilo̧mo̧o̧r”? (“Aaronic Priesthood Quorum Theme,” Gospel Library).

Bar lale Matu 25:1–13; Russell M. Nelson, “Jelm̧ae Ilju im Jekļaj eo kōn Tōmak,” Liaona, Nob. 2020, 73–76; “Come, Ye Children of the Lord,” Hymns, no. 58; Topics and Questions, “Second Coming of Jesus Christ,” Gospel Library.

Katak im Bujen Ko 133:19–56

Itok eo Kein Karuo enaaj lukkuun ļap lan̄lōn̄ n̄an ro rim̧m̧an.

Ilo am̧ riiti kōmeļeļe ko kōn jepļaaktok eo an Rilo̧mo̧o̧r ilo eoon 19–56, ta eo kwoj loe me kwoj reim̧aanļo̧k n̄ane? Ta naan ak jentōj ko me rej kōmeļeļeik iakwe eo an Irooj n̄an armej ro An? Ļōmņak in je en̄jake ko am̧ make kōn “iakwe eo ejouj eo an [am̧] Irooj, im aolep men ko Eaar likūt [ioom̧] ekkar n̄an em̧m̧an eo An” (eoon 52).

Kōmeļeļe ko jān Healer, jān Kelsy im Jesse Lightweave

Katak im Bujen Ko 134

“Kien kar ejaak in Anij n̄an jeraam̧m̧an eo an armej.”

Jem̧jerā eo an Armej ro Rekwojarjar etto ippān kien ekar lukkuun pen. Ke Armej ro Rekwojarjar kar kadiwōjļo̧k er jān Jackson County, Missouri, ilo 1833, rekar kajjitōk jipan̄ jān kien eo ilo bukwon eo im kien eo ioļap im kar bōk ejjeļo̧k. Ilo ejja iien eo wōt, jet armej ilo nabōj in m̧ōnjar eo rekar kōmeļeļeik katak ko an Zaion n̄an meļeļein bwe Armej ro Rekwōjarjar raar kowane mālim an kien ko an laļ. Katak im Bujen Ko 134 kar je, ilo m̧ōttan, n̄an kallikar jerbal eo an Kabun̄ in ikkijeen kien eo ioļap. Ta eo jekjōn in ej kwaļo̧ke kōn ekōjkan wāween an Armej ro Rekwojarjar an Irooj en̄jake kōn jikin kōm̧m̧an kakien eo?

Ilo am̧ ekkatak jekjōn 134, ļōmņak in pukot pedped ko an kien im eddo ko an aolep ro rej jokwe. Ewi wāween an ļōmņak kein lukkuun kar jipan̄ Armej ro Rekwojarjar etto? Ewi wāween am̧ mour kaki ilo ijoko kwoj mour ie?

Bar lale Laajrak in Tomak ko 1:11–12; Topics and Questions, “Religious Freedom,” Gospel Library.

Ļōmņak ko n̄an Katakin Ajri ro

Katak im Bujen Ko 133:4–5, 14

Irooj ej kōņaan bwe in pād etoļo̧k jān nana ko an laļin.

• Kwe im ajri ro nejum̧ maron̄ kalaajraki jet jikin im jekjek ko me Irooj ekōņaan bwe jen pād etoļo̧k jāni. Innām kwomaron̄ keidi jikin im jekjek kein n̄an meļeļe “Babel, Babylon” ilo Unin Tōl n̄an Jeje ko Rekwojarjar (Gospel Ļāibrāre). Innām remaron̄ riiti Katak im Bujen Ko 133:4–5, 14. Ta meļeļein “diwōjļo̧k … jān Babilon”? (eoon 5). Kwomaron̄ bar kōm̧m̧ane juon laajrak āinwōt in kōn jikin im jekjek ko Irooj ej karuwaineneik kōj n̄ani im keidi laajrak eo n̄an meļeļein “Zion” ilo Unin Tōl n̄an Jeje ko Rekwojarjar.

Katak im Bujen Ko 133:19–21, 25

Jisōs Kraist enaaj bar itok.

• Ajri ro nejum̧ remaron̄ m̧ōņōņō in arin ta eo enaaj n̄e ren kar keppopo n̄an juon men, āinwōt jiāe ikkure ko, juon rilotok eaorōk, ak juon iien holiday em̧m̧an. Etke keppopo eaorōk? Innām kwomaron̄ riit ippān doon Katak im Bujen Ko 133:17–19, 21 im karuwaineneik ajri ro nejum̧ n̄an pukot ta eo Irooj ej karuwaineneik er n̄an pojak n̄ane. Kwomaron̄ kwaļo̧k n̄an er pija ko jān laajrak eo an wiik in im kajjitōk ippān ajri ro nejum̧ ta eo rejeļā kōn Itok eo Kein Karuo an Jisōs Kraist. Bar ta jej ekkatak jān eoon 19–25, 46–52? Ta ko jemaron̄ kōm̧m̧ani n̄an pojak n̄an iien in ekam̧ōņōņō?

• Kwomaron̄ ņooj jejjo pija ak men ko jet me rej pinej jenkwan men ko jemaron̄ kōm̧m̧ani n̄an keppopo n̄an Itok eo Kein Karuo an Jisōs Kraist (āinwōt riiti jeje ko rekwojarjar, kwaļo̧k gospel eo, ak jipan̄ baam̧le ko ad). Kōtļo̧k bwe ajri ro nejum̧ ren pukot pija ko im kōnono kaki elmen kōm̧m̧ani men kein jipan̄ kōj pojak n̄an ioon Rilo̧mo̧o̧r n̄e E ej ro̧o̧ltok.

• Al juon al kōn Itok eo Kein Karuo an Rilo̧mo̧o̧r, eo āinwōt “When He Comes Again” (Children’s Songbook, 82–83). Kwaļo̧k am iakwe n̄an Rilo̧mo̧o̧r im am en̄jake kōn jepļaaktok eo An.

Katak im Bujen Ko 133:52–53

Jisōs Kraist ej iakwe im jouj.

• Kwe im ajri ro nejum̧ maron̄ lale pija ko me rej kwaļo̧k ke Jisōs ej iakwe im jouj. (N̄an waanjon̄ak, lale Bok in Gospel Pija, nos. 42, 47.) Ta ko jet Jisōs ekar kōm̧m̧ane n̄an kwaļo̧k An iakwe im jouj? Riiti ippān doon Katak im Bujen Ko 133:52, im jipan̄ ajri ro ļōmņak kōn wāween ko remaron̄ “kōnono kake iakwe ejouj eo an aer Irooj” n̄an ro jet.

  

Kōmeļeļe ko jān In His Light [Ilo An Meram̧], jān Greg Olsen

Katakin katak ko ralikkar im reļam waan. Irooj ej kōmeļeļeik gospel eo An kōn naan ko āinwōt “alikkar” im ļam waan” (Katak im Bujen Ko 133:57). Ta eo naan kein rej lewaj ļōmņak n̄an kwe kōn katakin gospel eo n̄an baam̧le eo ak kūlaaj eo am̧?

Katak im Bujen Ko 134: 1–2

Irooj ekōņaan bwe in pokake kien.

• Ajri ro nejum̧ remaron̄ kalaajrake kien ak kakien ko rej pokake. Ta jekjek in mour n̄e juon ejjab pokake kien kein? Innām kwomaron̄ riiti Katak im Bujen Ko 134:1–2 ippāer, jipan̄ er meļeļe jabdewōt naan ak ennaan remaron̄ jab meļeļe. Etke Irooj ekōņaan bwe jen pokake kien in? (bar lale Laajrak in Tōmak ko 1:12).

N̄an ļōmņak ko reļļapļo̧k, lale ennaan eo an allōn̄ in eo Jera māākjiin.

Christ in a Red Robe [Kraist ilo Kopā Būrōrō], jān Minerva Teichert