“Ainikien ko an Jepļaaktok eo: Peptaij kōn ro Jibūd im Jim̧m̧aad, ‘juon Katak Eaiboojoj,’” Itok, Ļoor Eō—N̄an M̧weeo im Kabun̄ in: Katak im Bujen Ko 2025 (2025)
“Peptaij kōn ro Jibūd im Jim̧m̧aad, ‘juon Katak Aiboojoj,’” Itok, Ļoor Eō—N̄an M̧weeo im Kabun̄ in: 2025
Ainikien ko an Jepļaaktok eo
Peptaij kōn ro Jibūd im Jim̧m̧aad, “juon Katak Aiboojoj”
Jin̄n̄a in ej kwaļo̧k jikin peptaij eo ilo Nauvoo Tampeļ ej pād ioon jon̄oulruo kau ko.
Phebe im Wilford Woodruff
Phebe Woodruff ekar jokwe epaake Nauvoo ke Josep Smith ekar jino katakin kōn peptaij kōn ro rekar mour m̧okta ļo̧k. Ekar je kōn ļeo pāleen, Wilford, eo ekar mijen ilo England:
“Brother Josep … ekar ekkatak kōn revelesōn in bwe ro ilo Kabun̄ in remaron̄ peptaij kōn jabdewōt ro nukuer ro remej im ejjeļo̧k aer kar iien n̄an ron̄ kōn gospel in, aaet n̄an ajri, ro jineer im jemeer, brother, sister, ro jibūer im jim̧m̧aer, unlepāer im nej jineer. … Dedeļo̧kin wōt aer peptaij n̄an ro m̧ōttāer rej roļo̧k n̄an kalbuuj im remaron bōk er ilo jerkakpeje eo im boktok er n̄an aelōn̄ selestial—katak in kar bōk ilo iakwe emeneen jān kabun̄ in im rej wōnm̧aanļo̧k ilo jarlepju in armej ro, jet rej tōn peptaij jon̄an lōn eo 16 kattan … ilo juon raan.”1
Wilford Woodruff ekar ba tokālik kōn pedped in katak in: “Iien eo ikar ron̄ kōn menin jetōb eo aō ekar lukkuun m̧ōņōņō. … Ikar reim̧aanļo̧k im ikar peptaij kōn aolep ro nuku remej me repād ilo ļōmņak eo aō. … Ikar en̄jake n̄an ba alleluia ke revelesōn eo ekar waļo̧k n̄an kōj n̄an peptaij kōn ro remej. Ikar en̄jake ke jemaron̄ lan̄lōn̄ ilo kōjeraam̧m̧an ko an Lan̄.”2
Vilate Kimball
Āinwōt Sister Woodruff, Vilate Kimball ekar ron̄ kōn peptaij kōn ro remej ke ļeo ippān Heber, ekar pād ettoļo̧k im kwaļo̧k gospel eo. Ekar jeje n̄an e:
“Būreejtōn Smith ekar bōk lōn̄tak juon unin kōnono ekāāl im eaiboojoj … eo me ekar kōm̧m̧an bwe en ļapļo̧k tōmak an elōn̄ armej ro. Menin, peptaij kōn ro remej. Paul ej kōnono kōn menin, ilo juon Korint 15 jepta 29 eoon. Josep ekar bōk juon likio in kōmeļeļe kōn unin kōnono in ilo Revelesōn. … Ej juon iien em̧m̧an an kabun̄ in n̄an peptaij kōn aolep ro nukuier me rekar mej m̧okta jān an Gospel in kar jepļaaktok; jon̄an likļo̧k n̄an ro jibūer im jim̧m̧aer etto. … Ilo ad kōm̧m̧ane menin, jej jerbal āinwōt jet jipan̄ n̄an er; im leļo̧k n̄an er iien em̧m̧an ilo itok eo an jerkakpeje eo kein kajuon. Ej