Alma

Balaan ng mga Kasulatan

Libro ni Mormon

Mga Kaundan
Introduksyon kag mga Saksi
1 Nefi
2 Nefi
Jacob
Enos
Jarom
Omni
Mga Pulong ni Mormon
Mosias
Alma
Helaman
3 Nefi
4 Nefi
Mormon
Eter
Moroni
Giya nga Talamdan sa Libro ni Mormon

Alma

Kapitulo 1
Si Nehor nagpanudlo sang sayop nga mga doktrina, nagpahamtang sing isa ka simbahan, nagpasugod sang butig nga pagkapari, kag ginpatay si Gideon—Si Nehor ginpatay tungod sang iya mga krimen—Ang mga butig nga pagkapari kag mga paghingabot naglapnag sa tunga sang katawhan—Ginsakdag sang mga pari ang ila mga kaugalingon, gintatap sang katawhan ang mga imol, kag ang Simbahan nag-uswag. Mga 91–88 B.C.
Kapitulo 2
Si Amlici naghandum nga mangin hari kag ginsikway sang tingug sang katawhan—Ang iya mga sumulunod naghimo sa iya nga hari—Ang mga Amlicianhon nagpakig-away sa mga Nefinhon kag napierde—Ang mga Lamanhon kag mga Amlicianhon nagtingob sang puwersa kag napierde—Ginpatay ni Alma si Amlici. Mga 87 B.C.
Kapitulo 3
Ginmarkahan sang mga Amlicianhon ang ila mga kaugalingon suno sa ginapropesiya nga pulong—Ang mga Lamanhon ginsumpa tungod sang ila pagrebelde—Ang mga tawo mismo ang nagadala sa ila kaugalingon sang mga sumpa—Ginpierde sang mga Nefinhon ang isa pa ka kasoldadohan nga Lamanhon. Mga 87–86 B.C.
Kapitulo 4
Si Alma nagbunyag sang linibo ka mga hinaylo—Ang kalainan nagsulod sa Simbahan, kag ang pag-uswag sang Simbahan napunggan—Si Nefias ginpili nga puno nga hukom—Si Alma, bilang mataas nga pari, nagdedikar sang iya kaugalingon sa pag-alagad. Mga 86–83 B.C.
Kapitulo 5
Agud maangkon ang kaluwasan, ang mga tawo kinahanglan gid nga maghinulsol kag magtuman sang mga kasugoan, mabun-ag liwat, magtinlo sang ila mga biste paagi sa dugo ni Cristo, mangin mapainubuson kag maghukas sa ila mga kaugalingon sang bugal kag kahisa, kag maghimo sang mga buluhaton sang pagkamatarong—Ang Maayong Manugpahalab nagapanawag sang Iya katawhan—Inang mga nagahimo sang malain nga mga buluhaton mga anak sang yawa—Si Alma nagsaksi sang kamatuoran sang iya doktrina kag ginsugo ang mga tawo nga maghinulsol—Ang mga ngalan sang mga matarong igasulat sa libro sang kabuhi. Mga 83 B.C.
Kapitulo 6
Ang Simbahan sa Zarahemla gintinloan kag ginpahamtang sa kahusay—Si Alma nagkadto sa Gideon agud magwali. Mga 83 B.C.
Kapitulo 7
Si Cristo igabun-ag ni Maria—Paluson niya ang mga gapos sang kamatayon kag dal-on ang mga sala sang Iya katawhan—Inang mga nagahinulsol, nabunyagan, kag nagatuman sang mga kasugoan makaangkon sang kabuhi nga wala’y katapusan—Ang kahigkoan indi makapanubli sang ginharian sang Dios—Pagpaubos, pagtuo, paglaum, kag putli nga paghigugma ginakinahanglan. Mga 83 B.C.
Kapitulo 8
Si Alma nagwali kag nagpangbunyag sa Melek—Ginsikway sia sa Amonihas kag nagbiya—Isa ka anghel ang nagsugo sa iya nga magbalik kag magwali sang paghinulsol sa katawhan—Ginbaton sia ni Amulek, kag duha sila nagwali sa Amonihas. Mga 82 B.C.
