Appendix B

“Maathag kag Malahalon nga Mga Kamatuoran”

Ang Libro ni Mormon ginhanda nga maggwa sa tion sang ulihing mga adlaw, sa tion sang lapnagon nga ginamo parte sa doktrina, ukon sa wala katapusan nga kamatuoran sang Dios. Kabahin sang diosnon nga katuyuan sinang libro, pareho sang nakita ni Nefi antes pa, amo ang “[magpalig-on] sang kamatuoran sang [Biblia],” ang “magpahibalo sang maathag kag malahalon nga mga butang” nga nadula na sa pagligad sang mga siglo, kag “magpahibalo sa tanan nga mga kabikahan (kindreds), mga hinambalan, kag katawhan, nga ang Cordero sang Dios amo ang Anak sang Wala’y Katapusan nga Amay, kag ang Manluluwas sang kalibutan” (1 Nefi 13:40).

Ang Libro ni Mormon nagapahayag sang wala katapusan nga mga kamatuoran nga nadula sa tion sang Apostasya kag nagadugang sang ika-duha, nagaklaro nga saksi sa madamo nga mga kamatuoran nga ginatudlo sa Biblia. Ari ang pila lamang sinang mga kamatuoran. Pangitaa ang mga ini kag ang iban pa nga maathag kag malahalon nga mga kamatuoran sa imo pagtuon sang Libro ni Mormon.

Ang Panguluhan sang Dios

• Ang Amay nga Langitnon, si Jesucristo, kag ang Balaan nga Espiritu separado nga mga persona pero isa lang ang katuyuan (tan-awa sa 3 Nefi 11:32, 36).

• Ang nabanhaw nga Manluluwas may pisikal nga lawas (tan-awa sa 3 Nefi 11:10–17).

Dugang nga balaan nga mga kasulatan parte sa Panguluhan sang Dios: 2 Nefi 31:6–8; Eter 12:41

Ang Pagbayad-Sala ni Jesucristo

• Si Jesucristo nag-antos para sa aton mga sala kag kapipit-an agud mahibal-an Niya kon paano kita buligan (tan-awa sa Alma 7:11–13).

• Pwede kita mangin perpekto paagi sa grasya ni Jesucristo (tan-awa sa Moroni 10:32–33).

Dugang nga balaan nga mga kasulatan parte sa Pagbayad-Sala sang Manluluwas: 1 Nefi 10:6; 2 Nefi 2:6–9; Jacob 4:11–12; Mosias 3:1–19; Alma 34:8–16

Ang Plano sang Kaluwasan

• Ang Pagkapukan (Fall) ni Adan kag Eva isa ka importante nga bahin sang plano sang Amay nga Langitnon (tan-awa sa 2 Nefi 2:22–27).

• Ang oposisyon kinahanglanon agud aton magamit ang kahilwayan sa pagpili (tan-awa sa 2 Nefi 2:11–16).

• Pagahukman kita suno sa aton mga binuhatan kag mga handum sang aton mga tagipusuon (tan-awa sa Alma 41:3–7).

• Ang “linaw nga kalayo kag asupre” simbolo sang pag-antos sang mga wala nagahinulsol (tan-awa sa 2 Nefi 9:16–19; Mosias 3:24–27).

Dugang nga balaan nga mga kasulatan parte sa plano sang kaluwasan: 2 Nefi 9:11–26; Alma 22:12–14; 34:31–35; 42:1–26

Ang Apostasya kag ang Pagpanumbalik (sang Ebanghelyo)

• Ang Dako nga Apostasya natabo bangod sang kalautan kag kawala pagtuo (tan-awa sa Mormon 8:28, 31–41).

• Ang Libro ni Mormon nagapabakod sang mga kamatuoran nga ginpanudlo sa Biblia (tan-awa sa 1 Nefi 13:19–41; 2 Nefi 3:12).

• Ang Simbahan ni Cristo dapat nga tawgon sa Iya ngalan (tan-awa sa 3 Nefi 27:3–9).

