“Ritembwa 7–13. Moronaai 7–9: ‘Ma E Na Tabekikorake Kristo,’” Nakomai, Iriirai—Ibukiia Aomata n Tatabemaniia ao Utu: Ana Boki Moomon 2020 (2020)
“Ritembwa 7–13. Moronaai 7–9,” Nakomai, Iriirai—Ibukia Aomata n Tatabemania ao utu: 2020
Minerva Teichert (1888–1976), Moronaai: Te e Kabanea n Nibwaite, 1949–1951, te oera iaon te mitinaite, 34¾ x 47 intiti. Brigham Young University Museum of Art, 1969
Ritembwa 7–13
Moronaai 7:9
“Ma E Na Tabekikorake Kristo”
Ngkana ko kamatebwaia Moronaai 7–9, kakauongo nakon ana wirikiriki te Tamnei ae Raoiroi, ao korei ana rongorongo nakoim. E kona n reireiniko n te bwai ae ko kainnanoia n ataia ao tera ae ko kainnanoia ni karaoia.
Korea Am Namakin
Imwain are e kabanea te koroboki Moronaai ae ti ataia n te bong aei bwa Ana Boki Moomon n oin ana kabanea n taeka, e tibwauai teniua rongorongo mai iroun ana karo, Moomon: te taetae nakoia “taan irira Kristo i nanon te rau” (Moronaai 7:3) ao uoua reeta aika e a tia ni koroi Moomon nakon Moronaai. Moomon e karin rongorongo aikai inanon Ana Boki Moomon ibukina bwa e a kaman noori titeboon aron te kaangaanga n ana bong ao ara bong. Ngke a koreaki taeka aikai, aomata aika Nibwaite ni kabane a waekoa ni bwaka ao a kitana te koaua. A mwaiti aika a tia ni “bua aia tangira, imarenaia” ao a bon kukurei ni “bwaai ni kabane ma tiaki ae raoiroi” (Moronaai 9:5, 19). Ao e ngae n anne e teimatoa Moomon ni kunea bukin te kantaninga—e reireiniira bwa te kantaninga e aki nanonaki n ae kakeaan ke n aki koaua raoi ni bwain te aonaaba; e nanonaki n ae karekean te onimaki iroun Tamara are i Karawa ao Iesu Kristo, are e korakora riki ao n akea tokina nakon kaangaanga aikanne. E nanonaki n ae “ta[uii] ni kabane bwaai aika a raoiroi” (Moronaai 7:19). E nanonaki n ae kariai Ana Mwakuri ni Kamaiu Iesu Kristo “ao kantaninga mimitongina ma te maiu ae akea tokina, e na tiku n am iango n aki toki” (Moronaai 9:25). Ao ni karokoa te bong ae mimitong Kauaokin Kristo ae mimitong, nanona tai katoka te “mwakuri [ae ti na] karaoia … [ni] buakana aia kairiribai nake a kororaoi” (Moronaai 9:6).
Iango ibukin Oin Am Kamatebwai ni Koroboki Aika Tabu
Otan Kristo e buokai ni motikia imarenan te raoiroi ao te buakaka.
N te aonaaba ni boong aikai e onrake ma rongorongo aika anainano; ti na kanga n ataia bwa angaa aika eti ao aika bure? Ana taeka Moomon n Moronaai 7 e anganiira tabeua reirei aika ti kona n totokoi “motiki[taeka] aika kairua” (Moronaai 7:18). Ngkana ko kamatebwaia Moronaai 7:12–20, tarai koaua aika a na buokiko n atai bwaai aika a na kaniiko riki nakon te Atua ao tera aika a aki. Ko kona ni kabonganai koaua aikai ni buokiko n rinanoi rongorongo aika ko kaitara ma ngaai ao atatai aika ko karekei n te wiiki aei ao iangoia bwa a kakao ma n anai nano nakon karaoan te raoiroi ke a aki (taraa Moronaai 7:13).
Taraa naba “Judging Others,” Gospel Topics, topics.ChurchofJesusChrist.org; Bible Dictionary, “Light of Christ.”
Rinanon te onimaki iroun Kristo, I kona n “tauii ni kabane bwaai aika a raoiroi.”
Imwiin te anga reirei iaon bwa ko na kanga n ataa te raoiroi ao te buakaka, Moomon e titiraki te titiraki ae taraa n tau n te bong aei: “Kam na kanga [n] tauii ni kabane bwaai aika a raoiroi?”—riki ngkana aia anainano taan kakaitara a rangi ni korakora(Moronaai 7:20). Ana kaeka Moomon e kona ni kuneaki rinanon nikiran mwakorona ni kabane 7. Ngkana ko wareka te kibu 20–48, taratarai koaua aika a na buokiko n atai “bwaai ni kabane aika raoiroi” aika iai iroum ibukin Iesu Kristo. E kanga karekean te onimaki Irouna ni buokiko n ukoukori bwaai aika a raoiroi? Ko na kanga ni kona “n taui bwaai ni kabane” iaon bwaai aika a raoiroi riki?
Taraa naba Taekan te Onimaki 1:13.
