Us with Them and Them with Us, jān Caitlin Connolly

Nobōm̧ba 3–9: “Juon Ainikien Em̧m̧an n̄an Ro Remour im Ro Remej”

Katak im Bujen Ko 125–128

Ilo O̧kwōj 1840, Jane Neyman eo me ekar lukkuun būrom̧ōj ekar ron̄jake an Rikanaan Josep kōnono ilo iien ilomej eo an juon mōttan etan Seymour Brunson. Jodikdik eo nejin Jane etan Cyrus ej kab m̧ōj an jako. Men eo ekar kabūrom̧ōj e ļo̧k wōt ej bwe Cyrus ejjan̄in kar peptaij, im Jane ekar inepata kōn ta eo enaaj waļo̧k n̄an jetōb eo an indeeo. Josep ekar bar ļōmņak ejja menin wōt kōn brother eo an ejitōnbōro Alvin, eo ekar bar mej m̧okta jān an kar peptaij. Kōn menin Rikanaan eo rekar kālet n̄an jeere ippān aolep ro ilo iien ilomej eo, ta eo Irooj ekar kwaļo̧k n̄an e kōn er ro me rekar mej ilo aer jan̄in bōk kain̄i ko an gospel eo—im ta eo jemaron̄ kōm̧m̧ane n̄an jipan̄ er.

Katak eo kōn peptaij kōn ro remej ekar kam̧ōņōņōik Armej ro Rekwojarjar, ļōmņak ko aer rekar kajju oktak n̄an baam̧le ko aer me raar jako. Kiiō ebar wōr kōjatdikdik n̄an er! Josep ekar kwaļo̧k aer m̧ōņōņō, im ilo juo leta me ej katakin katak in, e ekar m̧ōņōņō ilo an kōjerbal kajin lan̄lōn̄ n̄an kwaļo̧k ta eo Irooj eaar katakini kōn lo̧mo̧o̧r an ro remej: “Toļ ko ren lam̧ōj kōn lan̄lōn̄, im aolep kom̧laļ kom̧in kūr ellaaj; im aolep kom̧ lojet kaņ im āne m̧ōrā ko kom̧in ba mennin bwilōn̄ ko an ami Kiin̄ Indeeo!” (Katak im Bujen Ko 128:23).

Lale Armej ro Rekwojarjar, 1:415–27; “Letters on Baptism for the Dead,” ilo Revelations in Context, 272–76.

Ļōmņak ko n̄an Ekkatak ilo M̧weeo im ilo Kabun̄ in

Katak im Bujen Ko 126

Irooj ekōņaan bwe in kea kōn baam̧le eo aō.

Ālkin an ro̧o̧l jān juon mijen ilo England—juon iaan mijen ko ekar jerbali ie—Brighram Young ekar bōk bar juon kūr eaorōk jān Irooj. Kajjitōk ippān bwe en “bōk juon kōjparok etiljek n̄an baam̧le eo [an]” (eoon 3), eo eaar en̄taan ke eaar jako. Ilo am̧ ekkatak jekjōn in, ļōmņak etke jet iien Irooj ej aikuji kōj ilo ad kaarmejete jerbal eo ad. Ta eo kwoj kōm̧m̧ane n̄an kōjparok baam̧le eo am̧?

Bar lale “Take Special Care of Your Family,” ilo Revelations in Context, 242–49.

Katak im Bujen Ko 127:2–4

Imaron̄ pedped ioon Irooj ilo iien ko reppen.

