An Alma katakin Korior

Men Otemjej Rej Kam̧ool Ewōr juon Anij (Alma im Korior), jān Walter Rane

Juļae 6–12

Alma 30–31

“Wānōk An Naan in Anij”

Ekkatak Alma 30–31 ippān ajri ro kwoj katakin er. Ilo am̧ kōļmenļo̧kjeņ kōn kajoor im aikuj ko aer, Jetōb Kwojarjar enaaj jipan̄ eok jeļā kilen katakin er.

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Kajjitōk ippān ajri ro n̄an kwaļo̧k uwaak ko n̄an kajjitōk ko āinwōt kein ilaļ: N̄āāt eo jej aikuj jar? Ta eo jej ba ilo ad jar? Ewōr emaron̄ ke kwaļo̧k ewi wāween an riZoram ro kar jar ak an Alma kar jar?

pija ej bōk jikin katakin

Katakin Katak ko: Ajri ro Reddikļo̧k

Alma 30:44

Men otemjej rej kam̧ool kōn Anij.

Alma eaar kalikkar men ko ilo lan̄ im ioon laļ n̄an kam̧ool bwe Anij emour im ej tōl laļ in. Ta men ko kwomaron̄ jipan̄ ajri ro loe peļakier me rej kam̧ool kōn Anij?

M̧akūtkūt ko Maron̄ Kōm̧m̧ani

• Riiti Alma 30:44 n̄an ajri ro, im kajjitōk ippāer n̄an ron̄jake men ko Alma eaar ba n̄an jipan̄ kōj jeļā bwe Anij ej mour. Kwaļo̧k pija in jet iaan men kein, im kajjitōk ippān ajri ro n̄an kalikkar pija ko n̄e kwoj riiti ilo eoon in. Kajjitōk ippān ajri ro n̄an jin̄aik pijaik men ko me ejipan̄ er tōmak ilo Anij.

• Eļan̄n̄e ekkar, bōk jidik iien etetal nam̧ōjļo̧k ippān ajri ro ak kajjitōk ippāer n̄an jutak ilo juon wintō ilo am̧ riiti Alma 30:44. Kajjitōk ippāer n̄an kalikkar men ko rej loi me ejipan̄ er jeļā bwe Anij ej mour. peij in m̧akūtkūt eo an rainin emaron̄ bar jipan̄.

• Kajjitōk ippān ajri ro n̄an jijet ilo juon doulul im al ippān doon juon al kōn kōm̧anm̧an eo an Anij, āinwōt “My Heavenly Father Loves Me” (Children’s Songbook, 228–29). Ilo an ajri ro al, kajjitōk ippāer n̄an leto-letak juon men āinwōt juon booļ. N̄e ebōjrak al eo, kajjitōk ippān juon ajri bween jibwe booļ eo im kwaļo̧k juon men Jemedwōj Ilan̄ eaar kōm̧anm̧ane me ej m̧ōņōņō kake.

Alma 31:5

Naan in Anij ekajoor.

N̄e ajri ro rej ļōmņak kōn kajoor, remaron̄ ļōmņake men ko āinwōt ro redipen, lerooj ro, ak irooj ro. Kwomaron̄ jipan̄ er meļeļe bwe naan in Anij ekajoorļo̧k jen “jabdewōt men” (Alma 31:5).

M̧akūtkūt ko Maron̄ Kōm̧m̧ani

• Jin̄aik juon jāje ioon boot eo. Riiti Alma 31:5 n̄an ajri ro, innām kajjitōk ippāer n̄an ron̄jake ta eo Alma eaar ba ekajoorļo̧k jen juon jejā. Kwaļo̧k juon en̄jake kōn kajoor in naan an Anij eaar im̧we eok.