Kapitulo 9
Ginsugo ni Alma ang katawhan sang Amonihas nga maghinulsol—Ang Ginuo mangin maluluy-on sa mga Lamanhon sa katapusan nga mga adlaw—Kon talikdan sang mga Nefinhon ang kasanag, pagalaglagon sila sang mga Lamanhon—Ang Anak sang Dios magakari sa indi madugay—Tuboson niya inang mga nagahinulsol, mga nabunyagan, kag may pagtuo sa Iya ngalan. Mga 82 B.C.
Kapitulo 10
Si Lehi kaliwat ni Manases—Ginsaysay ni Amulek ang sugo sang anghel nga atipanon niya si Alma—Ang mga pangamuyo sang mga matarong ang kabangdanan nga maluwas ang katawhan—Ang di-matarong nga mga mananabang kag mga hukom nagpasad sang pundasyon para sa kalaglagan sang katawhan. Mga 82 B.C.
Kapitulo 11
Ang Nefinhon nga sistema sa kwarta ginpaathag—Si Amulek nakigbais kay Zisrom—Si Cristo indi magluwas sang katawhan sa ila mga sala—Sila lamang nga magapanubli sang ginharian sang langit ang maluwas—Ang tanan nga tawo magabangon sa pagkawala’y kamatayon—Wala sing kamatayon pagkatapos sang Pagkabanhaw. Mga 82 B.C.
Kapitulo 12
Si Alma nakighambal kay Zisrom—Ang mga misteryo sang Dios mapahayag lamang sa mga tampad—Ang mga tawo ginahukman suno sa ila mga panghunahuna, mga ginapatihan, mga pulong, kag mga binuhatan—Ang mga malain magaantos sing espirituhanon nga kamatayon—Ining mortal nga kabuhi isa ka kahimtangan sang pagtilaw—Ang plano sang pagtubos nagapahanabo sang Pagkabanhaw kag, paagi sa pagtuo, kapatawaran sang mga sala—Ang mga mahinulsulon makaangkon sang kaluoy paagi sa Bugtong nga Anak. Mga 82 B.C.
Kapitulo 13
Ang mga lalaki ginatawag bilang mga mataas nga pari tungod sang ila tuman nga pagtuo kag maayo nga mga binuhatan—Dapat nila itudlo ang mga kasugoan—Paagi sa pagkamatarong ginapakabalaan sila kag magasulod sa palahuwayan sang Ginuo—Si Melquisedec isa sang mga ini—Ang mga anghel nagapahayag sang maayong balita sa bilog nga duta—Ipahayag nila ang tunay nga pagkari ni Cristo. Mga 82 B.C.
Kapitulo 14
Sanday Alma kag Amulek ginbilanggo kag ginsakit—Ang mga nagapati kag ang ila balaan nga mga kasulatan ginpangsunog paagi sa kalayo—Ining mga martir ginbaton sang Ginuo sa himaya—Ang mga pader sang bilanggoan nagkalawasak kag nagkalarumpag—Sanday Alma kag Amulek naluwas, kag ang mga nagpaantos sa ila nagkalamatay. Mga 82–81 B.C.
Kapitulo 15
Sanday Alma kag Amulek nagkadto sa Sidom kag nagpahamtang sing isa ka simbahan—Gin-ayo ni Alma si Zisrom, nga nagbuylog sa Simbahan—Madamo ang ginbunyagan, kag ang Simbahan nag-uswag—Sanday Alma kag Amulek nagkadto sa Zarahemla. Mga 81 B.C.
Kapitulo 16
Ginlaglag sang mga Lamanhon ang katawhan sang Amonihas—Ginpangunahan ni Zoram ang mga Nefinhon padulong sa kadalag-an batok sa mga Lamanhon—Sanday Alma kag Amulek kag madamo nga iban pa nagwali sang pulong—Ginpanudlo nila nga pagkatapos sang Iya Pagkabanhaw si Cristo magapakita sa mga Nefinhon. Mga 81–77 B.C.
Kapitulo 17
Ang mga anak nga lalaki ni Mosias may espiritu sang propesiya kag sang rebelasyon—Naglakat sila sa ila lain-lain nga mga dalanon agud ipahayag ang pulong sa mga Lamanhon—Si Amon nagkadto sa duta sang Ismael kag nangin alagad ni Haring Lamoni—Ginluwas ni Amon ang panong sang hari kag ginpamatay ang iya mga kaaway sa mga tubig sang Sebus. Mga bersikulo 1–3, mga 77 B.C.; bersikulo 4, mga 91–77 B.C.; kag mga bersikulo 5–39, mga 91 B.C.
