Aokati 17–23

Ereman 1–6

“Te Bwa Are Ara Tia Kabomwi”

Reirei n te kamataata aei e kona ni buokiko ni kaira am kamatebwai n Ereman 1–6, ma tai kariaia bwa ana tia niko. Te Tamnei ae Raoiroi e na kairiko nakon koaua aika ko kainnanoi n reiakin.

Korea Am Namakin

Ana boki Ereman e koroi ni kauoua te tokanikai ao taai aika a kananokawaki ibuakoia Nibwaite ao Reimwanaite. E moanaki ma te “kaangaanga ae korakora i buakoia ana botanaomata Nibwaite” (Ereman 1:1), ao kaangaanga a teimatoa n roroko ni kabutaa te rekooti. Ikai ti wareka taekan te waaki ni kakaitara n te tautaeka, te kaeng n iraa, ribakin te burabeti, ao te kainikatonga ao te aki onimaki ni kabutaa te aba. Ma ti kunei naba katooto n aron Nibwaai ao Riaai ao “korakoran bwainikirinaia mwakoroia te botanaomata ake a nanorinano riki,” are aki tii tiku ni maiu ma a maiu raoi n tamnei (Ereman 3:34). A kanga ni karaoia? A kanga n tiku ni korakora ngkai rikirakeia e a moanna ni kerikaaki ao ni bwaka? Ti tebo naba ngkana iai mai ibuakora ae tei ni matoatoa n te “angibuaka ae korakora” e kanakoaki te riaboro bwa “e na [oroira]”—man katean maiura “iaon te bwa are ara Tia Kabomwi, are te Kristo, Natin te Atua, … aan te kateitei are ngkana aomata a kateitei iaona ao aki kona ni bwaka” (Ereman 5:12).

Iango ibukin Am Kamatebwai I Bon Iroum ni Koroboki Aika Tabu

Ereman 1–6

Te kainikatonga e kamaenakoai ma te Tamnei ao korakoran te Uea.

Ngkana ko wareka Ereman 1–6—ao rinanon Ana Boki Moomon ni kabane—ko kona n noora te baeten ni kateia Nibwaite: Ngkana a raoiroi Nibwaite, e na kakabwaiaia te Atua ao a na rikirake. Imwiin te tai, a moanna ni kainikatonga ao ni buakaka, ni karaoi rinerine aika e na kairiia nakon te mate ao te kainnano. Imwiina a nanorinano ao ni kairaki bwa a na rairi nanoia, ao te Atua e a manga kakabwaiaia. Te baeten e bon kaokiokia i bon irouna n tainako are a atongnga tabeman aomata bwa “okiokin te kainikatonga.”

Okiokin te “kainikatonga”

Tarai katooto n okiokin te katooto aei ngkana ko wareware. Ko kona naba ni mwaaken katooto ngkana ko kunei. Aikai tabeua titiraki aika a na buokiko n ataa te baeten ao taraia bwa e na kanga ni kaineti nakoim:

• Tera kakoauaan te kainikatonga ae ko nooria ibuakoia Nibwaite? (taraa, te katooto, Ereman 3:33–34; 4:11–13). Ko noori aekan katootoon te kainikatonga iroum?

• Tera mwiin te kainikatonga ao te buakaka? (taraa Ereman 4:23–26). Tera mwiin te nanorinano ao te rairannano? (taraa Ereman 3:27–30, 35; 4:14–16).

• Tera ae tangiria Ereman bwa a na uringnga natina mwaane? (taraa Ereman 5:4–12). A kanga uringakin koaua aikai n totokoa rikim ni kainikatonga?

Taraa naba Dieter F. Uchtdorf, “Pride and the Priesthood,” Ensign ke Riaona, Nob 2010, 55–58.

Ereman 3:24–35

I kona ni katabuaki ngkana I anga nanou nakon te Atua.

N Ereman 3, e kabwarabwara Moomon te tai ngke e rangi n rikirake te Ekaretia ao ni kakabwaiaki riki taan kairiiri a mimi naba (tarai kiibu 24–32). N tokina tabeman aomata a rangi ni kainikatonga ngke tabeman a rikirake ni “korakora ao ni korakora n aia nanorinano, …n te aro are a itiaki ma ni katabuaki nanoia” (Ereman 3:35). Taraia n kiibu 34–35 tera ae a karaoia aomata aika a nanorinano riki bwa a na riki n itiaki. A kanga bwaai aikai ni buokiko bwa ko na riki n itiaki riki? E na kona n ibuobuoki n ataia bwa te Kairi nakon Koroboki Aika Tabu (scriptures.ChurchofJesusChrist.org) e kabwarabwaraa katabuaki bwa “te kawai n inaomata man te bure, itiaki, itiaki, ao ni mimitong rinanon Ana Mwakuri ni Kamaiu Iesu Kristo” Tera ae ko namakina bwa ko kan karaoia n ira aia katooto ana reirei Iesu aikai? Tera ae ko karaoia n anga nanom nakon te Atua?