• Al ippān doon juon al kōn jeje ko rekwojarjar, āinwōt “Scripture Power” (music.ChurchofJesusChrist.org), innām kajjitōk ippān ajri ro n̄an ron̄jake ewi wāween an jeje ko rekwojarjar jipan̄ kōj. Āliji naan eo “Naan in Anij ekajoor jen …” elōn̄ alen, im kajjitōk ippān ajri ro n̄an jipan̄ eok kadedeļo̧k naan eo.

Alma 31:8–35.

Jemedwōj Ilan̄ ej ron̄jake jar ko aō.

Alma eaar en̄jake būrom̧ōj ke eaar lo wāween an Rizoram ro kar jar (lale Alma 31:24)—raar jab tōmak ilo Jisōs Kraist im raar iien otemjej ba ejja jar ko wōt ilo juon jikin ijo aolep armej remaron̄ lo er (Alma 31:13–14). Ak jar eo an Alma eaar ettā im kar kwaļo̧k tōmak ilo Kraist.

M̧akūtkūt ko Maron̄ Kōm̧m̧ani

• Kōmeļeļeik jidik bwebwenatoon Alma im Rizoram ro n̄an ajri ro kōjerbal eoon kein jān Alma 31:8–35. Komaron̄ kōjerbal “Jebta28: Rizoram ro im Rameumptom ro” (Bwebwenato Ko Jān Bok in Mormon, 78–80, ak pija in aloojeo an ilo ChurchofJesusChrist.org). Kalikkar oktak ko kōtaan an Rizoram ro jar im jar eo an Alma. Kajjitōk ippān ajri ro n̄an anto̧o̧ne n̄e raar ioon ajri in Rizoram. Ta eo ren kar ba n̄an katakin er kilen jar?

• Jipan̄ ajri ro jeļā men ko Rizoram ro raar ba ilo jar ko aer (lale Alma 31:15–18), ilo aer jipan̄ eok kajutak juon Rameumptom tawōr kōn būļaak ak dekā. Kōmeļeļeik bwe ejjab āindein ad jar. Kajjitōk ippān ajri ro ewi wāween ad jar, im kōm̧m̧an bwe ren kōm̧akūtļo̧k juon būļaak ak dekā kōn men eo rej ba.

pija ej bōk jikin katakin

Katakin Katak ko: Ajri ro Rerūttoļo̧k

Alma 30

Bok in Mormon ej kakkōļ eō ņae katak ko rebōd.

Katak ko rebōd an Korior rej waļo̧k ilo Bok in Mormon n̄an jipan̄ kōj kile im kowaan ejja katak kein ilo tōre in ad.

M̧akūtkūt ko Maron̄ Kōm̧m̧ani

• Kwaļo̧k jet men (āinwōt jāān ak m̧ōn̄ā) im kein ikkure ko kōjekjek in wōt menkein. Ta eo ajri ro ren kar bōke? Jipan̄ ajri ro pukote Alma 30:12–18 m̧o̧ņ ko im katak ko rebōd me Korior eaar kwaļo̧ki kōn Anij.

• Jipan̄ ajri ro jeļā m̧ōņ ko Korior eaar kwaļo̧ki im je ioon peba ko im likūti ioon bo̧o̧t eo (lale Alma 30:12–18, 24). Kajjitōk ippān ajri ro n̄an pukote Alma 30:32–35, pukot wāween uwaak ko an Alma kōn m̧ōņ ko an Korior. Kajjitōk ippān ajri ro ewi wāween aer maron̄ jeļā bwe men ko Alma eaar kwaļo̧ki rem̧ool.

  An Korior kōnono ippān Alma

  An Korior Jum̧ae Alma, jān Robert T. Barreett

Alma 31:5

Naan in Anij ekajoorļo̧k jen jabdewōt men.

N̄āāt eo kwaar en̄jake kajoor in naan in Anij? Ļōmņake ewi wāween an en̄jake ko am̧ maron̄ im̧we ajri ro kwoj katakin.