Kapitulo 18
Si haring Lamoni naghunahuna nga si Amon amo ang Dako nga Espiritu—Gintudloan ni Amon ang hari parte sang Pagtuga, pagpakigbagay sang Dios sa mga tawo, kag pagtubos nga magaabot paagi kay Cristo—Si Lamoni nagpati kag natumba sa duta nga daw patay. Mga 90 B.C.
Kapitulo 19
Si Lamoni nagbaton sang kasanag sang kabuhi nga wala’y katubtuban kag nakita ang Manunubos—Ang iya panimalay nakakita sang panan-awon, kag madamo ang nakakita sang mga anghel—Si Amon milagroso nga gin-amligan—Ginbunyagan niya ang madamo kag nagpahamtang sing isa ka simbahan sa ila. Mga 90 B.C.
Kapitulo 20
Ginpadala sang Ginuo si Amon sa Midoni agud hilwayon ang iya nabilanggo nga mga kauturan—Nasugat-an nanday Amon kag Lamoni ang amay ni Lamoni, nga amo ang hari sa bug-os nga kadutaan—Ginpilit ni Amon ang tigulang nga hari nga tugotan ang paghilway sang iya mga kauturan. Mga 90 B.C.
Kapitulo 21
Si Aaron nagpanudlo sa mga Amaleknon parte kay Cristo kag sang Iya Pagbayad-sala—Sanday Aaron kag ang iya mga kauturan ginbilanggo sa Midoni—Pagkatapos sang ila pagkahilway, nagpanudlo sila sa mga sinagoga kag nakahaylo sing madamo—Si Lamoni nagtugot sang kahilwayan nga pang-relihiyon sa katawhan sa duta sang Ismael. Mga 90–77 B.C.
Kapitulo 22
Gintudloan ni Aaron ang amay ni Lamoni parte sa Pagtuga, sang Pagkahulog ni Adan, kag sang plano sang pagtubos paagi kay Cristo—Ang hari kag ang bug-os niya nga panimalay nahaylo—Ang pagtunga sang duta sa mga Nefinhon kag sa mga Lamanhon ginpaathag. Mga 90–77 B.C.
Kapitulo 23
Ang kahilwayan nga pang-relihiyon ginbantala—Ang mga Lamanhon sa pito ka kadutaan kag mga siyudad nahaylo—Gintawag nila ang ila mga kaugalingon nga mga Anti-Nefi-Lehi kag nahilway halin sa sumpa—Ang mga Amaleknon kag ang mga Amulonhon nagsikway sang kamatuoran. Mga 90–77 B.C.
Kapitulo 24
Ang mga Lamanhon nagsalakay batok sa katawhan sang Dios—Ang mga Anti-Nefi-Lehi nagkasadya kay Cristo kag ginbisita sang mga anghel—Ginpili nila ang mag-antos sang kamatayon sangsa pangapinan ang ila mga kaugalingon—Dugang pa nga mga Lamanhon ang nahaylo. Mga 90–77 B.C.
Kapitulo 25
Naglapnag ang pagpanalakay sang mga Lamanhon—Ang mga kaliwatan sang mga pari ni Noe nagkalamatay suno sa ginpropesiya ni Abinadi—Madamo nga mga Lamanhon ang nahaylo kag nagbuylog sa katawhan sang Anti-Nefi-Lehi—Nagpati sila kay Cristo kag nagtuman sang layi ni Moises. Mga 90–77 B.C.
Kapitulo 26
Si Amon nagkasadya sa Ginuo—Ang mga matutum ginapabakod sang Ginuo kag ginahatagan sang kaalam—Paagi sa pagtuo ang mga tawo makadala sang linibo ka mga kalag padulong sa paghinulsol—Ang Dios may tanan nga gahum kag nakahangop sang tanan nga butang. Mga 90–77 B.C.
Kapitulo 27
Ang Ginuo nagsugo kay Amon nga pangunahan ang katawhan sang Anti-Nefi-Lehi sa kaluwasan batok sa peligro—Pagkakita kay Alma, ang kalipay ni Amon nag-urot sang iya kusog—Ginhatag sang mga Nefinhon sa mga Anti-Nefi-Lehi ang duta sang Jerson—Gintawag sila nga katawhan ni Amon. Mga 90–77 B.C.