Ņa ruōn kōn bōd ko rejjab m̧ool im kamijak n̄an kalbuuj ekar bar kōm̧akūt Josep Smith bwe en kitileekek ilo O̧kwōj 1842. Im aaet naan ko ekar je n̄an Armej ro Rekwojarjar ilo iien in kiiō Katak im Bujen Ko 127) raar obrak kōn kōjatdikdik im lan̄lōn̄. Ta eo eoon 2–4 rej katakin eok kōn Anij? kōn wāween am̧ maron̄ jelm̧ae mālijjon̄ ko am̧ make? Ta naan ko jān eoon kein me remaron̄ jipan̄ eok n̄e kwoj en̄jake kaen̄tanaan? Ļōmņak n̄an je wāween an Irooj jipan̄ eok ilo “dān m̧wilaļ” ilo mour eo am̧.

Katak im Bujen Ko 127:5–8; 128:1–8

“Jabdewōt kom̧ij ļo̧o̧k ioon laļ naaj ļo̧o̧k ilo lan̄.”

Ilo am̧ riiti Katak im Bujen Ko 127:5–8; 128:1–8, lale unin an kar Irooj leļo̧k n̄an Josep Smith bun̄ten ko rekkar n̄an rikoote peptaij n̄an ro remej. Ta eo menin ej katakin eok kōn Irooj im jerbal eo An? Ewi wāween am̧ en̄jake bwe katak in emaron̄ jerbal n̄an ļo̧o̧k in baam̧le eo am̧ make, āinwōt jōnōļ ko?

Kōm̧m̧an jerbal ko an tampeļ n̄an ro jibūd im jim̧aad ej ko̧o̧neek e kōj n̄an er.

Katak im Bujen Ko 128:5–25

Lo̧mo̧o̧r an rūtto ro jibu im jim̧aō eaorōk n̄an lo̧mo̧o̧r eo aō.

Ealikkar jān ta eo Anij ekar kwaļo̧ke jān ippān Josep Smith unin an ro jibūd im jim̧m̧aad rejjan̄in peptaij aikuji jipan̄ ko ad: jej peptaij ilo etaer bwe ren maron̄ kāālet eļan̄n̄e rej bōk kain̄i in ak jaab. Bōtaab Rikanaan eo ekar bar katakin ke lo̧mo̧o̧r eo an rūtto ro ad ej “aikuji im eaorōk n̄an lo̧mo̧o̧ren eo ad make.” Ilo am̧ riiti Katak im Bujen Ko 128: 15–18, ļōmņak etke ej āinwōt in.

Eoon 5 ej kwaļo̧k bwe kain̄i eo an peptaij n̄an ro rimej kar “kōpooje m̧okta jān foundasōn eo an laļ.” Ta eo m̧ool in ej katakin eok kōn Anij im karōk eo An? Ta ennaan eo an Elder Dale G. Renlund “Menmenbwij im Jerbal an Tampeļ: Liāp im Kōmour” ej kakobaba waj ilo meļeļe eo am̧? (Liaona, Māe 2018, 46–49).

Josep Smith ekar kōjerbal naan ko āinwōt “kajoor in liāp,” “wāween korak,” im “koba eo eweepān” n̄e ej itok n̄an katakin kōn kain̄i ko an priesthood im peptaij n̄an ro remej. Pukot men kein im naan ko me rej āinļo̧k wōt ilo am̧ riiti Katak im Bujen Ko 128:5–25. Kwomaron̄ ke ļōmņake men ko me kwomaron̄ kōjerbali n̄an kōmeļeļeik naan kein, āinwōt jeen ak to? Etke naan kein rem̧m̧an n̄an kōmeļeļeik katak in?

Ļōmņake kajjitōk kein emaron̄ bar jipan̄ am̧ ekkatak eoon kein:

• Ilo am̧ ļōmņak, etke peptaij n̄an ro remej watōke ke “ekanooj aiboojoj ian aolep ko rej an gospel eo ejjeļo̧k jem̧ļo̧kin”? (eoon 17). Ta en̄jake ko raar jipan̄ eok en̄jake wāween in?

