’utuāfare e ha’uti ra

Te tahi atu mau mātēria tauturu

E ’itehia te tā’āto’ara’a o teie mau mātēria i roto i te Vaira’a buka ’evanelia ’e i ni’a i te ChurchofJesusChrist.org.

Te mau hīmene ’e te Buka Chants pour les enfants

E tītau te pehe mo’a i te Vārua ’e e ha’api’i te reira i te ha’api’ira’a tumu ma te rāve’a e ha’amana’ohia. Ta’a ’ē noa atu te nene’ira’a o Te mau hīmene ’e o te Buka Chants pour les enfants, e nehenehe e noa’a mai te haruharura’a fa’aro’o ’e te video o te mau hīmene e rave rahi, nā te ta’ata pa’ari ’e nā te mau tamari’i, i ni’a i te music.ChurchofJesusChrist.org ’e i roto i te fa’anahora’a LDS Music.

Te mau ve’a a te ’Ēkālesia

E ’itehia te tahi mau ’ā’amu ’e te tahi mau ’ohipa e rave i roto i te mau ve’a Hoa, te New Era, te Ensign, ’e te Liahona ’o tē nehenehe e pa’epa’e i te mau parau tumu tā ’outou e ha’api’i nei mai roto atu i te Mai, pe’e mai—nō te ta’ata hō’ē ’e te ’utuāfare.

Te mau ’ā’amu o te Buka a Moromona

E ti’a i Te mau ’ā’amu o te Buka a Moromona i te tauturu i te mau tamari’i ’ia ’apo i te ha’api’ira’a tumu ’e te mau ’ā’amu i roto i te Buka a Moromona. E ti’a ato’a ia ’outou ’ia ’ite mai i te mau video nō teie mau ’ā’amu i roto i te fa’anahora’a Vaira’a buka ’evanelia ’e i ni’a ia medialibrary.ChurchofJesusChrist.org.

Te mau buka nō te séminaire ’e te institut

E hōro’a te mau buka séminaire ’e institut i te mau ha’amāramaramara’a nō ni’a i terā mau tau ’e te mau fa’ata’ara’a hōhonu nō ni’a i te mau parau tumu ’e te mau tuatāpapara’a ’ohipa e ’itehia i roto i te mau pāpa’ira’a mo’a.

Vaira’a rāve’a ha’apararera’a

E nehenehe te mau hōho’a, te mau video ’e te tahi atu mau rāve’a ha’apararera’a e tauturu ia ’outou ’e i tō ’outou ’utuāfare ’ia hi’o i te ha’api’ira’a tumu ’e te mau ’ā’amu e vai ra i roto i te Buka a Moromona. Haere atu e hi’o i ni’a ia medialibrary.ChurchofJesusChrist.org nō te hi’o haere i te mau rāve’a ha’aparare a te ’Ēkālesia, mai te mau video nō ni’a i te Buka a Moromona, ’o tē fa’a’ite i te mau ’ohipa i tupu i roto i te Buka a Moromona. Tē vai ato’a nei te Vaira’a rāve’a ha’apararera’a ’ei fa’anahora’a ’āfa’ifa’i.

Mau tumu parau nō te ’Evanelia

I ni’a i te topics.ChurchofJesusChrist.org e nehenehe tā ’oe e ’ite i te ha’amāramaramara’a nō ni’a i te mau huru tumu parau ato’a o te ’evanelia, ’e tae noa atu te mau hono nō te mau mātēria tauturu, mai te mau a’ora’a o te ’āmuira’a rahi, te mau fa’ata’ara’a parau, te mau pāpa’ira’a mo’a, ’e te mau video. E nehenehe ato’a e noa’a mai te tahi Mau tamatara’a vauvaura’a nō ni’a i te ’evanelia, ’o tē hōro’a i te mau pāhonora’a hōhonu i te mau uira’a nō ni’a i te ’evanelia.

Mau Māite i te Fa’aro’o

Mai te peu e hina’aro ’outou i te tahi fa’ahou ā tauturu ’ia māramarama i te mau parau tumu niu o te ’evanelia, e nehenehe e hi’o i roto i te Mau māite i te fa’aro’o. E ’āna’ira’a pī’āpā teie nō te mau tumu parau o te ’evanelia tei tātātarahia nā roto i te parau ’ōhie.