Bon ana tangira Iesu Kristo ae itiaki
E nooria Beretitenti Dallin H. Oaks e taraa: “Bukina ngkai e aki kona ni bwaka te tangira ae kororaoi ao bukina ngkai te tangira ae kororaoi e korakora riki nakon te kabanea ni kakawaki ni mwakuri n te raoiroi …bwa te tangira ae kororaoi, ‘ana tangira Kristo ae itiaki’ (Moro. 7:47), tiaki te mwakuri ma aroaro ke aroia n. … Te tangira ae kororaoi bon te bwai teuana ae riki” (“The Challenge to Become,” Ensign, Nob. 2000, 34). Ngkana ko wareka Moronaai 7:44–48, iangoa ana kabwarabwara Moomon iaon te tangira, ao ongora ibukin namakin mai iroun te Tamnei ae Raoiroi; E kona ni buokiko ni kakaai kawai aika ko kona ni kanakoraoi. Bukin tera ti kainnanoa te onimaki ao te kantaninga ni karekea ana bwaintituaraoi te tangira?
E kona te tangira ae kororaoi ao te tamaroa n anaaki mai irou?
Ana kabwarabwara Moomon iaon aia bure Nibwaite aika a buakaka e a tia ni kairiia tabeman nakon karaoan te mwakuri n tangako ke kabonganaana n ae aki riai e a tia n urua tuan te itiaki. E ngae n anne, Unimwaane Richard G. Scott e kamataataa bwa tiaki ngaia aei. E reirei, “I kaota au koaua bwa ngkana iai riki te mwakuri n tiritiri, aroia aika a bwaoua, ke te bwai kaoki e kamarakiko n ae korakora, ni kaitaraa am kaantaninga, ko aki bukintaeka iai ao ko aki riai ni maaku” (“Healing the Tragic Scars of Abuse,” Ensign, Meei 1992, 32).
I kona ni karekea te kantaninga iroun Kristo n aki tabe ma au kaangaanga.
Imwiin kabwaraan te mamaara are e a tia noori, Moomon e tuanga natina te mwaane bwa e na aki tang. Tera ae anaa nanom n ana rongorongo Moomon n te kantaninga? Tera nanona nakoim ibukin Kristo bwa e na “[uotiko] rake? Tera anuan maiun Kristo ao reirein Ana euangkerio “ae tiku n am iango” ao n anganiko te kantaninga? (Moronaai 9:25).
Taraa naba Dieter F. Uchtdorf, “The Hope of God’s Light,” Ensign ke Riaona, Meei 2013, 70, 75–77.
Iango ibukin Kamatebwai ni Koroboki aika Tabu n te Utu ao Bootakin te Utu n te Tairiki
Inanon warekan koroboki aika tabu ma am utu, e kona ni buokiko te Tamnei n ataia bwa tera taian reirei ae a riai ni kamatataaki ao ni maroroakinaki bwa e aonga ni buoka kainnanoia am utu. Aikai tabeua iango.
Moronaai 7:5–11
Ni kaineti ma Moronaai 7:5–11, bukin tera e kakawaki karaoan bwaai aika eti ni bukina aika eti? Ti na kanga n ataia ngkana ti tataro ao n ongotaeka nakon ana tua te Atua ma te “nano ni koaua”? (te kibu 6).
Moronaai 7:12–19
E kanga ana reirei Moomon ni buokiira ni karaoi rinerine aika a raraoi bwa ti na kanga ni kabanea ara tai ao antai ae ti kabanea ma ngaia? Ko kona ni kaoiia kaain te utu bwa a na kakaea mweengam ao n “taui ni kabane” (Moronaai 7:19), ke n tauii, bwaai aika e kaoia nakon “karaoa ae raoiroi, ao nakon tangiran te Atua, ma te toro irouna” (Moronaai 7:13). Kamoamoaia ibukin bwaai aika a raraoi aika a kunei.
Moronaai 7:29
Imwiin warekan te kibu aei, a kona kaain te utu ni maroroakin taekan kakai aika a tia ni kakoauai ke kawai riki tabeua ae a tia n noora ana kairoro te Atua ni maiuia.
Moronaai 8:5–26
Tera ae a aki ota iai tenaan Nibwaite ake a bwabetitoia ataei ibukin Ana Mwakuri ni Kamaiu Iesu Kristo? Tera ae ti reiakinna ibukin te Mwakuri ni Kamaiu man ana reirei Moomon?
Moronaai 8:16–17
Tera ae nanonaki n karekean te “tangira ae kororaoi”? Tera ae e buokiira bwa ti na tokanikai iaon te maaku? E kanga ni buokiira n reirei taian koaua n akea te nanokokoraki? Ti kanga ni karikirakea?
Ibukin riki iango ibukin reireinaia ataei, taraa te kamataata n te wiiki aei inanon Nakomai, Iriirai—Ibukiia Moanrinan.
Kanakoraoan Ara Anga reirei
Kabonganai katangitang ni kaoa te Tamnei ao n anga reirei iaon te reirei. “Iai mwaakan katangitang aika akea tiaia ni [kamwaingiira] nakon te maiu n tamnei” (“First Presidency Preface,” Anene n Taromauri, x). Te anene ibukin te tangira, n aron “Love One Another” (Anene n Taromauri, nambwa. 308), e kona ni kanakoraoa te marooro n te utu iaon te tangira ae kororaoi n Moronaai 7:44–48.
Tamnein Kristo te Tia Kamaiu, iroun Heinrich Hofmann