“Juļae 6–12. Alma 30–31: ‘Ewānōk an Naan in Anij,’” Itok, Ļoor Eō—N̄an Kajjojo Armej im Baam̧le ko: Bok in Mormon 2020 (2020)
“Juļae 6–12. Alma 30–31,” Itok, Ļoor Eō—N̄an Kajjojo Armej im Baam̧le ko: 2020
Men Otemjej Rej Kam̧ool Ewōr juon Anij (Alma im Korior), jān Walter Rane
Juļae 6–12
Alma 30–31
“Ewānōk an Naan in Anij”
Alma eaar kam̧ool kōn “kajoor in an jelōt” an naan an Anij (Alma 31:5). Ilo am̧ riiti Alma 30–31, je en̄jake ko am̧ ilo am̧ en̄jake kajoor in an jelōt an naan an Anij n̄an kwe.
Je En̄jake ko Rej Im̧we Eok
Bwebwenato ko ilo Alma 30–31 ealikkar aer kwaļo̧k kajoor an naan ko—n̄an naan im n̄an em̧m̧an. Naan in “m̧oņ” im “naan ko reļļaaj” an juon rūkaki riab kar etan Korior kar kamijak n̄an bōktok “elōn̄ armej n̄an ko̧kkure” (Alma 30:31, 47). Ejjeļo̧k oktak, katak ko an juon armej nana in Rinipai kar etan Zoram kar tōl juon kumi in armej n̄an wōtlo̧k “ ilo bōd ko reļļap,” im “ raar kaankeke iaļ ko an Irooj” (Alma 31:9, 11).
Ilo jekjek eo juon, Alma eaar wōr juon an tōmak ejjab pere bwe naan in Anij enaaj wōr juon an “kajoor in an jelōt ļōmņak ko an armej ro jān jāje eo, ak jabdewōt men” (Alma 31:5)—ekoba naan ko an Korior im Zoram. Naan ko an Alma raar kwaļo̧k m̧ool eo indeeo im pedped ioon kajoor ko an lan̄ n̄an kaikōn̄ Korior (lale Alma 30:39–50), im raar kilaaktok kōjeraam̧m̧an ko an lan̄ ioon ro me raar etal ippānļo̧k n̄an kōro̧o̧ltok armej in Zoram ro n̄an m̧ool eo (lale Alma 31:31–38). Men kein rej waanjon̄ak ko raorōk n̄an rikaļoor ro an Kraist rainin, n̄e “naan ko reļļaaj” im “bōd ko reļļap” bar juon alen ewōr juon an kajoor in jelōt ilo ļōmņak ko an armej ro (Alma 30:31; 31:9). Bōtaab jemaron̄ lo m̧ool eo kōn lōke, āinwōt kar Alma, “ewānōk an naan in Anij” (Alma 31:5).
Ļōmņak ko n̄an Ekkatak Jeje ko Rekwojarjar Ippam̧ Make
Ta in waanjon̄ak in bwebwenato (allegory)?
Ilo Alma 30:6, Korior kar ņaetan “Rijum̧ae-Kraist.” Rijum̧ae-Kraist ej “juon eo me ej watōk ej āinwōt Kraist bōtaab ilo m̧ool ej jum̧ae Kraist (1 Jon 2:18–22; 4:3–6; 2 Jon 1:7). Ilo juon ļamļam edepakpakļo̧k ej jabdewōt eo ak jabdewōt men me ej kapeik ilo jab m̧ool m̧ool eo an gospel eo ak karōk in lo̧mo̧o̧r eo im ej kōm̧m̧an ilo ejjeļo̧k ittiņo ak ilo ittiņo ilo jum̧ae Kraist” (Bible Dictionary, “Antichrist”).