Kapitulo 28
Ang mga Lamanhon napierde sa isa ka dako kaayo nga inaway—Napulo ka linibo ang nagkalamatay—Ang mga malain ginatugyan sa isa ka kahimtangan sang nagapadayon nga kasubo; ang mga matarong makaangkon sang di-matapos nga kalipayan. Mga 77–76 B.C.
Kapitulo 29
Luyag ni Alma ang magwali sang paghinulsol nga may kaukod sang anghel—Ang Ginuo nagahatag sang mga manunudlo para sa tanan nga nasyon—Si Alma nagakasadya sa buluhaton sang Ginuo kag sa kadalag-an ni Amon kag sang iya mga kauturan. Mga 76 B.C.
Kapitulo 30
Si Korihor, ang anti-Cristo, nagyaguta kay Cristo, sang Pagbayad-sala, kag sang espiritu sang propesiya—Nagpanudlo sia nga wala sang Dios, wala sang pagkahulog sang tawo, wala sang silot para sa sala, kag wala sang Cristo—Si Alma nagpamatuod nga si Cristo magakari kag ang tanan nga butang nagapakita nga may Dios—Si Korihor nagpangayo sing isa ka tanda kag nag-apa—Ang yawa nagpakita kay Korihor bilang isa ka anghel kag gintudloan sia kon ano ang ihambal—Si Korihor gintasak kag napatay. Mga 76–74 B.C.
Kapitulo 31
Ginpangunahan ni Alma ang isa ka misyon sa pagbawi liwat sang mga Zoramnon nga nagtalikod sa simbahan—Ang mga Zoramnon nagpanghiwala kay Cristo, nagpati sa isa ka sayop nga panghunahuna sang pagkapinili, kag nagsimba nga gamit ang naplastar na nga mga pangamuyo—Ang mga misyonero napuno sang Balaan nga Espiritu—Ang ila mga pag-antos gindaug sang kalipay kay Cristo. Mga 74 B.C.
Kapitulo 32
Gintudloan ni Alma ang mga imol nga ginpaubos sang ila mga pag-antos—Ang pagtuo amo ang paglaum sa sinang indi makita nga matuod—Si Alma nagpamatuod nga ang mga anghel nagaalagad sa mga lalaki, mga babayi, kag mga kabataan—Ginpaanggid ni Alma ang pulong sa isa ka liso—Kinahanglan gid ini nga itanom kag saguron—Dayon magatubo ini tubtob nga mangin isa ka kahoy nga halin sa sini ang bunga sang kabuhi nga wala’y katapusan ginapuksi. Mga 74 B.C.
Kapitulo 33
Si Zenos nagpanudlo nga ang mga tawo dapat magpangamuyo kag magsimba sa tanan nga lugar, kag ang mga paghukom mapaiway tungod sang Anak—Si Zenoc nagpanudlo nga ang kaluoy ginahatag tungod sang Anak—Ginbayaw ni Moises sa kamingawan ang isa ka simbolo sang Anak sang Dios. Mga 74 B.C.
Kapitulo 34
Si Amulek nagpamatuod nga ang pulong yara kay Cristo padulong sa kaluwasan—Luwas lang kon may pagbayad-sala nga himuon, ang tanan nga tawo pat-od gid nga madula—Ang bug-os nga layi ni Moises nagatudlo padulong sa halad sang Anak sang Dios—Ang wala’y katapusan nga plano sang pagtubos nasandig sa pagtuo kag paghinulsol—Magpangamuyo para sa dutan-on kag espirituwal nga mga bugay—Ini nga kabuhi amo ang tion nga maghanda ang mga tawo agud mag-atubang sa Dios—Hikota ang inyo kaluwasan nga may kahadlok sa atubang sang Dios. Mga 74 B.C.
Kapitulo 35
Ginguba sang pagpangwali sang pulong ang katusohan sang mga Zoramnon—Ginpahalin nila ang mga hinaylo, nga pagkatapos nagbuylog sa katawhan ni Amon sa Jerson—Nagkasubo si Alma tungod sang kalainan sang katawhan. Mga 74 B.C.
