3 Nefi

Balaan ng mga Kasulatan

Libro ni Mormon

Mga Kaundan
Introduksyon kag mga Saksi
1 Nefi
2 Nefi
Jacob
Enos
Jarom
Omni
Mga Pulong ni Mormon
Mosias
Alma
Helaman
3 Nefi
4 Nefi
Mormon
Eter
Moroni
Giya nga Talamdan sa Libro ni Mormon

3 Nefi

Kapitulo 1
Si Nefi, nga anak ni Helaman, naghalin sa ila lugar, kag ang iya anak nga si Nefi amo ang nagtipig sang mga kasulatan—Bisan pa nga ang mga tanda kag mga katilingalahan nagdamo, ang mga malain nagplano sa pagpamatay sang mga matarong—Nag-abot ang gab-i sang pagkabun-ag ni Cristo—Ginpakita ang tanda, kag isa ka bag-o nga bituon ang nagtuhaw—Mga pagbinutig kag mga pagpatalang nagdugang, kag ang mga tulisan ni Gadianton nagpamatay sang madamo. Mga A.D. 1–4.
Kapitulo 2
Ang kalainan kag mga kangil-aran nagdugang sa katawhan—Ang mga Nefinhon kag mga Lamanhon nag-isa agud pangapinan ang ila mga kaugalingon batok sa mga tulisan ni Gadianton—Ang nahaylo nga mga Lamanhon nangin maputi kag gintawag nga mga Nefinhon. Mga A.D. 5–16.
Kapitulo 3
Si Gidianhi, ang lider nga Gadianton, nagmandar nga iampo ni Laconeus kag sang mga Nefinhon ang ila mga kaugalingon kag ang ila mga kadutaan—Ginpili ni Laconeus si Gidgidoni bilang puno nga kapitan sang mga kasoldadohan—Ang mga Nefinhon nagtililipon sa Zarahemla kag Bugana agud pangapinan ang ila mga kaugalingon. Mga A.D. 16–18.
Kapitulo 4
Ginpierde sang mga kasoldadohan nga Nefinhon ang mga tulisan ni Gadianton—Napatay si Gidianhi, kag ang nagbulos sa iya nga si Zemnarias ginbitay—Gindayaw sang mga Nefinhon ang Ginuo tungod sang ila mga kadalag-an. Mga A.D. 19–22.
Kapitulo 5
Ang mga Nefinhon naghinulsol kag nagsikway sang ila mga sala—Ginsulat ni Mormon ang kasaysayan sang iya katawhan kag ginpahayag ang wala’y katubtuban nga pulong sa ila—Ang Israel pagatiponon halin sa iya malawig nga paglinapta. Mga A.D. 22–26.
Kapitulo 6
Ang mga Nefinhon nag-uswag—Ang bugal, manggad, kag pagbinahin-bahin sang katilingban nagtuhaw—Ang Simbahan natunga tungod sang mga pag-ilinaway—Ginpangunahan ni Satanas ang katawhan sa hayag nga pagrebelde—Madamo nga propeta ang nagwali sang paghinulsol kag ginpamatay—Ang mga nagpatay sa ila nagplano sa pag-agaw sang gobyerno. Mga A.D. 26–30.
Kapitulo 7
Ang puno nga hukom ginpatay, ang gobyerno naguba, kag ang katawhan nagbinahin-bahin sa mga tribo—Si Jacob, nga isa ka anti-Cristo, nangin hari sang sekreto nga padihot—Si Nefi nagwali sang paghinulsol kag pagtuo kay Cristo—Ang mga anghel nag-alagad sa iya adlaw-adlaw, kag ginbangon niya ang iya utod nga lalaki halin sa mga minatay—Madamo ang naghinulsol kag nabunyagan. Mga A.D. 30–33.
Kapitulo 8
Mga unos, linog, kalayo, buhawi, kag natural nga mga kalamidad nagapamatuod sang paglansang sa krus kay Cristo—Madamo nga katawhan ang nagkalamatay—Ginlikupan sang kadulom ang kadutaan sa sulod sang tatlo ka adlaw—Inang mga nagkalabilin nagkasubo sang ila kapalaran. Mga A.D. 33–34.
Kapitulo 9
Sa kadudulman, ang tingug ni Cristo nagpahayag sang kalaglagan sang madamo nga katawhan kag mga siyudad tungod sang ila kalainan—Ginpahayag man Niya ang Iya pagkadiosnon, ginpahibalo nga ang layi ni Moises natuman na, kag ginaagda ang mga tawo nga magpalapit sa Iya kag maluwas. Mga A.D. 34.