• Emaron̄ ilo ļōmļōm ta laļ in ekar kemour eļan̄n̄e ejjeļo̧k “juon wāween korak … ikōtaan ro jemāer im ro nejier”? (eoon 18

• Ta eo ej im̧we eok kōn naan ko an Josep Smith ilo eoon ko 19–25? Ekōjkan an eoon kein jelōt wāween am̧ en̄jake kōn Jisōs Kraist? kōn jerbal in tampeļ n̄an ro jibūd im jim̧m̧aam̧? (bar lale “Come, Rejoice,” Hymns, no. 9).

Ālkin ekkatak eoon kein, kwomaron̄ en̄jake im̧we n̄an kōm̧m̧ane juon men n̄an ro jibūm̧ im jim̧aam̧. Ļōmņak ko ilo FamilySearch.org remaron̄ jipan̄.

“Inspirational Videos” ilo collection eo an “Temple and Family History” ilo Gospel Ļāibrāre emaron̄ letok n̄an eok jipan̄, bwebwenato ko reim̧we, im enaan ko jān ritōl ro kōn menmenbwij.

Kōjerbal kein jipan̄ ko jet an Kabun̄ in. Liin̄ ko ilo elmakot ko an Itok, Ļo̧o̧r Eō ej letok wāween ko repidodo n̄an kein jipan̄ ko me remaron̄ jipan̄ eok meļeļe im mour kōn m̧ool ko ilo gospel in ak em̧akūt ilo im̧we ko kwoj bōki. N̄an waanjon̄ak, liin̄ in ilōn̄ FamilySearch ej tōl n̄an ikkure ko āinwōt kalek wōjke in baam̧le eo am̧ make, loe ro jibūm̧ im jim̧aam̧ reaikuj kain̄i ko an tampeļ, lale ia eo rūtto ro jibūm̧ im jim̧aam̧ rej itok jāne, ak upload juon pija in bwebwenato an baam̧le.

Bar lale Kevin R. Duncan, “Juon Ainikien Em̧m̧an!,” Liaona, Māe 2023, 95–97.

“A Glorious and Wonderful Provision.”

Būreejtōn Gordon B. Hinckley ekar ba:

“Pinmuur eo an Jisōs ilo etan aolep ej jutak kōn kaarmejete ko reļļap n̄an ro jet. Ekar kwaļo̧k jon̄ak eo ium̧win eo Ekar erom̧ juon ribōk jenkwann n̄an aolep armej. Jon̄ak in eo ej pād ium̧win armej eo me emaron̄ kōm̧m̧ane jerbal in ilo etan bar juon ej kōm̧m̧an kōn kain̄i ko ilo im̧weo im̧ōn Irooj. Ijin jej jerbal ilo etan ro me raar mej ilo aer jab jeļā kōn gospel in. Ej aer kāālet n̄an errā ak m̧akoko kōn kain̄i eo em̧ōj kōm̧m̧ane ilo etaer. Rej juon wōt ippān ro raar mour ilo mour in. Ro remej kar leļo̧k ejja iien ko rem̧m̧an āinwōt ro remour. Bar juon alen, ej juon mennin letok aiboojoj im em̧m̧an Eo Eutiej Bōtata ekar kōm̧m̧ane kōn An revelesōn n̄an Rikanaan eo An” (“The Great Things Which God Has Revealed,” Liaona, May 2005, 82–83).

Ļōmņak ko n̄an Katakin Ajri ro

Katak im Bujen Ko 126:3.

Imaron̄ jipan̄ kea kake baam̧le eo aō.

• N̄an jipan̄ ajri ro ekkatak n̄an jipan̄ ro uwaan baam̧le ko aer, ļōmņak in kwaļo̧k meļeļe eo kōn Brigham Young ilo “Jebta 49: Armej Ro Rekwojarjar ilo Nauvoo” (ilo Bwebwenato Ko Jen Katak im Bujen Ko, 184 ak pijaan alooj eo ekkeijel ippān ilo Gospel Ļāibrāre) ak kōmeļeļeik Katak im Bujen Ko 126 ilo naan ko am̧ make. Kwomaron̄ bar kwaļo̧k naan eo kar kobaiktok “bōk juon kōjparok etiljek n̄an baam̧le eo am̧” (eoon 3) im kōnono ippān ajri ro ta meļeļe lukkun lale ilo tiljek baam̧le ko ad.

