“ஏப்ரல் 5–11. கோட்பாடும் உடன்படிக்கைகளும் 30–36: ‘எனது சுவிசேஷத்தைப் பிரசங்கிக்க நீ அழைக்கப்பட்டிருக்கிறாய்’”என்னைப் பின்பற்றி வாருங்கள்—தனிநபர்களுக்கும் குடும்பங்களுக்கும்: கோட்பாடும் உடன்படிக்கைகளும் 2021 (2020)
“ஏப்ரல் 5–11. கோட்பாடும் உடன்படிக்கைகளும் 30–36,” என்னைப் பின்பற்றி வாருங்கள்—தனிநபர்களுக்கும் குடும்பங்களுக்கும்: 2021
ஏப்ரல் 5–11
கோட்பாடும் உடன்படிக்கைகளும் 30–36
“எனது சுவிசேஷத்தைப் பிரசங்கிக்க நீ அழைக்கப்பட்டிருக்கிறாய்”
வேதங்களில், நம்முடைய தனித்துவமான சூழ்நிலைகளுக்கான உள்ளுணர்வுகளைக் காணலாம். கோட்பாடும் உடன்படிக்கைகளும் 30–36 ல் உங்களுக்காக ஒரு செய்தியைக் கண்டுபிடிக்க உங்களுக்கு உதவ கர்த்தரிடம் கேளுங்கள்.
உங்கள் எண்ணங்களைப் பதிவுசெய்யவும்
பார்லி பி. பிராட் “வனாந்தரத்தில்” சுவிசேஷத்தைப் பிரசங்கிக்க அழைக்கப்பட்டபோது, சுமார் ஒரு மாத கால சபை உறுப்பினராக இருந்தார் (கோட்பாடும் உடன்படிக்கைகளும் 32:2). “உனது ஊழியத்தின் நேரம் வந்தது” என்று கூறப்பட்டபோது தாமஸ் பி. மார்ஷ் அதைவிட குறைவான காலமே உறுப்பினராக இருந்தார் (கோட்பாடும் உடன்படிக்கைகளும் 31:3) . ஆர்சன் பிராட், எட்வர்ட் பாட்ரிட்ஜ் மற்றும் பலர் இதேபோல் அவர்களின் ஊழிய அழைப்புகள் வந்தபோது ஞானஸ்நானம் பெற்றனர். ஒருவேளை இந்த நேரம் அனைத்து தேவைகளின் நேரமாக இருந்ததால், 1830 இலையுதிர்காலத்தில், யாரும் ஆறு மாதங்களுக்கும் மேலாக சபையின் உறுப்பினராக இருந்திருக்கவில்லை. ஆனால் இன்று இந்த மாதிரியில் ஒரு படிப்பினையும் உள்ளது: ஞானஸ்நானம் மூலம் மறுஸ்தாபிதம் செய்யப்பட்ட சுவிசேஷத்தை ஏற்றுக்கொள்ள உங்களுக்கு போதுமான அளவு தெரிந்தால், அதை மற்றவர்களுடன் பகிர்ந்து கொள்ள உங்களுக்கு போதுமான அளவு தெரியும். நிச்சயமாக நாம் எப்போதும் நம் சுவிசேஷ அறிவை அதிகரிக்க விரும்புகிறோம், ஆனால் அவருடைய சுவிசேஷத்தைப் பிரசங்கிக்க “கல்லாதவர்களை” அழைக்க தேவன் ஒருபோதும் தயங்கவில்லை (கோட்பாடும் உடன்படிக்கைகளும் 35:13). உண்மையில், அவர் நம் அனைவரையும் அழைக்கிறார், “எனது சுவிசேஷத்தை அறிவிக்க நீ உன் வாயைத் திற” (கோட்பாடும் உடன்படிக்கைகளும் 30:5). நாம் அதைச் சிறப்பாகச் செய்வது நம்முடைய சொந்த ஞானத்தினாலும் அனுபவத்தினாலும் அல்ல, ஆனால் “[ஆவியின்] வல்லமையால்” ( கோட்பாடும் உடன்படிக்கைகளும் 35:13).
“The Faith and Fall of Thomas Marsh,” “Ezra Thayer: From Skeptic to Believer,” “Orson Pratt’s Call to Serve,” Revelations in Context, 54–69ஐயும் பார்க்கவும்.
தனிப்பட்ட வேதப் படிப்பிற்கான ஆலோசனைகள்
கோட்பாடும் உடன்படிக்கைகளும் 30–36
இயேசு கிறிஸ்துவின் நற்செய்தியைப் பிரசங்கிக்க நான் அழைக்கப்படுகிறேன்.
நீங்கள் ஒரு ