1 Ang mga pulong ni Cristo, nga iya ginhambal sa iya mga disipulo, ang dose nga iya ginpili, samtang nagatakdong sia sang iya mga kamot sa ila—

2 Kag gintawag niya sila sa ngalan nga nagasiling: Magapanawag kamo sa Amay sa akon ngalan, sa hugot nga pangamuyo; kag pagkatapos nga mahimo ninyo ini makaangkon kamo sing gahum nga sa iya nga pagatakdongan ninyo sang inyo mga kamot, ihatag ninyo ang Balaan nga Espiritu; kag sa akon ngalan inyo ini ihatag, kay amo ini ang ginahimo sang akon mga apostoles.

3 Karon si Cristo naghambal sining mga pulong sa ila sa tion sang iya una nga pagpakita; kag ang kadam-an wala nakabati sini, apang ang mga disipulo nakabati sini; kag sa tanan nga gintakdongan nila sang ila mga kamot, nagpanaog ang Balaan nga Espiritu.