Kapitulo 36
Si Alma nagpamatuod kay Helaman parte sa iya pagkahaylo pagkatapos nga nakakita sia sing isa ka anghel—Nag-antos sia sang mga kasakit sang ginkondenar nga kalag; nanawag sia sa ngalan ni Jesus, kag dayon nabun-ag sa Dios—Matam-is nga kalipay ang nagpuno sang iya kalag—Nakita niya ang madamo nga anghel nga nagadayaw sa Dios—Madamo nga hinaylo ang nakatilaw kag nakakita pareho nga sia nakatilaw kag nakakita. Mga 74 B.C.
Kapitulo 37
Ang mga lamina nga saway kag iban pa nga balaan nga mga kasulatan ginatipigan agud magdala sang mga kalag sa kaluwasan—Ang mga Jarednon nalaglag tungod sang ila kalainan—Ang ila sekreto nga mga sinumpaan kag mga kasugtanan kinahanglan nga matago halin sa katawhan—Magkonsulta sa Ginuo sa tanan ninyo nga ginahimo—Pareho sang Liahona nga naggiya sa mga Nefinhon, sa amo man ang pulong ni Cristo nagatuytuy sa mga tawo padulong sa kabuhi nga wala’y katapusan. Mga 74 B.C.
Kapitulo 38
Ginhingabot si Siblon tungod sang pagkamatarong—Ang kaluwasan yara kay Cristo, nga amo ang kabuhi kag ang kasanag sang kalibutan—Punggi ang tanan ninyo nga mabaskog nga mga balatyagon. Mga 74 B.C.
Kapitulo 39
Ang sekswal nga sala isa ka kangil-aran—Ang mga sala ni Corianton nagdumili sa mga Zoramnon sa pagbaton sang pulong—Ang pagtubos ni Cristo epektibo gihapon sa pagluwas sang mga tampad nga nauna sa sini. Mga 74 B.C.
Kapitulo 40
Si Cristo nagapahanabo sang pagkabanhaw sang tanan nga tawo—Ang matarong nga mga minatay magakadto sa paraiso kag ang mga malain sa gwa nga kadudulman agud hulaton ang adlaw sang ila pagkabanhaw—Ang tanan nga butang igapanumbalik sa ila kinaandan kag perpekto nga lawas sa Pagkabanhaw. Mga 74 B.C.
Kapitulo 41
Sa Pagkabanhaw ang mga tawo magabangon sa isa ka kahimtangan sang nagapadayon nga kalipayan ukon nagapadayon nga kalisud—Ang kalainan wala gid nangin kalipayan—Ang dutan-on nga mga tawo wala sang Dios sa kalibutan—Ang tagsa ka tawo magabaton liwat sa Pagpanumbalik sang mga kinabatasan kag mga kinaugali nga naangkon sa kabuhi sa duta. Mga 74 B.C.
Kapitulo 42
Ang pagkabuhi sa duta isa ka tion sang pagtilaw agud matugotan ang tawo nga maghinulsol kag mag-alagad sa Dios—Ang Pagkahulog nagdala sang dutan-on kag espirituhanon nga kamatayon sa tanan nga tawo—Ang pagtubos nagaabot paagi sa paghinulsol—Ang Dios mismo nagabayad para sa mga sala sang kalibutan—Ang kaluoy para sa mga nagahinulsol—Ang tanan nga iban pa nasakop sa hustisya sang Dios—Ang kaluoy nagaabot tungod sang Pagbayad-sala—Ang matuod-tuod lamang nga mahinulsulon ang maluwas. Mga 74 B.C.
Kapitulo 43
Si Alma kag ang iya mga anak nga lalaki nagwali sang pulong—Ang mga Zoramnon kag iban pa nga mga nagsilipak nga Nefinhon nangin mga Lamanhon—Ang mga Lamanhon nagsalakay batok sa mga Nefinhon sa giyera—Gin-armasan ni Moroni ang mga Nefinhon sang makapanagang nga hinganib—Ginpahibalo sang Ginuo kay Alma ang plano sang mga Lamanhon—Ginpangapinan sang mga Nefinhon ang ila mga puluy-an, mga kahilwayan, mga panimalay, kag relihiyon—Ginlibutan sang mga kasoldadohan nanday Moroni kag Lehi ang mga Lamanhon. Mga 74 B.C.
Kapitulo 44
Ginsugo ni Moroni ang mga Lamanhon nga maghimo sang kasugtanan sang paghidaet ukon magkalamatay—Ginsikway ni Zerahemna ang tanyag, kag nagpadayon ang inaway—Gindaug sang mga kasoldadohan ni Moroni ang mga Lamanhon. Mga 74–73 B.C.
