Tijem̧ba 15–21: “Baam̧le Eo Ej Dilepen Karōk eo an Rikōm̧anm̧an eo”

Baam̧le Eo: Juōn Naan in Kean̄ n̄an Laļ in

M̧okta jān ad kar ļotak tok n̄an laļ in, jekar uwaan juon baam̧le—baam̧le eo an Jemed im Jined Ilan̄. Jon̄ak in ej wōnm̧aanļo̧k wōt ioon laļin. Baam̧le ko ijin, ilo em̧m̧antata eo aer, rekar itok n̄an āliji jon̄ak eo ejejjet ilo lan̄.

Aaet, ejjeļo̧k kōtmāne ke baam̧le ko ilo laļin renaaj po ļōmān akō bar jerbal. Āinwōt an kar Būreejtōn Henry B. Eyring kar katakin, baam̧le ko “rej leļo̧k juon iien eo em̧m̧antata n̄an karuwaineneik tok ajri ro nejin Anij n̄an laļ in ej itok epaake ta eo jaar en̄jake ilo lan̄—iakwe an ro jined im jemād” (“Gathering the Family of God,” Liaona, May 2017, 20). Jeļā bwe baam̧ļe ko rejjab wānōk im epidodo an rinana eo kakkure, Anij ekar jilkintok Nejin Emake Wōt n̄an lo̧mo̧o̧ren kōj n̄an kōmour baam̧le ko ad. Im E ekar jilkintok rikanaan ro kōn juon naan in kean̄ n̄an jojomar im kōkajoorļo̧k baam̧le ko. Eļan̄n̄e jej ļo̧o̧r rikanaan ro im ad im likūt tōmak ilo Rilo̧mo̧o̧r, men̄e baam̧le ko ad ilo mour in rej likjab ilo wānōk eo ekwojarjar, ewōr kōjatdikdik kōn baam̧ļe ko—ilo laļ in im ilo lan̄.

Ļōmņak ko n̄an Ekkatak ilo M̧weeo im ilo Kabun̄ in

“Baam̧le eo ej dilepen karōk eo an Rikōm̧anm̧an eo.”

“Baam̧le Eo: Juon Naan in Kean̄ n̄an Laļ in” ealikkar kōn baam̧le ko. Ak ej jon̄an wōt juon ilo karōk in lo̧mo̧o̧r eo an Anij. Juon wāween n̄an ekkatak kean̄ in ej n̄an je naan ko mour eo m̧okta, mour ioon laļin, im mour eo tokālik ioon juon pepa im kalaajrake ta eo kean̄ eo ej katakin kake ilo kajjojo iaan unin kōnono kein. Ta eo kwoj ekkatak n̄e kwoj katak naan in kean̄ eo ilo wāween in? Ekōjkan an menin jipan̄ eok meļeļe unin an m̧are im baam̧le lukkuun aorōk ilo karōk eo an Anij? Ekōjkan an m̧ool ko ilo kean̄ in jelōt jokāālet ko am̧?

Elōn̄ armej ro me, kōn un ko rellōn̄, remaron̄ mijak m̧are ak kōkaajriri ajri. Eļan̄n̄e juon eo m̧ōttam̧ ekar ba n̄an kwe, “ij jab kōņaan m̧are ak ejaake juon baam̧le,” ta eo kwon kar ba? Bōlen kwomaron̄ pukot kean̄ eo im pukot juon men eo emaron̄ jipan̄ eo m̧ōttam̧ bōk kōjatdikdik ilo karōk eo an Anij.

Bar juon kajjitōk kwomaron̄ kajjitōk—ak eo kwomaron̄ kajjitōk ippam̧ make—juon eo āinwōt in: “Ta eo n̄e jekjek eo an baam̧le eo aō ejjab kōkkar n̄an ta eo ej kōmeļeļeiki ilo kean̄ eo an baam̧le?” Errein ej ruo jikin ko kwomaron̄ pukot kapilōk an rikanaan eo: jekjōn eo “A Mighty Change” ilo ennan eo an Elder Dieter F. Uchtdorf “Jesus Christ Is the Strength of Parents” (Liaona, Māe 2023, 55–59) im pārokūrāāp ko emen āliktata ilo enaan eo an Elder D. Tood Christofferson “Why Marriage, Why Family” (Liaona, Māe 2015, 52).

Ta eo kwoj en̄jake ekar im̧we n̄an kōm̧m̧ane ta eo kwaar ekkatak kake?

Bar lale Dallin H. Oaks, “Karōk eo im Baam̧le eo juōn naan in kean̄ n̄an laļ in,” Liaona, Nob. 2017, 28–31; Topics and Questions, “Family,” Gospel Library.

“Kajjojo [armej] ej juon leddik ak ļaddik nejin ro jined im jemed ilan̄.”

Emmakijkij ad ļōmņak kōn kean̄ eo an baam̧le āinwōt juon unin tōl n̄an mour an baam̧le. Bōtaab ej barāinwōt katakin kōn m̧ool ko raorōk kōn baam̧le eo ad ilan̄ im kadkad eo indeeo. Etke eaorōk menin bwe kwon jeļā bwe jej aolep ro uwaan baam̧le in? Ekōjkan an m̧ool in jelōt kāālet ko kwoj kōm̧m̧ani?

Bar lale “N̄a Nejin Anij,” Al Ko, no. 44.

“M̧ōņōņō ilo mour in baam̧le ej maron̄ tōprak eļan̄n̄e ej pedped wōt ioon katakin an Irooj Jisōs Kraist.”

Ļōmņak kōn pārokūrāāp 6 and 7 an baam̧le eo juōn naan in kean̄ n̄an laļ in āinwōt juon jon̄ak n̄an “m̧ōņōņō ilo mour in baam̧le.” Ilo am̧ riit pārokūrāāp kein, pukot pedped in katak ko an “m̧are ko repen aer rub im baam̧le ko.” Kwomaron̄ ļōmņak kōn waanjon̄ak ko an pedped kein em̧ōj am̧ kar loi ilo baam̧le eo am̧ make ak baam̧le ko jet. Ekōjkan an pedped kein jipan̄ kōm̧m̧an bwe Jisōs Kraist en pedped eo an mour in baam̧le eo?

Innām kwomaron̄ ļōmņak kōn juon jemjerā in baam̧le kwonaj kōņaan kōkajoore. Kōm̧m̧ane juon karōk, kōn jipan̄ eo an Rilo̧mo̧o̧r eo, n̄an jerbale ioon im̧we ko kwoj būki.

Bar lale L. Whitney Clayton, “The Finest Homes,” Liahona, May 2020, 107–9.

Ro jinen im jemān kōkaajririik ajri ro nejier ilo iakwe im jim̧we.

“Kōmij kūr ioon ro aer eddo … n̄an kōjparok im kōkajoorļok Baam̧le eo.”

Pārokūrāāp eo āliktata in baam̧le eo juōn naan in kean̄ n̄an laļ in ekoba juon kūr n̄an jerbal. Ilo am̧ ļōmņak ekōjkan am̧ naaj kar eoron̄ kūr in, menin emaron̄ jipan̄ n̄an ekkatak kake taitōļ eo an kean̄ in. N̄an waanjon̄ak, ta in naan in kean̄? Ta meļeļein naan in n̄an kwe kōn ennaan eo ilo pepa in? Ta eo ekar kōm̧m̧an bwe Būreejtōnji eo Kein Kajuon im Ko̧o̧njeļ eo an Doulul eo an Jon̄oulruo Rijilōk ro ren kwaļo̧k juon naan in kean̄ n̄an laļ in ikkijien baam̧le ko? Kwomaron̄ bar kōm̧m̧ane juon laajrak in ta eo kwoj ļōmņake bwe en wūnin enaan ko an kean̄ in. Ekōjkan am̧ maron̄ in lelōn̄tak naan kein ilo mour eo am̧, ilo m̧weeo imōm̧, im ilo jukjukin pād eo am̧.

Bar lale Bonnie L. Oscarson, “Defenders of the Family Proclamation,” Liahona, May 2015, 14–17; “Defenders of the Faith” (video), Gospel Library.

Defenders of the Faith

Marie Madeline Cardon and her family were holding a Church service in their home in Italy when an angry mob of men gathered and began shouting for the missionaries to be brought outside. It was Marie who marched out of the house to confront the mob.

N̄an ļōmņak ko reļļapļo̧k, lale ennaan eo an allōn̄ in ilo Liaona im N̄an Kōkajoorļo̧k Jodikdik ro māākjiin.

Ļōmņak ko n̄an Katakin Ajri ro

Baam̧le ko relukkuun aorōk ilo karōk eo an Jemedwōj Ilan̄.

• Jipan̄ ajri ro nejum̧ ļōmņaki men ko me raorōk me rekōņaan kwaļo̧k n̄an jabdewōt kaki. Kwaļo̧k n̄an ajri ro juon kape in “Baam̧le Eo: Juōn Naan in Kean̄ n̄an Laļ in,” im kōmeļeļeiki bwe rikanaan ro im rijillōk ro raar je n̄an jiron̄ aolep ewi jon̄an an aorōk baam̧le ko n̄an Jemedwōj Ilan̄. Etke baam̧le ko raorōk Ippān? (bar lale pija eo “What Is the Purpose of Family?” [ChurchofJesusChrist.org]).

