Ang Libro ni Moroni

1 Karon ako, si Moroni, sang nakatapos sa pagpalip-ot sang kasaysayan sang katawhan ni Jared, naghunahuna ako nga indi na makasulat sing dugang pa, apang wala pa ako napatay; kag wala ako nagapakita sang akon kaugalingon sa mga Lamanhon kay basi patyon nila ako.

2 Kay tan-awa, ang ila mga giyera tuman kabangis sa tunga nila; kag tungod sang ila pagdumot ginapamatay ang tagsa ka Nefinhon nga indi magpanghiwala sang Cristo.

3 Kag ako, si Moroni, indi magpanghiwala sang Cristo; gani, naglibot-libot ako bisan diin nga puwede para sa kasigurohan sang akon kaugalingon nga kabuhi.

4 Gani, magasulat ako sing pila pa ka mga butang, kabaliskaran sinang akon nahunahuna; kay naghunahuna ako nga indi na ako makasulat sing dugang pa; apang magasulat ako sing pila pa ka mga butang, kay basi pa lang mangin mapuslanon ang mga ini para sa akon mga kauturan, ang mga Lamanhon, sa adlaw nga palaabuton, suno sa kabubut-on sang Ginuo.