  Chapter 50: The Saints in Nauvoo: January–July 1841

• Emaron̄ limo n̄an kwe im ajri ro nejūm̧ n̄an kalimjōk pijaan (ak jin̄a) in baam̧le ilo ami kōnono ippān doon kōn wāween ko jemaron̄ jipan̄ “kōjparok” ro uwaan baam̧le eo ad. Kom̧ maron̄ bar al juon al āinwōt “Home Can Be a Heaven on Earth” (Hymns, no. 298).

Katak im Bujen Ko 128:5, 12

Aolep ro nejin Anij reaikuj in peptaij.

• Karuwaineneik ajri ro n̄an lale jān Katak im Bujen Ko 128:1 ta unin kōnono eo ekar pād ilo ļōmņak eo an Josep Smith. Remaron̄ bar etale eoon 17 im pukote ta eo ej lukkuun ļōmņake “eo eiaboojojtata.” Kōtļo̧k bwe ren jeere ta eo rej loe im kōnono etke menin ej juon unin kōnono eo ekaitoktok limo.

• Kakkobaba n̄an jipan̄ ajri ro repojak n̄an keppopo n̄an bujen peptaij eo aer make, kwomaron̄ jipan̄ er jeļā elmen kilen jipan̄ armej ro me raar jab kōm̧m̧ane bujen kein ke raar mour. Ļōmņak in jiron̄ ajri ro nejum̧ kōn juon eo kwojeļā kake me ekar mej ak ekar jab peptaij. Innām kwomaron̄ riit ippān doon Katak im Bujen Ko 128:5 im kalimjōk pijaan juon jikin peptaij ilo tampeļ eo (āinwōt eo ilo jemļo̧kin laajrak in). Jiron̄ ajri ro nejum̧ ewi am̧ en̄jake kōn peptaij ilo tampeļ kōn ro rimej bwe aolep armej ren wōr aer iien n̄an kōm̧m̧an bujen ippān Jemedwōj Ilan̄.

Katak im Bujen Ko 128:18

Jemedwōj Ilan̄ ekōņaan bwe in jeļā kōn ro menmenbwij eo an baam̧le eo aō.

• Emaron̄ limo n̄an kwe im ajri ro n̄an kōm̧m̧an pepa in jeen kōn etan jined im jemed, bubu im jim̧m̧a, ro jibun jined im jemed, im ro jet (lale peij in m̧akūtkūt eo an wiik in). Innām remaron̄ kwaļo̧k n̄an doon kōn ta kom̧ jeļā kōn rein jibūm̧ im jim̧m̧aami. Riit ippān doon Katak im Bujen Ko 128:18 n̄an pukote ta in “kwon” bwe en kōm̧m̧an an baam̧le ko ad “juon wōt im dipio.” Kom̧ maron̄ alooje pija eo “Courage: I Think I Get It from Him” (Gospel Library).

  Courage: I Think I Get It From Him

  Learn about your ancestors strengths to discover your own strengths.

• Bar jet m̧akūtkūt ko n̄an jipan̄ ajri ro bōk kuņaer ilo bwebwenatoon baam̧le maron̄ loi ilo “The Temple and the Plan of Happiness” ilo appendix B ak ilo FamilySearch.org.

Kain̄i ko an tampeļ rej jipan̄ kōj kobaik baam̧le ko āinwōt kōkejel ko ilo juon jeen.

N̄an ļōmņak ko reļļapļo̧k, lale ennaan eo an allōn̄ in ilo eo Jera māākjiin.

jikin peptaij eo ilo Ogden Utah Tampeļ.