  What Is the Purpose of Family?

  The family is the divine building block of society.

• Kwaļo̧k n̄an ajri ro nejum̧ jet men jān kean̄ eo me kwoj en̄jake aolep raikuj in jeļā kake. Kajjitōk ippān ajri ro n̄an kwaļo̧k en̄jake ko aer kōn m̧ool ko. Elmen an mour ko ad kar oktak eļan̄n̄e jeban kar jeļā men kein? Al ippān doon juon al me eiokļo̧k m̧ool ko loi ilo kean̄ eo, āinwōt “I Will Follow God’s Plan” (Children’s Songbook, 164– 188).

• Ilo jekjōn IV ilo ennaan eo an “Karōk eo im Kean̄ eo” (Liaona, Nob. 2017, 30), Būreejtōn Dallin H. Oaks ej kōmeļeļeik wāween kar je baam̧le eo juōn naan in kean̄ n̄an laļ in. Bōlen kwe im ajri ro nejum̧ maron̄ kōmeļeļeik n̄an doon im kōnono etke kom̧ij kam̧m̧oolol bwe Irooj ekar im̧we rijerbal ro An n̄an kwaļo̧k kōn m̧ool kein kōn baam̧le ko.

• Kwaļo̧k n̄an ajri ro nejum̧ pija ko (ak karuwaineneik er n̄an jin̄aik) m̧ool ko loi ilo baam̧le eo juōn naan in kean̄ n̄an laļ in. Emaron̄ pija in juon tampeļ, juon baam̧le ilo aer jar ak ikkure ippān doon, ak juon pea in ripālele ro rej m̧are. Karuwaineneik ajri ro nejum̧ n̄an pukot jāņtōj eo ilo baam̧le eo juōn naan in kean̄ n̄an laļ in me eiokļo̧k pija ko. Ta eo Irooj ej katakin kōj kake kōn men kein ilo kean̄ in?

Jemedwōj Ilan̄ ej kōņaan bwe baam̧le ko ren m̧ōņōņō.

Kwōn jeļā. Ilo am̧ katakin m̧ool ko kar katakin ilo baam̧le eo juōn naan in kean̄ n̄an laļ in, jouj im kile bwe elōn̄ ajri ro rej rūttoļo̧k ilo baam̧le ko me rejjab jokkin wōt juon ippān jekjek ko kōmeļeļeiki ilo kean̄ eo. Ļōmņak elmen am̧ maron̄ rōjan̄ im im̧we er.

N̄a ij juon “jetōb jitōnbōro likao im jiron̄ nejin jined im jemed ilan̄.”

• Ilo am̧ al ippān doon “N̄a Nejin Anij” (Al ko Al in Ajri, 44), kwomaron̄ joļo̧k juon bo̧o̧ļ n̄an juon ajri im ba, “Ijeļā kajjien juon ajri nejin Anij etan in [etan ajri eo].” Innām ajri eo emaro̧n̄ joļo̧k bo̧o̧ļ eo n̄an bar juon, ba naan ko im kobaik etan armej eo ej joļo̧k bo̧o̧ļ eo n̄ane. Jipan̄ ajri ro nejum̧ pukot naan eo “jetōb jitōnbōro likao im jiron̄ nejin jined im jemed ilan̄” ilo baam̧le eo juōn naan in kean̄ n̄an laļ in, im kwaļo̧k am̧ naan in kam̧ool kōn m̧ool in.

Baam̧le ko rej m̧ōņōņō n̄e rej ļoor Jisōs Kraist.

• Jino juon kōnono kōn kōkajoorļo̧k baam̧le eo am̧, kwe im ajri ro nejum̧ maron̄ kōnono kōn ta eo jej kōm̧m̧ane n̄an kōm̧m̧an bwe men ko jet ren kajoor—āinwōt n̄iid, ānbwinnid, ak juon em̧. Innām kwomaron̄ keidi em̧ eo n̄an juon baam̧le ekajoor. Jipan̄ ajri ro nejum̧ pukot pedped in katak ko āinwōt Kraist me rej tōl ļo̧k n̄an m̧ōņōņō eļap ilo mour an baam̧le, loi ilo pārokūrāāp 7 ilo baam̧le eo juōn naan in kean̄ n̄an laļ in (bar lale peij in m̧akūtkūt eo).

N̄an ļōmņak ko reļļapļo̧k, lale ennaan eo an allōn̄ in ilo eo Jeramāākjiin.