Kristo ao Ana Abotoro, iroun Del Parson

Maati 30–Eberi 12

Te Itita

“E na mangauti … ma te Kamaiu iaon Baina ni kiba”

Inanon boong ake imwain Tabatin te Itita, iangoa katuruan am kamatebwai n koroboki aika tabu n ae onoti ao n am utu iaon korakoran Ana Boki Moomon iaon te maiu, te mate, te mangauti, ao mwaakan ana Kamaiu Iesu Kristo.

Korea Am Namakin

Abotoro ngkoa a ninikoria n aia koaua iroun Iesu Kristo ao ni Mangautina. Mirion aika iai aia kakoaua iroun Iesu Kristo ao a kabanea korakoraia n Iriiria ibukin aia taeka ake a koreaki n te Bwaibwara. Tao e na iai tabeman aika a na titiraki, ngkana Iesu Kristo bon te Tia Kamaiu n te aonaaba ae bwanin, ao bukin tera ngkai ti tabeman ana Taan Kakoaua ao kain te tabo ae uarereke?

Ana Boki Moomon e tei ni kakoaua ae raka man ae anainano bwa Iesu Kristo bon te ia Kamaiua te aonaaba, “e boni kaotia ngaia nakoia aaba ni kabane” (atuun te iteraniba ibukin Ana Boki Moomon) ao n anga te kamaiuaki nakoia ake a Nakoina. N ikotaki ma aei, te kauoua ni kakoaua aei e kamatata naba bwa tera nanon te kamaiuaki. Aio bukin ae Nibwaai, Iakobwa, Moomon, ao ni kabane burabeti a beku ni “botumwaaka ni korei taeka iaon taian bwaatua”—-bwa a na kaotia nakoia rooro aika a na roko bwa ngaia naba a “ataa taekan Kristo, ao a … kariaria rokon mimitongina” (Iakobwa 4:3-4). Inanon tain wiikin te Itita aei, iangoi taian koaua inanon Ana Boki Moomon ake a kabwarabwaraa mwaakan ana Mwakuri ni Kamaiu Kristo e bon tabangaki ao e onoti—-e kamaiua te aonaaba ae bwanin ao e kamaiuko.

Iango ibukin Kamatebwaian Koroboki aika Tabu n ae onoti

2 Nibwaai 9:6-15, 22: Aramwa ,11:41-45,: 40:21-23; 3 Nibwaai 26 4-5

Ibukin Mangautin Iesu Kristo, ni kabane aomata a na mangauti.

Bon te katei n te Itita aron iangoan raoi Mangautin Iesu Kristo, ma tera raoi ae e nanonaki n ae ti na mangauti? Tera te atatai ae e anganiira Ana Boki Moomon ibukin te mangauti? Tao n raona am bukamaru n te Itita ko kona ni karinani koaua ibukin te mangauti ake ko kunei n 2 Nibwaai 9:6–15, 22; Aramwa 11:41–45; 40:21–23; ao 3 Nibwaai 26:4–5. Ko kona naba ni koreia bwa e aera ngkai e kakawaki ataakin koaua nako aikai.

Ko kona n nooria bwa koaua ibukin te Mangauti aki toki n reireiaki ni irekereke ma te koaua ibukin te Kabanea ni Motikitaeka. Iangoia raoi bwa tera ae reireiniko iai anne ibukin kakawakin te Mangauti n te babaire ni kamaiu.

Taraa naba Ruka 24:36–43; Makuri 24:15; 1 Korinto 15:12-23.

Motiaea 3:7; 15:5–9; Aramwa 7:11–13

Iesu Kristo E katoka ara bureu iaona, kainnanou ni maraki ao mamaarau.

Te Bwaibwara e kamataata bwa Iesu Kristo e mate ibukin ara bure. Ma, Ana Boki Moomon, e karabaaba ara atatai n ana anganano ao marakin Kristo ni kawai aika a kakawaki. Ko kona ni kunei tabeua reirei aikai ni Motiaea 3:7; 15:5–9; ao Aramwa 7:11–13. Imwin warekan kiibu aikai, iangoa tauan mwiin baike ko kunei n te tiaata ae aekakin aei:

Tera ae e maraki iai te Tia Kamaiu?	Tera bukin marakina?	Tera nanon aei irou?
Tera ae e maraki iai te Tia Kamaiu?	Tera bukin marakina?	Tera nanon aei irou?

Taraa naba Itaia 53; Ebera 4:14–16.

Keketemwane, iroun Michael T. Malm

Motiaea 5:1–2; 27:8–28; Aramwa 15:3–12; 24:7–19

Ana Mwakuri ni Kamaiu Iesu Kristo e kaitiakai ao e buoka aron kakororaoau.

Tao e na taekinaki bwa Ana Boki Moomon bon katabangakan rongorongoia aomata ake a bitaki ibukin Ana Mwakuri ni Kamaiu Iesu Kristo. Ni koauana, tabeman mai buakoia aomata akanne a tia ni karaoi bure aika kakaiaki ao bon ana kairiribai ana aomata te Atua imwain ae Mwaakan te Tia Kamaiu e mwakuri inanoia nakon te bitaki ae moan te korakora nakon aia onimaki Irouna. Ko kona ni wareki tabeua taneiai aikai ni Motiaea 5:1–2; 27:8-28; ao Aramwa 15:3–12; 24:7–19; ko kona ni iangoi katooto ake tabeua ni kamatebwaii naba. Tera ae ko nooria bwa iai ni kauoua taneiai akanne? Tera taian kaokoro aika ko noori? Tera ae a reireiniko rongorongo aikai bwa e na kanga ni bitiko ana Mwakuri ni Kamaiu te Tia Kamaiu?

Taraa naba Aramwa 5:6–14; 13:11–12; 18; 19:1–16; 22:1–26; 36:16–21; Ita 12:27; Moronaai 10:32–33.

Iango ibukin Kamatebwaian Koroboki aika Tabu n te Utu ao Bootakin te Utu n te Tairiki

N am tai ni bukamarua te Itita ma am utu, kakaei kawai n ikotaki n reirei aron rongorongon te Tia Kamaiu ao Ana Mwakuri ni Kamaiu, n ikotaki ma te Mangauti. Aikai tabeua iango.

3 Nibwaai 11; 17

Tabeman utu a kunea bwa kamatebwaian rongorongon ana kakawari te Tia Kamaiu imwin mangautina n te aono n Amerika are e rang tamaroa n tain te Itita. Kaungaia kain te utu bwa a na katamweia bwa kanga te aekakira aron namakinan Ikoakina (taraa 3 Nibwaai 11:14–15) ke te riki bwa temanna te ataei are E kakabwaiaaki (taraa 3 Nibwaai 17:21). E kanga te rongorongo aei ni karikirakea ara karabwarabwa ibukin Mangautin te Tia Kamaiu? Te Korobanna ae kaota te rongorongo aei e na raona te kabwarabwara aei; a kona n nooraki ake tabeua ChurchofJesusChrist.org. Kain am utu a na kona ni kukurei naba ni korean oin aia korobanna ni baike a wareki.

Rongorongo man te maungatabu ni Kabuta

Ni mwakoron te aonaba aika e mwaiti, te maungatabu ni kabuta n te ririki aei e karaoaki n te wiikente imwain te Itita. Tao ongoraeakinan rongorongo man te maungatabu a na kona ni buoka am utu ni katurua aia taratara iroun te Tia Kamaiu n te Itita aei. Te katooto, ko kona ni kaoiia kain te utu bwa a na ongora nakon rongorongo man te maungatabu ake a kakoaua ibukin Iesu Kristo ao Mangautina—riki mai irouia Abotoro, ake bon ana tia Kaotioti Iesu Kristo aika onoti. Ngkanne, ko kona ni manga ikotaki n rinanoi riki rongorongo aikai ao n katebenakoi reirei ake a na kamatoatoa am koaua iai iroun te Tia Kamaiu.

“Te Kristo Ae Maiu: Aia Koaua Abotoro”

N te utu, wareka “Te Kristo Ae Maiu: Aia Koaua Abotoro” (Ensign ke Riaona, Meei 2017, nanoan te Moaniba; taara naba ChurchofJesusChrist.org) ao kaoiia kain te utu bwa a na rinea te rongorongo ibukin te Itita man te koaua aei n tibwauaia nakoia tabemwaang. Te katooto, ko kona ni karaoi taian boutita ni katokai iaon bwain reitaki n te intanete, iaon am mataroa n rinnako, ke am winto.

Tamnei: Taan Kakoaua Aika Onoti Ibukin Kristo

ChurchofJesusChrist.org ao te Gospel Library app iai te tamnei ae aranaki bwa Taan Kakoaua Ibukin Kristo. Inanona naba tamneia ni kabane kain te Moan Beretitentii ao te Kooram n Abotoro n te Tengaun ma Uoman ni kaota aia koaua iroun Iesu Kristo. A kona ni mataku am utu n teuana ke e raka riki mai buakon tamnei aikai ao ni maroroakin baike a reireiniira bwa tera ae e a tia ni karaoia te Tia Kamaiu ibukira.

Ibukin iango aika a mwaiti riki ibukiia ataei, taraa te kamataata n te wiiki aei n Nakomai, Iriirai—Ibukin te Moanrinan.

Katamaroan Ara Anga Reirei

Maiuakinan ana euangkerio Iesu Kristo. Te kabanea ni kakawaki ni bwai ae ko kona ni karaoia ngkai te karo ngkoe bon maiuakinan te euangkerio ma nanom. Aio te kabanea n tamaroa ni kawai n tau ibukin te raonaki iroun te Tamnei ae Raoiroi. Ko aki tangiria bwa ko na kororaoi, ma ko na ti keiaki korakora ni karaoa am kabanea ni kona ao ni bubuti te kabwarabure rinanon ana Mwakuri ni Kamaiu te Tia Kamaiu. (Taraa Reirei n ana Kawai te Tia Kamaiu, 13–14.)

Kamatataan tamnein Kristo ma Nibwaite iroun Ben Sowards