Ta “kape ko rejjab m̧ool [an] gospel eo em̧ool” kwoj kūli ilo laļ in rainin? N̄an waanjon̄ak, Sister Julie B. Beck, kar Būreejtōn eo an Doulul eo an Kōrā ro, eaar katakin, “Jabdewōt katak ak pedped in katak [jej] ron̄ jān laļ in bwe jum̧ae baam̧le ej barāinwōt rijum̧ae-Kraist” (“Teaching the Doctrine of the Family,” Ensign, Mar. 2011, 15).
Korior ej Jelm̧ae Alma, jān Robert T. Barrett
Bok in Mormon emaron̄ jipan̄ eō jum̧ae kareel eo an ro me rej kajieon̄ m̧on eō.
Ilo am̧ riiti Alma 30:6–31, katak ko an Korior remaron̄ jeļā kaki. Kōnke ej, āinwōt an kar Būreejtōn Ezra Taft Benson katakin, Bok in Mormon ej kwaļo̧k im maron̄ kōkajoorļo̧k kōj ņae “ļamļam ko renana, kōl ko, im katak ko an devil eo ilo tōre in ad. Kain bun̄ jān tōmak ko ilo Bok in Mormon rej āinwtōt kain eo ewōr ilo rainin. Anij, kōn jeļāļo̧kjeņ eo an m̧okta jān mour in eo ejjeļo̧k jem̧ļo̧k in, kar tōl kōm̧anm̧an eo an Bok in Mormon bwe jen maron̄ lo bōd eo im jeļā ekōjkan jum̧ae jeļāļo̧kjen bōd, kien, kabun̄, im katak ko ļōmņaki” (Teachings of Presidents of the Church: Ezra Taft Benson, [2014], 132).
Ļōmņak in kōm̧m̧ane juon laajrak in katak k rebōd Korior eaar katakin Alma 30:6–31. Ta jet iaan kaje ko kōn tōmak katak kein? N̄an waanjon̄ak, ta tōprak eo kōn tōmak bwe “n̄e juon armej [ej] mej, en̄in [ej] jem̧ļok eo”? (Alma 30:18). Ta katak ko rebōd kar katakin jān Korior rej āinwōt katak ko rebōd kwaar kūli ilo laļ in rainin?
Riit kōn ioon doon eo ikōtaan Korior im Alma emaron̄ jipan̄ eok m̧aanjabpopo n̄an jekjek ko n̄e ro jet remaron̄ kajjieon̄ in m̧oņe eok. Emaron̄ jipan̄ n̄an ekkatak Alma 30:29–60 n̄an meļeļe ekōjkan an Korior kar m̧oņ (lale eļap tata eoon 52–53). Ta eo komaron̄ ekkatak jān uwaak eo an Alma n̄an katak ko an Korior? (lale Alma 30:31–35).
Naan an Anij ewōr an kajoor n̄an tōl armej ro n̄an weppāān.
Jorrāān eo an RiZoram ro jepeļļo̧k jān RiNipai ro emaron̄ in kar waļo̧k n̄an jet āinwōt eaar aikuji juon jekjek in kien ak jarin tariņae (lale Alma 31:1–4). Bōtaab Alma eaar ekkatak n̄an lōke “Ewānōk an naan in Anij” (Alma 31:5). Ta eo kwoj ekkatak jān Alma 31:5 kōn kajoor in naan an Anij? Ekōjkan am̧ kar lo an naan an Anij tōl “tōl armej ro n̄an kōm̧m̧ane men eo [ej] jim̧we”? (Alma 31:5). Kejōkļo̧kjeņ kōn ekōjkan am̧ maron̄ “kajjieon̄” (kōjerbale ak idajon̄jon̄e) naan an Anij n̄an jipan̄ juon eo kwoj iakwe.