Dugang nga balaan nga mga kasulatan parte sa Apostasya: 1 Nefi 13:1–9, 24–29; 2 Nefi 27–28

Dugang nga balaan nga mga kasulatan parte sa Pagpanumbalik: 1 Nefi 14:7–12; 22:7–11; 2 Nefi 3:7–24; 25:17–18

Mga Propeta kag Rebelasyon

• Ang tanan nga mga propeta nagasaksi kay Jesucristo (tan-awa sa Mosias 13:33–35).

• Ang ihibalo sang espirituhanon nga kamatuoran nagaabot paagi sa Balaan nga Espiritu (tan-awa sa Alma 5:45–47).

• Ang Biblia wala nagaunod sang tanan nga pulong sang Dios (tan-awa sa 2 Nefi 29:10–13).

• Ang rebelasyon halin sa Dios wala nag-untat sa aton panahon (tan-awa sa Mormon 9:7–9).

Dugang nga balaan nga mga kasulatan parte sa mga propeta: 1 Nefi 22:1–2; Mosias 8:16–18; Helaman 13:24–33

Dugang nga balaan nga mga kasulatan parte sa rebelasyon: Jacob 4:8; Alma 12:9–11; 17:2–3; Moroni 10:5

Priesthood

• Ang mga nagakapot sang priesthood gintawag kag ginhanda halin pa sa pundasyon sang kalibutan (tan-awa sa Alma 13:1–3).

• Ang isa ka tawo kinahanglan gid magbaton sang awtoridad halin sa Dios para magwali sang ebanghelyo (tan-awa sa Mosias 23:17).

Dugang nga balaan nga mga kasulatan parte sa priesthood: Mosias 18:17–20; Alma 13; Helaman 10:7

Mga Ordinansa kag Mga Kasugtanan

• Ang bunyag importante sa pagbaton sang kabuhi nga wala katapusan (tan-awa sa 2 Nefi 31:4–13, 17–18).

• Ang bunyag kinahanglan gid nga himuon paagi sa pagtugmaw (tan-awa sa 3 Nefi 11:23–27).

• Ang magagmay nga mga kabataan indi kinahanglan bunyagan (tan-awa sa Moroni 8:8–12).

• Ang mga ordinansa kinahanglan gid nga hikuton suno sa mga kasuguan ni Cristo sang tawo nga may nagakaigo nga awtoridad (tan-awa sa Mosias 18:17–18; 3 Nefi 11:21–27; Moroni 4:1).

Dugang nga balaan nga mga kasulatan parte sa mga ordinansa: Mosias 18:8–17; 21:33–35; Alma 13:16; 3 Nefi 18:1–11; Moroni 2–6; 8:4–26

Dugang nga balaan nga mga kasulatan parte sa mga kasugtanan: 2 Nefi 11:5; Mosias 5:1–9; Alma 24:17–18

Pag-asawahay kag Pamilya

• Ang mga bana kag asawa dapat magpalanggaanay sang isa kag isa (tan-awa sa Jacob 3:5–7).

• Dapat padakuon sang mga ginikanan ang ila mga kabataan sa Ginuo (tan-awa sa 1 Nefi 7:1).

Dugang nga balaan nga mga kasulatan parte sa pag-asawahay kag pamilya: 1 Nefi 1:1; 2 Nefi 25:26; Jacob 2:23–28; Enos 1:1; Mosias 4:14–15; 3 Nefi 18:21

Mga Kasuguan

• Ang Ginuo magahanda sang paagi para matuman naton ang Iya mga kasuguan (tan-awa sa 1 Nefi 3:7).

• Ang Dios nagpromisa nga bugayan kita kon tumanon naton ang Iya mga kasuguan (tan-awa sa Mosias 2:22–24).

Dugang nga balaan nga mga kasulatan parte sa mga kasuguan: 1 Nefi 17:3; 22:30–31; Alma 37:13, 35; 50:20