Apendiks D

Para kadagiti Korum ti Aaronic Priesthood ken Klase ti Young Women—Adyenda ti Miting

Petsa ti miting:

Mangiturturong (miembro ti panguluen ti klase wenno korum):

Panangrugi

Himno (opsional):

Kararag:

Uliten ti Tema ti Young Women wenno ti Tema ti Korum ti Aaronic Priesthood.

Agiinnuman

Idauluan ti tao a mangiturturong iti miting, mangbubos ti klase wenno korum iti 5 agingga iti 10 a minuto nga agiinnuman maipapan kadagiti pagrebbenganda iti aramid ti pannakaisalakan ken pannakaitan-ok. Daytoy ti gundaway para iti panguluen ti klase wenno korum a mangsurnad kadagiti banag a napagsasaritaan iti miting ti panguluen wenno miting ti konseho dagiti agtutubo iti ward.

Mabalin pay nga usaren ti tao a mangiturturong iti maysa wenno ad-adu pay kadagitoy a saludsod:

Panagbiag iti ebanghelio

• Ania dagiti kallabes a padas a nangpatibker kadagiti pammaneknektayo ken ni Cristo ken iti ebangheliona?

• Ania ti ar-aramidentayo tapno agtalinaedtayo nga as-asideg iti Mangisalakan? Kasano a padpadasentayo ti agbalin nga ad-adda a kas Kenkuana?

• Kasano a nariknatayo ti pannarabay ti Espiritu iti biagtayo?

Panangaywan kadagiti agkasapulan

• Asino ti nakariknaantayo a maiwanwan a tumulong wenno agserbi? Ania dagiti naituding nga aramiden a naawattayo manipud iti bishopric a tumulong iti maysa nga agkasapulan?

• Ania dagiti karit a sangsanguen dagiti miembro ti klase wenno korumtayo? Kasano a makapagtitinnulongtayo kadagiti banag a mapaspasarantayo?

• Adda kadi maysa a tao a kaak-akar iti wardtayo wenno nabiit pay a nagkameng iti Simbaan? Kasano a makatulongtayo kadakuada a makarikna iti nabara a pannakapasangbay?

Panangawis iti amin nga umawat iti ebanghelio

• Ania ti maaramidtayo a makatulong iti dadduma a mangrikna iti ayat ti Dios?

• Ania dagiti aktibidad a sumangbay a mabalin a pangawisan kadagiti gagayyemtayo a dumar-ay?

• Ania dagiti plano a mangibinglay iti ebanghelio a napaglilinnawagan kadagiti miting ti konseho dagiti agtutubo iti ward? Kasano a makipagpaset ti klase wenno korumtayo?

Panamagkaykaysa kadagiti pamilia iti kinaagnanayon

• Ania dagiti sumagmamano a wagas a nasaysayaat a maikonektatayo kadagiti miembro ti pamilia, agraman dagiti lelang ken lelong ken kakasinsin?

• Ania ti ar-aramidentayo a mangsapul iti nagnagan dagiti kapuonantayo nga agkasapulan kadagiti ordinansa ti templo? Ania ti maaramidantayo a makatulong kadagiti dadduma a mangsapul iti nagnagan dagiti kapuonanda?

• Kasano nga ad-addatayo a makipaset iti aramid iti templo—kas indibidual ken kas maysa a klase wenno korum?

Aggigiddan nga agsursuro.

Maysa nga adult leader wenno miembro ti korum wenno klase ti mangidaulo iti instruksion maipapan iti panagbasa iti Umaykayo, Sumurot Kaniak iti daytoy a lawas. Usarenda dagiti kapanunotan iti panagadal iti Umaykayo, Sumurot Kaniak—Para iti Pagtaengan ken Simbaan. Ti kapanunotan iti panagadal nga addaan iti daytoy nga icon ket maitunos iti seminary ken nangnangruna a mainaig daytoy kadagiti agtutubo. Nupay kasta, mabalin nga usaren ti ania man kadagiti kapanunotan iti panagadal. Daytoy a paset ti miting ket gagangay a mangbubos iti agarup 35 agingga iti 40 a minuto.

Panangigibus

Ti tao a mangiturturong iti miting:

• Paneknekanna dagiti pagbatayan a maisuro.

• Ilawlawagna no kasano nga agtignayto ti klase wenno korum segun iti nasursuroda—kas maysa a grupo wenno indibidual.

Kararag: