Ntlha go tswa mo Nativity in Copper and Umber, ka J. Kirk Richards

Sedimonthole 22–28: Mpho e e Senang Selekanyo ya Morwa wa Selegodimo wa Modimo

Keresemose

Moperofeti Joseph Smith o boletse gore, “Motheo wa melawana ya tumelo ya rona ke bopaki jwa Baaposetole le Baperofeti, mabapi le Jeso Keresete, gore O sule, a fitlhwa, mme a tsoga gape letsatsi la boraro, mme a tlhatlogela kwa legodimong; mme dilo tsotlhe tse dingwe tse e leng tsa tumelo ya rona ke ditlaleletso fela mo go jone” (Teachings of Presidents of the Church: Joseph Smith [2011], 49). Go feta dingwaga tse 160 morago, polelo ena e ne ya tlhotlheletsa Boporesidente jwa Ntlha le Khoramo ya Baaposetole ba ba Lesome le Bobedi go anamisa “Keresete yo o Tshelang: Bopaki jwa Baaposetole” go tlotla letsatsi la segopotso sa bo 2,000 sa botsalo jwa Mmoloki (bona Russell M. Nelson, “Drawing the Power of Jesus Christ into Our Lives,” Liahona, May 2017, 40).

Jaaka Baitshephi ba Malatsi a Bofelo, re ipelela tshegofatso ya tshenolo e e tswelang pele ka baporofeti le baaposetole ba gompieno. Re lebogela mafoko a bone a a tlhotlheleditsweng a kgakololo, tlhagiso le kgothatso. Mme go feta tsotlhe, re segofaditswe ka bopaki jwa bone jo bo maatla jwa ga Jeso Keresete—ka nako ya Keresemose le ngwaga otlhe. A ga se fela mafoko a a tlhotlheletsang fela a bakwadi ba tlhwatlhwa kgotsa dibui tsa phatlalatsa kgotsa dintlha tse di tswang mo go bomaitseanape ba dikwalo tse di boitshepo. Ke mafoko a ba Modimo ba ba itshenketsweng, ba ba biditsweng, le ba ba laotsweng “basupi ba ba tlhaolegileng ba leina la ga Keresete mo lefatsheng lotlhe”, (Dithuto le Dikgolagano 107:23).

Megopolo ya go Ithuta kwa Gae le kwa Kerekeng

“Ga go motho ope yo mongwe yo o nnileng le tlhotlheletso e kgolo jalo.”

O tlaa reng go tshegetsa polelo ya gore “ga go motho yo nnileng le tlhotlheletso e kgolo mo go kalo [jaaka Jeso Keresete] mo go botlhe ba ba tshedileng le ba ba sa ntseng ba tlaa tshela mo lefatsheng”? Batla ditemana mo “Keresete yo o Tshelang” tse di pakang ka tlhotlheletso e kgolo ya Mmoloki. O go tlhotlheleditse jang?

Tsaya gore mongwe yo o sa itseng Bokeresete o go botsa gore ke eng o ipelela Keresemose. O tlaa araba jang? Sekaseka “Keresete yo o Tshelang” ka potso ena mo tlhaloganyong, mme o akanye ka go kwala dikakanyo dingwe le dingwe kgotsa maikutlo a a tlang mo go wena.

Bona le gone “Why We Need a Savior” (setshwantsho sa motshikenyego), Motlobo wa Efangele.

Why We Need a Savior

What would life be like without a Savior? There would be no joy, no forgiveness, no hope for the future. This Christmas, learn more about the hope, peace and happiness our Savior Jesus Christ can bring into our lives at christmas.mormon.org.

“O tsogile mo lebitleng.”

Mo “Keresete yo o Tshelang,” Baaposetole ba paka ka Tsogo ya Mmoloki, ba umaka diponalo tse tharo tsa Morena yo o tsogileng (bona temana 5). Akanya ka go bala dipolelo dingwe tsa diketelo tsena mo Johane 20; 3 Nefi 11; le Joseph Smith—Ditso 1:14–20. O ithuta eng ka Mmoloki mo mafokong le ditiro tsa Gagwe ka nako ya diponalo tse?

Tsepamisa maikutlo mo go Mmoloki. “Go bala ka thapelo ‘Keresete yo o Tshelang’ go tshwana le go bala mapaki a ga Mathaio, Mareko, Luke, Johane, le baperofeti ba Buka ya ga Momone. Go tlaa oketsa tumelo ya gago mo go Mmoloki le go go thusa go nna o tsepamisitse maikutlo mo go Ene” (M. Russell Ballard, “Return and Receive,” Liahona, May 2017, 65).

“Boperesiti jwa Gagwe le Kereke ya Gagwe di tsosolositswe.”

Ka nako ya ithutuntsho ya gago ya Dithuto le Dikgolagano ngwaga ena, o nnile le tshono ya go ithuta go le gontsi ka fa “boperesiti jwa Mmoloki le Kereke ya Gagwe di tsosolositsweng ka teng.” Ke boammaaruri bofe jo bo tsosolositsweng kgotsa melawana e e nnileng le bokao jwa botlhokwa mo go wena? Akanya ka go sekaseka dingwe tsa dikwalo tse di boitshepo tse di latelang tseo di go rutang ka Tsosoloso: Dithuto le Dikgolagano 1:17–23; 13; 20:1–12; 65; 110; 112:30–32; 124:39–42; 128:19–21. Tlhatlhanya ka fa boammaruri jwa efangele e e tsosolositsweng bo go thusang ka teng go itse le go rata Jeso Keresete.

“O tlaa boela mo lefatsheng ka letsatsi lengwe.”

Keresemose ke nako ya go leba kwa morago mo letsatsing leo Jeso Keresete a tshotsweng ka lona le go lebelela pele letsatsi leo a tlaa tlang gape ka lone. O ithuta eng ka go boa ga Gagwe go tswa mo temaneng ya bobedi go ya kwa go ya bofelo ya “Keresete yo o Tshelang”? O ka akanya gape ka go bala, go opela, kgotsa go reetsa difela tsa Keresemose tse di rutang ka go Tla ga Bobedi, jaaka “Joy to the World” kgotsa “It Came upon the Midnight Clear” (Hymns, nos. 201, 207).

“Ke Ene lesedi, le botshelo, le tsholofelo ya lefatshe.”

Mo temaneng ya bofelo ya “Keresete yo o Tshelang,” elatlhoko mekgwa le maina a a neetsweng Mmoloki. Akanya ka go tsaya nako nako o ithuta ka dingwe tsa tsone. Sekai:

Lesedi: Jeso Keresete o tshwana jang le lesedi mo go wena? O ka akanya go tshwantsha setshwantsho kgotsa go tsaya senepe seo, mo go wena, se kayang lesedi le A le go neelang. O ikutlwa o tlhotlheletsega go dira eng go abelana lesedi la Gagwe? (Bona le gone Johane 8:12; 3 Nefi 18:24; Dithuto le Dikgolagano 50:24.)

Botshelo: Ke eng o akanya gore botshelo ke lefoko le le molemo go tlhalosa Jeso Keresete? Ke ka mokgwa ofe o A go neelang botshelo? Botshelo jwa gago bo ka farologana jang kwantle ga Gagwe le efangele ya Gagwe? (Bona le gone Johane 10:10; 1 Bakorintha 15:19–23; Dithuto le Dikgolagano 66:2.)

Tsholofelo: O solofela eng ka ntlha ya ga Jeso Keresete le efangele ya gagwe? A o itse mongwe yo o ikutlwang a sena tsholofelo ka isago? Tlhatlhanya ka fa o ka abelanang le motho yoo tsholofetso e o e utlwang mo go Jeso Keresete. (Bona le gone Baroma 8:24–25; Ethere 12:4; Moroni 7:41.)

Bona gape Topics and Questions, “Jesus ChristMotlobo wa Efangele.

“Modimo a bakelwe mpho ya Gagwe e e Senang Selekanyo.”

Mo “Keresete yo o Tshelang,” Baaposetole ba kaya Mmoloki e le “mpho” e e tswang kwa go Rara wa Legodimo. O beile mo go se o se boneng mo “Keresete yo o Tshelang,” o ka feleletsa seele sena jang: “Ka Jeso Keresete, Modimo o nneela dimpho tsa …” Akanya ka se o ka se dirang go amogela dimpho tsena ka botlalo thata.