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an ļōmņake jet men ak juon eo ekajoor, ak kwaļo̧k pijain men ko rekajoor. Ta eo ekōm̧m̧an bwe men kein ren kajoor? Riiti Alma 31:5 ippān doon, im kajjitōk ippān ajri ro ta meļeļein eoon in ilo aer ļōmņake. Ewi wāween an naan in Anij kajoor jen jāje? Ta eo kajoor in ej kōm̧m̧ane?

• Kōnono ippān jet ajri m̧oktaļo̧k, im kajjitōk ippāer n̄an ļōmņake juon en̄jake n̄an kwaļo̧k ilo kūlaaj kōn jeje ko rekwojarjar ak juon katak jen Ritōl ro an Kabun̄ ekar jipan̄ er n̄an kōm̧m̧an em̧m̧an. Etke naan in Anij eaar kōm̧m̧an bwe ren kōm̧m̧ani men ko rem̧m̧an?

• Al juon al ippān ajri ro kōn naan in Anij, āinwōt “Search, Ponder, and Pray” ak “Follow the Prophet” (Children’s Songbook, 109, 110–11). Remaron̄ bar al “Scripture Power” (” ().

Alma 31:8–35

Imaron̄ in ettā.

Iaan aolep likjab ko me Rizoram ro raar kōm̧m̧ani, utiej bōro eo aer eaar kōm̧m̧an an Alma būrom̧ōj. Menin emaron̄ juon iien em̧m̧an n̄an katakin ajri ro kōn aorōk eo an ettā.

M̧akūtkūt ko Maron̄ Kōm̧m̧ani

• Jipan̄ ajri ro meļeļe oktak ko kōtaan utiej bōro im ettā (lale “Pride” and “Humble, Humility” in the Guide to the Scriptures). Kajjitōk ippān ajri ro n̄an kajjojo riiti Alma 31:24–28. Ak riit ippān doon “Jebta 28: The Zoramites and the Rameumptom” (Bwebwenato ko ilo Bok in Mormon, 78–90). Ilo aer riit, kajjitōk ippāer n̄an kile wāween an Rizoram ro kar kwaļo̧k aer utiej bōro. Ewi wāween an Alma kar ettā? (lale Alma 31:30–33).

• Kōjeno̧ļo̧k ajri ro ilo kurup ko, im kajjitōk ippān kajjojo kurup n̄an kālete juon uwaak n̄an kajjitōk ko āinwōt kein: Ta eo Rizoram ro raar jeke ilo būruweer? (lale Alma 31:24, 28). Ta men bata ko me armej ro rej likūt būruweer ioon rainin? Etke armej remaron̄ ļōmņak rem̧m̧anļo̧k jen ro jet? N̄e kajjojo kurup rekwaļo̧k aer uwaak, kōm̧m̧an bwe ren jin̄aiki jidikin Rameumptom tawōr ioon bo̧o̧t eo. Innām kajjitōk ippāer n̄an jeere m̧ōttan ko ilo tawōr eo kajjojo iien n̄e rej ļōmņak in kwaļo̧k ettā.

pija ej bōk jikin ekkatak

Kōketak Ekkatak ilo M̧weo

Kajjitōk ippān ajri ro n̄an katakin baam̧le ko aer men ko raar ekktak kōn kajoor in naan in Anij rainin.

Kōkōm̧anm̧anļo̧k Ad Katakin

Jipan̄ ajri ro katak jān jeje ko rekwojarjar. Ajri ro reddik remaron̄ jab lukkuun riit, ak kwomaro kobaik er ilo ekkatak eo jen jeje ko rekwojarjar. N̄an waanjon̄ok, kwomaron̄ riiti juon eoon im kajjitōk ippāer n̄an jutak ak kajutak peier n̄e rej ron̄ juon naan ejejjet ak eoon. Innām jipan̄ er meļeļe kōn naan ak eoon. (Lale Teaching in the Savior’s Way, 20–21.)

peij in m̧akūtkūt: men otemjej rej kam̧ool kōn Anij