Kapitulo 45
Si Helaman nagpati sa mga pulong ni Alma—Si Alma nagpropesiya parte sa kalaglagan sang mga Nefinhon—Ginpakamaayo niya kag ginsumpa ang duta—Si Alma mahimo nga gindala pa-langit sang Espiritu, bisan pareho kay Moises—Ang pag-ilinaway naglapnag sa Simbahan. Mga 73 B.C.
Kapitulo 46
Si Amalikia nagplano nga mangin hari—Ginbayaw ni Moroni ang bandera sang kahilwayan—Ginpanipon niya ang katawhan agud pangapinan ang ila relihiyon—Ang matuod nga mga tumuluo gintawag nga mga Cristohanon—Ang nagkalabilin ni Jose pagaamligan—Si Amalikia kag ang mga nagsilipak nalagyo padulong sa duta sang Nefi—Inang mga indi magsakdag sang kawsa sang kahilwayan ginpamatbatan sang kamatayon. Mga 73–72 B.C.
Kapitulo 47
Si Amalikia naggamit sang pagtraidor, pagpatay, kag intriga agud mangin hari sang mga Lamanhon—Ang mga nagsilipak nga Nefinhon mas malain pa kag mapintas sangsa mga Lamanhon. Mga 72 B.C.
Kapitulo 48
Ginsugyot ni Amalikia ang mga Lamanhon batok sa mga Nefinhon—Ginhanda ni Moroni ang iya katawhan agud pangapinan ang kawsa sang mga Cristohanon—Nagkasadya sia sa kahilwayan kag pagkaindependiente kag isa sia ka gamhanan nga tawo sang Dios. Mga 72 B.C.
Kapitulo 49
Ang nagasalakay nga mga Lamanhon indi makadaug sang ginpamakuran nga mga siyudad sang Amonihas kag Noe—Ginsumpa ni Amalikia ang Dios kag nanumpa nga imnon ang dugo ni Moroni—Si Helaman kag ang iya mga kauturan nagpadayon sa pagpabakod sang Simbahan. Mga 72 B.C.
Kapitulo 50
Ginpamakuran ni Moroni ang mga kadutaan sang mga Nefinhon—Nagtukod sila sang madamo nga bag-o nga mga siyudad—Mga giyera kag mga kalaglagan natabo sa mga Nefinhon sa mga adlaw sang ila kalainan kag mga kangil-aran—Si Morianton kag ang mga nagsilipak nga nag-upod sa iya ginpierde ni Teancum—Si Nefias napatay, kag ang iya anak nga si Pahoran amo ang nagpungko sa hukom-lingkuranan. Mga 72–67 B.C.
Kapitulo 51
Ang mga maki-hari nagtinguha sa pagliwat sang layi kag pagpahamtang sing isa ka hari—Si Pahoran kag ang mga maki-kahilwayan ginsakdag sang tingug sang katawhan—Ginpilit ni Moroni ang mga maki-hari nga pangapinan ang ila pungsod ukon pamatyon sila—Naagaw ni Amalikia kag sang mga Lamanhon ang madamo sang napamakuran nga mga siyudad—Napaisol ni Teancum ang pagpanalakay sang mga Lamanhon kag ginpatay si Amalikia sa iya tolda. Mga 67–66 B.C.
Kapitulo 52
Ginbuslan ni Ammoron si Amalikia bilang hari sang mga Lamanhon—Ginpangunahan nanday Moroni, Teancum, kag Lehi ang mga Nefinhon sa isa ka madinalag-on nga giyera batok sa mga Lamanhon—Ang siyudad sang Mulek nabawi, kag si Jacob nga Zoramnon napatay. Mga 66–64 B.C.
Kapitulo 53
Ang Lamanhon nga mga bihag gingamit sa pagpamakod sang siyudad nga Bugana—Ang mga pag-ilinaway sang mga Nefinhon nagresulta sa kadalag-an sang mga Lamanhon—Si Helaman ang nagdumala sa duha ka libo ka lamharon nga mga anak nga lalaki sang katawhan ni Amon. Mga 64–63 B.C.
Kapitulo 54
Si Ammoron kag si Moroni nagnegosyar para sa pagbaylohanay sang mga bihag—Nagpangayo si Moroni nga ang mga Lamanhon maghalin kag mag-untat sang ila pagsalakay kag pagpamatay—Nagpangayo si Ammoron nga buy-an sang mga Nefinhon ang ila mga armas kag mangin sakop sang mga Lamanhon. Mga 63 B.C.
Kapitulo 55
Si Moroni nagpangindi sa pagbaylohanay sang mga bihag—Ang Lamanhon nga mga bantay ginganyat agud magkalahubog, kag ang mga Nefinhon nga mga bihag nahilway—Ang siyudad sang Gid naagaw nga wala sing pagpaagay sang dugo. Mga 63–62 B.C.
Kapitulo 56
Si Helaman nagpadala sing isa ka sulat kay Moroni, nga nagasaysay sang kahimtangan sang giyera batok sa mga Lamanhon—Sanday Antipus kag Helaman nakaangkon sing dako nga kadalag-an batok sa mga Lamanhon—Ang duha ka libo ka lamharon nga mga anak nga lalaki ni Helaman nakig-away sing may milagroso nga gahum, kag wala sing isa sa ila nga napatay. Bersikulo 1, mga 62 B.C.; mga bersikulo 2–19, mga 66 B.C.; kag mga bersikulo 20–57, mga 65–64 B.C.
Kapitulo 57
Ginsugid ni Helaman ang pagkaagaw sang Antipara kag ang pag-ampo kag sang ulihi ang pagpangapin sang Cumeni—Ang iya lamharon nga mga Amonhon maisog nga nakig-away; ang tanan nagkalapilasan, apang wala sing napatay—Si Gid nagbalita sang pagpamatay kag sang pagkapalagyo sang mga bihag nga mga Lamanhon. Mga 63 B.C.
Kapitulo 58
Naagaw nanday Helaman, Gid, kag Teomner ang siyudad sang Manti paagi sa taktika—Ang mga Lamanhon nag-isol—Ang mga anak nga lalaki sang katawhan ni Amon naamligan sang nagtindog sila nga malig-on sa pagpangapin sang ila kahilwayan kag pagtuluohan. Mga 63–62 B.C.
Kapitulo 59
Ginpangabay ni Moroni si Pahoran nga pabakuron ang mga puwersa ni Helaman—Gin-agaw sang mga Lamanhon ang siyudad sang Nefias—si Moroni naakig sa gobyerno. Mga 62 B.C.
Kapitulo 60
Si Moroni nagreklamo kay Pahoran parte sa pagpabaya sang gobyerno sa mga kasoldadohan—Ginatugotan sang Ginuo nga pamatyon ang mga matarong—Kinahanglan gid nga gamiton sang mga Nefinhon ang tanan nila nga gahum kag mga pamaagi sa pagluwas sang ila mga kaugalingon halin sa ila mga kaaway—Namahog si Moroni nga makig-away batok sa gobyerno luwas lang kon ihatag ang bulig sa iya mga kasoldadohan. Mga 62 B.C.
Kapitulo 61
Ginsugiran ni Pahoran si Moroni parte sa pag-alsa kag pagrebelde batok sa gobyerno—Gin-agaw sang mga maki-hari ang Zarahemla kag nakig-isa sa mga Lamanhon—Si Pahoran nagpangayo sing bulig militar batok sa mga rebelde. Mga 62 B.C.
Kapitulo 62
Si Moroni naglakat sa pagtabang kay Pahoran sa duta sang Gideon—Ang mga maki-hari nga nagpangindi nga pangapinan ang ila pungsod ginpamatay—Nabawi nanday Pahoran kag Moroni ang Nefias—Madamo nga Lamanhon ang nagbuylog sa katawhan ni Amon—Ginpatay ni Teancum si Ammoron kag tungod sini ginpatay man sia—Ang mga Lamanhon ginpanabog halin sa duta, kag ang paghidaet nagluntad—Si Helaman nagbalik sa pag-alagad kag ginpauswag ang Simbahan. Mga 62–57 B.C.
Kapitulo 63
Si Siblon kag sang ulihi si Helaman ang nagkapot sang sagrado nga mga kasulatan—Madamo nga mga Nefinhon ang nagpanglakaton sa duta pa-norte—Si Hagot nagpasad sang mga sakayan-dagat nga nagapalayag sa weste nga dagat—Ginpierde ni Moronias ang mga Lamanhon sa inaway. Mga 56–52 B.C.