Go ithutuntsha “Keresete yo o Tshelang” go amile jang tumelo le lerato la gago go Mmoloki?

Bona le gone Russell M. Nelson, “Four Gifts That Jesus Christ Offers to You” (First Presidency Christmas devotional, Dec., 2, 2018), Motlobo wa Efangele; “Excerpts from ‘The Living Christ: The Testimony of the Apostles’” (setshwantsho sa motshikinyego), ChurchofJesusChrist.org.

Excerpts from "The Living Christ: The Testimony of the Apostles"

As special witnesses of Jesus Christ, the First Presidency and the Quorum of the Twelve shared their testimony of Christ by recording excerpts from the original document, "The Living Christ: The Testimony of the Apostles."

Ka ga megopolo thata, bona dikgatiso tsa kgwedi e tsa Liahona le Ya Nonofo ya Banana dimakasine.

Megopolo ya Go Ruta Bana

Ke ka “naya bopaki [jwa me]” go ipelela botsalo jwa ga Jeso Keresete.

• Akanya ka fa o ka itsiseng bana ba gago “Keresete yo o Tshelang.” Gongwe o ka ba thusa go supa leina Keresete mo setlhogong le pea-menwana ya Boporesidente ba Ntlha le ba ba Lesome le Bobedi. O ka tlhalosa gore se ke bopaki jwa ga Jeso Keresete joo ba neng ba batla go bo abelana le lefatshe.

• O ka neela ngwana mongwe le mongwe seele go tswa mo “Keresete yo o Tshelang” mme wa ba kopa go batla kgotsa go tshwantsha setshwantsho sa seele seo. Ke gone o ka ba thusa go batla seele “Keresete yo o Tshelang.” Lo ka nna lwa kokoanyetsa ditshwantsho tseo le diele mo bukeng.

• Abelelanang ka fa lo amogetseng bopaki jwa lona jwa ga Jeso Keresete. Gongwe o ka fetisa setshwantsho sa Mmoloki le go fapanela go abelelana sengwe seo o se itseng ka Ene (go akaretsa boammaaruri jo bo rutiwang mo “Keresete yo yo Tshedileng”).

“O ne a tsamaya a dira molemo.”

• Jaaka wena le bana ba gago le bala temana ya bobedi ya “Keresete yo o Tshelang,” bua le bone ka dingwe tsa dilo tse Jeso a di dirileng. Le gone o ka leba ditshwantsho go tswa mo botshelong jwa Gagwe (bona ya beke ena tsebe ya tiragatso le Gospel Art Book). Laletsa bana go abelana ka se Mmoloki a se dirang mo setshwatshong. O ka direla ba bangwe jang jaaka A dirile? Ditshwantsho tsa motshikinyego tsa “Light the World” mo Motlobo wa Efangele di ka go naya megopolo.

“Ke ene lesedi, le botshelo, le tsholofelo ya lefatshe.”

• Thusa bana ba gago go bona difela tsa Keresemose tseo di bolelang ka lesedi, botshelo, le tsholofelo eo botsalo jwa Mmoloki bo e tlisitseng mo lefatsheng, jaaka “O Little Town of Bethlehem” (Hymns, no. 208). Opelang difela tse mmogo, mme a bana ba abelane ka fa Jeso a tlisitseng lesedi, botshelo, le tsholofelo mo matshelong a bone.

“Modimo a lebogelwe mpho e e Senang Selekanyo ya Morwa wa selegodimo wa Gagwe.”

• Ke mpho efe e re e amogetseng ka ntlha ya ga Jeso Keresete? Gongwe wena le bana ba gago lo ka leba dimpho tsena mo “Keresete yo o Tshelang” kgotsa mo pineng e e tshwanang le “He Sent His Son” (Children’s Songbook, 34–35). Ke gone ba ka phuthela sengwe go kaya dimpho tseo. O ka ntsha mogopolo gore bana ba gago ba bule dimpho ka Letsatsi la Keresemose go ba thusa go gopola Mmoloki le dimpho tsa Gagwe mo go rona.

Ka ga megopolo thata, bona kgatiso ya kgwedi e ya Friend makasine.