Ereman 5:14–52

Au onimaki e kakorakoraaki man “korakoran te bwai ni kakoaua are [I a tia] ni karekea.”

Unimwaane Jeffrey R. Holland n te taina e taku nakoia naake iai aia kaangaanga ma aia onimaki: “E mwaiti riki am onimaki nakon ae ko taku ibukin te bwai ae atongaki n Ana Boki Moomon bwa ‘korakoran te bwai ni kakoaua are a tia ni karekea’ [Ereman 5:50]. … Uaan maiuakinan te euangkerio e kakoauaaki ni maiuia Aika Itiaki ni Boong aika Kaitira n taabo ni kabane” (“Lord, I Believe,” Ensign ke Liahona, Meei 2013, 94). Ngkana ko wareki kiibu aikai, iangoi bwai ni kakoaua ae e a tia n anganiko te Uea. Te katooto, tao ko bon tuai raoi ongo bwanaan te Uea, ma ko a tia n namakina te “wirikiriki mairoun te Tamnei ae Raoiroi ae “e bon niniia nako te tamnei”? (Ereman 5:30; Taraa naba RB 88:66). Tao ko a tia ni mena inanon te rootongitong, tataro nakon te Atua ibukin te onimaki ae korakora riki, ao ni “kaonaki ma te kimwareirei anne ae e aki konaaki ni kabwarabwaraaki” (Ereman 5:40–47). Tera taneiai tabeua aika a tia ni kakorakora am onimaki iroun Kristo ao Ana euangkerio?

Iango ibukin Kamatebwai ni Koroboki aika Tabu n te Utu ao Bootakin te Utu n te Tairiki

Inanon warekan koroboki aika tabu ma am utu, e kona ni buokiko te Tamnei n ataia bwa tera taian reirei ae a riai ni kamatataaki ao ni maroroakinaki bwa e aonga ni buoka kainnanoia am utu. Aikai tabeua iango.

Ereman 3:27–30

Ngkai e a tia te burabeti Moomon ni kakimototoi koroboki aika tabu, e aki toki ni kakabongana te kibu n taeka “ngaia ae ti a nooria” ni kabwarabwarai koaua aika kakawaki. Tera ae e tangiria bwa ti na nooria n Ereman 3:27–30? Inanon am kamatebwai n te wiiki aei, ko kona ni motirawa teutana n n titirakiniia kaain te utu bwa a na kanga ni kabanea te kibu n taeka “ngaia ae ti a noria” ni kaineti ma te bwai ae a tia ni warekia. Tera koaua aika a tangiria ni kamataatai raoi?

Ereman 5:6–7

Beretitenti George Albert Smith tibuna ae e a tia ni mate George A. Smith e kaoti nakoina n te mii ao e titiraki, “I tangiria ni kan ataia bwa tera ae ko a tia ni karaoia ma arau.” Beretitenti Smith e kaeka, “Akea te bwai ae I a tia ni karaoia ma aram ae ngaia ae ko na mama iai” (n Teachings of Presidents of the Church: George Albert Smith [2011], xxvi). Imwiin warekan Ereman 5:6–7, tao ko kona n taetae nakoia kaain am utu ibukin uringakin ao karinean te ara ao ti bwainna, n raonaki ma aran te Tia Kamaiu.

Ereman 5:12

Ni buokiia am utu ni iangoa nanon “aan te kateitei ni koaua,” kam kona ni bootaki ni katea te auti ae uarereke ao katoka iaon aekan aan kateitei aika a kakaokoro. Ko kona ngkanne ni karaoa te “angibuaka ae korakora” man tauriia aona n te ran ao kabongana te iriba ke bwain kamwauuan te ira ni karika te ang. Tera ae riki nakon te kateitei ngke e mena iaon aan kateitei aika a kakaokoro? E kanga Iesu Kristo n tangira “aan te kateitei ae koaua” inanon maiura?

Ereman 5:29–33

Tera taneiai aika ti a tia ni karekei ma kinakin bwanaan te Atua inanon maiura?

Bukin iango riki tabeua ibukin reiakinaia ataei, taraa te kamataata n te wiiki aei n Nakomai, Iriirai—Ibukin te Moanrinan.

Kanakoraoan Am Kamatebwai

Bwaina te taotaonaki n nano. Aan te kateitei n te onimaki e kateaki teuana te mwakoro n te tai ae teuana. Ngkana iai reirei aika ko aki ota raoi iai ngkai, bwaina te taotaonaki n nano. Kakoaua bwa e na roko te oota ngkana ko katea aam iroun Iesu Kristo man te taneiai n te onimaki ao te kamatebwai ma te nanomwaaka.

© Ana Boki Moomon ibukiia Taan Wareware aika Kairake, Nibwaai ao Riaai a Katobibiaki n te Boua ae te Ai, iroun Briana Shawcroft; e aki kona ni katotongaki