N̄an meļeļe eļapļo̧k kōn wāween an Alma lo̧mo̧o̧ren ro jet, komaron̄ keidi m̧wil ko, en̄jake ko, im m̧akūtkūt ko an ippān ro RiZoram ro, āinwōt kar kōmeļeļeik ilo Alma 31. Juon tebōļ āinwōt in emaron̄ jipan̄. Ta oktak ko kwoj kūli? Ekōjkan am̧ en̄jake komaron̄ in erom āinwōt Alma?
|
Arrmej in Zoram ro |
Alma |
|---|---|
Arrmej in Zoram ro Kar tōmak ro raar jab m̧ōttan kumi eo aer kar liaakeļo̧k n̄an hell (Alma 31:17). | Alma Kar tōmak RiZoram ro raar ro “jeiūm̧ im jatim” im jetōb ko aer “raorōk” (Alma 31:35). |
Arrmej in Zoram ro Likūt būruwier ioon m̧weie ko (Alma 31:24, 28). | Alma Kar ikdeelel n̄an bōktok jetōb ko n̄an Jisōs Kraist (Alma 31:34). |
Arrmej in Zoram ro | Alma |
Ļōmņak ko n̄an Ekkatak Jeje ko Rekwojarjar an Baam̧le im Nokon in Jota eo an Baam̧le
Ilo am̧ riiti jeje ko rekwojarjar ippān baam̧le eo am̧, Jetōb emaron̄ jipan̄ eok jeļā ta pedped in katak ko n̄an kwaļo̧ki im kōnono kake n̄an tōpar aikuj ko an baam̧le eo am̧. Erkein rej jet iaan ļōmņak ko.
Alma 30:44
Ļōmņak in riiti im ekōnono kōn Alma 30:44 ippān doon ilo ami etetal nam̧ōj ak lale pija eo kōn menin kōm̧anm̧an ko an Anij. Ro uwaan baam̧le eo remaron̄ kwaļo̧k ta eo rej loe me ej kam̧ool kōn Anij. Ekōjkan an men kein—ak en̄jake ko jet ewōr ippād—jipan̄ kōj jeļā Anij ej lukkuun?
Alma 30:56–60
Ta eo jej ekkatak jān Alma 30:56–60 kōn ekōjkan an devil kōm̧m̧an n̄an ro rikaļoran? Ta eo jemaron̄ kōm̧m̧an n̄an kōjparok m̧weo im̧ōd ņae kareel ko an?
Alma 31:20–38
Ālkin riiti Alma 31:20–38 ippān baam̧le eo am̧, kom̧ maron̄ ekōnono kōn kajjitōk kein: Ekōjkan an jar eo an Alma oktak jān jar eo an armej in Zoram ro? Ekōjkan ad maron̄ ļoor waanjon̄ak eo an Alma ilo jar ko ad make im an baam̧le?
Ajri ro reddikļo̧k remaron̄ likūt juon dekā ium̧win pet ko aer n̄an jipan̄ er keememej n̄an jar aolep jibbon̄ im bon̄. Remaron̄ barāinwōt m̧ōņōņō in kainōknōk dekā eo aer.
Alma 31:23
Ta eo jej kōm̧m̧ane kajjojo raan ilo m̧ōko im̧ōd n̄an ekkatak kōn im ekōnono kōn Anij?
N̄ān elōn̄ļo̧k ļōmņak ko n̄an katakin ajri ro, lale unin tōl eo an wiik in ilo Itok, Ļoor Eō, N̄ān Būraimere.
Kōkm̧anm̧anļo̧k Am̧ Ekkatak Ippam̧ Make
Kōpooj Ipeļakūm “Peļaak ko ad maron̄ kanooj jelet maron̄ eo ad n̄an ekkatak im en̄jake m̧ool eo” (Teaching in the Savior’s Way, 15). Kajjieon̄ n̄an pukōt juon jikin ekkatak jeje ko rekwojarjar me enaaj akjokwetok kareel eo an Jetōb Kwojarjar eo. Al ko rōkōbōkakkak im pija ko remaron̄ barāinwōt akjokwetok Jetōb eo.
Rameumptom Eo, jān Del Parson