ba renaaj kajedeed Gospel eo n̄an er … ak ejjan̄in kar wōr jetōb ej peptaij. … Jān iien eo katakin kar ajedeed ijin, eļļļakarr jan̄in jem̧ļo̧k an boub jikin kōpeptaij eo ilo dān. Ilo iien kweilo̧k eo eļap ekar wōr jet iien jān rualitōk n̄an jon̄oul Elder ro ilo reba eo ilo juon iien rej peptaij. … Ikōņaan peptaij kōn Jinō. Ikar karōk im kōttar m̧ae kwonaaj rooltok n̄an kapijuknen, ak āliktata Josep ekar kōnono kōn unin kōnono in, ekar kapilōk aolep bwe ren jerkak im kōm̧m̧ane jerbal in, im kanemkwoj ro m̧ōttaer jān kam̧akoko ilo iien eo em̧ōkajtata. Kōn menin ij ļōmņak inaaj wōnm̧aanļo̧k wōt ilo wiik in, āinwōt ke elōn̄ ro rūtūrū rej wōnm̧aanļo̧k wōt. Jet em̧ōj aer kadede peptaij elōn̄ kōttan. … Menin kwoj loe bwe elōn̄ iien ko rem̧m̧an n̄an aolep. En̄in ej juon katak eaibojooj?”3
Phebe Chase
Ke jikin peptaij eo ekar dedeļo̧k ilo Nauvoo Tampeļ, peptaij ko kōn ro remej rekar jino kōm̧m̧an ijeņ ijjeļo̧kin ilo juon reba. Phebe Chase, ej juon ri Nauvoo, ekar jeje n̄an jinen kōn tampeļ, kōmeļeļeik jikin peptaij eo āinwōt juon jikin “jemaron̄ peptaij kōn ro remej im erom̧ rilo̧mo̧o̧r ro ilo toļ Zaion.” Ekar etal wōt im kōmeļeļeik bwe ilo jikin peptaij in, “Em̧ōj aō kar peptaij kōn eo jema jitōnbōro im aolep ro m̧ōtta me em̧ōj aer jako. … Kiiō ikōņaan jeļā etan jemam̧ im jinam̧ bwe in karōlļo̧k er, bwe ij ikdeleel n̄an jipan̄ ro Remej. … Irooj ekar bar kenono im ekar kōjepļaaktok laajrak ko etto.”4
Sally Randall
Ke ikar je menin n̄an ro m̧ōttan im baam̧le ko kōn peptaij kōn ro remej uwaan baam̧le raar mour mokta ļo̧k, Sally Randall ekar bar kemeemej tok mej eo an ļaddik eo nejin George:
“O juon iien epen n̄an n̄a im ej pen wōt bwe ijjab maron̄ kōkm̧anm̧anļo̧k menin, ak … jemān em̧ōj an peptaij kōn e im ej juon men eaibojooj bwe jej tōmak im bōk tarlep in gospel eo āinwōt an ajedeed kiiō im maron̄ peptaij kōn aolep ro m̧ōttad remej im lo̧mo̧o̧ren er likļo̧k n̄an jon̄an eo jeļā eo ad ejem̧ļo̧k ie.
“Ikōņaan bwe kwon je aolep et ko kar litok kōn ro nukūd me em̧ōj aer jako jon̄an eo kwotōpare likļo̧k etan ro jibūm̧ im jim̧m̧aam̧. Ij kōņaan kōm̧m̧ane ta eo imaron̄e n̄an lo̧mo̧o̧ren ro m̧ōtta im ij aikuj lukkuun m̧ōņōņō eļan̄n̄e jet iaami naaj itok im jipan̄ eō bwe ej juon jerbal eļap n̄an juon n̄an an kōm̧m̧ane make iaan. … Ij kōtmāne kwonaaj ļōmņak menin ej juon katak jejjab jeļā kake ak kwonaaj lo bwe em̧ool.”5