1 Dungga ninyo, O mga Gentil, kag pamatii ang mga pulong ni Jesucristo, ang Anak sang buhi nga Dios, nga ginsugo niya sa akon nga ihambal ko parte sa inyo, kay, tan-awa ginsugo niya ako nga magsulat ako nga nagasiling:

2 Magtalikod, tanan kamo nga mga Gentil, halin sa inyo malain nga mga gawi; kag maghinulsol sang inyo malain nga mga kahimoan, sang inyo mga pagbinutig kag mga pagpatalang, kag sang inyo mga pagkamakihilawason, kag sang inyo sekreto nga mga kangil-aran, kag sa inyo pagsimba sa mga dios-dios, kag sang inyo mga pagpamatay, kag sang inyo mga butig nga pagkapari, kag sang inyo mga paghinisaay, kag sang inyo mga pag-ilinaway, kag halin sa tanan ninyo nga kalainan kag mga kangil-aran, kag magpalapit sa akon, kag magpabunyag sa akon ngalan, agud makabaton kamo sang kapatawaran sang inyo nga sala, kag mapuno sang Balaan nga Espiritu, agud maisip kamo upod sa akon katawhan nga iya sang panimalay ni Israel.