Kapitulo 10
May kalinong sa kadutaan sa sulod sang madamo nga inoras—Ang tingug ni Cristo nagpromisa nga tiponon ang Iya katawhan pareho sang munga nga nagatipon sang iya mga piso—Ang mas matarong nga bahin sang katawhan naamligan. Mga A.D. 34–35.
Kapitulo 11
Ang Amay nagsaksi parte sa Iya Hinigugma nga Anak—Si Cristo nagpakita kag nagpahayag sang Iya Pagbayad-sala—Ginhikap sang katawhan ang mga agi sang pilas sa Iya mga kamot kag mga tiil kag kilid—Nagsinggit sila sing Hosana—Ginpahamtang Niya ang sulundan kag paagi sang pagbunyag—Ang espiritu sang pagbinaisay iya sang yawa—Ang doktrina ni Cristo amo nga ang mga tawo magpati kag magpabunyag kag magbaton sang Balaan nga Espiritu. Mga A.D. 34.
Kapitulo 12
Si Jesus nagtawag kag nag-awtorisar sang dose ka disipulo—Naghatag Sia sa mga Nefinhon sing isa ka pamulongpulong kaanggid sang Wali sa Bukid—Ginhambal Niya ang mga Kabulahanan—Ang Iya mga pinanudlo mas mataas kag mas importante sa layi ni Moises—Ang mga tawo ginasugo nga mangin perpekto bisan pareho nga Sia kag ang Iya Amay perpekto—Ikomparar ang Mateo 5. Mga A.D. 34.
Kapitulo 13
Gintudloan ni Jesus ang mga Nefinhon sang Pangamuyo sang Ginuo—Dapat magtipon sila sang mga manggad sa langit—Ang dose ka disipulo sa ila pag-alagad ginsugo nga indi magkabalaka sang dutan-on nga mga butang—Ikomparar ang Mateo 6. Mga A.D. 34.
Kapitulo 14
Si Jesus nagsugo: Indi maghukom; magpangayo sa Dios; mag-andam sa di-matuod nga mga propeta—Nagpromisa sia sang kaluwasan sa sinang mga nagahimo sang kabubut-on sang Amay—Ikomparar ang Mateo 7. Mga A.D. 34.
Kapitulo 15
Si Jesus nagpahibalo nga ang layi ni Moises natuman na sa Iya—Ang mga Nefinhon amo ang iban pa nga mga carnero nga Iya ginhambal sa Jerusalem—Tungod sang kalainan, ang katawhan sang Ginuo sa Jerusalem wala nakahibalo parte sa naglinapta nga mga carnero sang Israel. Mga A.D. 34.
Kapitulo 16
Si Jesus magabisita sa iban pa sang nagkaladula nga mga carnero sang Israel—Sa ulihing mga adlaw ang ebanghelyo ipahayag sa mga Gentil kag dayon sa panimalay ni Israel—Makita sang katawhan sang Ginuo sa ila kaugalingon nga mata kon ibalik Niya liwat ang Sion. Mga A.D. 34.
Kapitulo 17
Ginhambalan ni Jesus ang katawhan nga binag-binagon ang Iya mga pulong kag magpangamuyo para sa paghangop—Ginpaayo Niya ang ila mga masakiton—Nagpangamuyo Sia para sa katawhan gamit ang lengguahe nga indi masulat—Ang mga anghel nag-alagad kag ginpalibutan sang kalayo ang ila magagmay nga kabataan. Mga A.D. 34.
Kapitulo 18
Ginsugdan ni Jesus ang sakramento sa mga Nefinhon—Ginsugo sila nga magpangamuyo sing dalayon sa Iya ngalan—Ang mga nagakaon sang Iya unod kag nagainom sang Iya dugo nga di-nagakaangay pagasilotan—Ang mga disipulo ginhatagan sing gahum nga maghatag sang Balaan nga Espiritu. Mga A.D. 34.
Kapitulo 19
Ang dose ka disipulo nag-alagad sa katawhan kag nagpangamuyo nga makabaton sang Balaan nga Espiritu—Ang mga disipulo ginbunyagan kag nagbaton sang Balaan nga Espiritu kag sang pag-alagad sang mga anghel—Si Jesus nagpangamuyo nga nagagamit sang mga pulong nga indi masulat—Nagsaksi sia sa tuman kadako nga pagtuo sining mga Nefinhon. Mga A.D. 34.
Kapitulo 20
Si Jesus milagroso nga naghatag sang tinapay kag bino kag sa liwat gindumalahan ang sakramento sa katawhan—Ang nagkalabilin ni Jacob makadangat sa ihibalo parte sa Ginuo nga ila Dios kag magapanubli sang kadutaan sang Amerika—Si Jesus ang propeta nga pareho kay Moises, kag ang mga Nefinhon mga anak sang mga propeta—Ang iban pa sang katawhan sang Ginuo pagatiponon sa Jerusalem. Mga A.D. 34.
Kapitulo 21
Ang Israel pagatiponon sa paggwa sang Libro ni Mormon—Ang mga Gentil igapahamtang bilang hilway nga katawhan sa Amerika—Pagaluwason sila kon magpati sila kag magtuman; kon indi, pagasikwayon sila kag laglagon—Ang Israel magatukod sang Bag-ong Jerusalem, kag ang nadula nga mga tribo magabalik. Mga A.D. 34.
Kapitulo 22
Sa katapusan nga mga adlaw, ang Sion kag ang iya mga estaka ipahamtang, kag ang Israel pagatiponon sa kaluoy kag gugma—Magamadinalag-on sila—Ikomparar ang Isaias 54. Mga A.D. 34.
Kapitulo 23
Ginsakdag ni Jesus ang mga pulong ni Isaias—Ginsugo Niya ang katawhan nga usisaon ang mga propeta—Ang mga pulong ni Samuel nga Lamanhon parte sa Pagkabanhaw gindugang sa ila mga kasulatan. Mga A.D. 34.
Kapitulo 24
Ang mensahero sang Ginuo magahanda sang alagyan para sa Ika-duha nga Pagkari—Si Cristo magapungko sa paghukom—Ang Israel ginsugo nga magbayad sang mga ika-pulo kag mga halad—Isa ka libro sang handumanan ginatipigan—Ikomparar ang Malaquias 3. Mga A.D. 34.
Kapitulo 25
Sa Ika-duha nga Pagkari, ang mga bugalon kag mga malain masunog pareho sang ginaraban—Si Elias magabalik antes sinang dako kag makahaladlok nga adlaw—Ikomparar ang Malaquias 4. Mga A.D. 34.
Kapitulo 26
Ginpaathag ni Jesus ang tanan nga butang halin sa ginsuguran tubtob sa katapusan—Mga lapsag kag mga kabataan nagmitlang sang dalayawon nga mga butang nga indi masulat—Sila nga mga yara sa Simbahan ni Cristo nagtingob sang ila mga pagkabutang agud gamiton sang tanan. Mga A.D. 34.
Kapitulo 27
Ginsugo sila ni Jesus nga tawgon ang Simbahan sa Iya ngalan—Ang Iya misyon kag halad sang pagbayad-sala amo ang nagabug-os sang Iya ebanghelyo—Ang mga tawo ginasugo nga maghinulsol kag magpabunyag agud nga mapakabalaan sila paagi sa Balaan nga Espiritu—Dapat sila nga mangin pareho kay Jesus. Mga A.D. 34–35.
Kapitulo 28
Siyam sa dose ka disipulo ang naghandum kag ginpromisahan sang palanublion sa ginharian ni Cristo kon mapatay sila—Ang tatlo ka Nefinhon naghandum kag ginhatagan sing gahum batok sa kamatayon agud makapabilin sa duta tubtob nga si Jesus magkari liwat—Ginbag-o ang ila dagway kag nakakita sang mga butang nga wala ginatugot nga imitlang, kag nagaalagad sila subong sa mga tawo. Mga A.D. 34–35.
Kapitulo 29
Ang paggwa sang Libro ni Mormon isa ka tanda nga ang Ginuo nagsugod na sa pagtipon sang Israel kag pagtuman sang Iya mga kasugtanan—Inang mga magasikway sang Iya mga rebelasyon kag mga dulot sa ulihing mga adlaw pagasumpaon. Mga A.D. 34–35.
Kapitulo 30
Ang mga Gentil sa ulihing mga adlaw ginasugo nga maghinulsol, magpalapit kay Cristo, kag maisip upod sa panimalay ni Israel. Mga A.D. 34–35.

I-print

Ilakip ang mga highlight kag kurit sa idalom

Mag-sign in para maggamit

Ilakip ang mga footnote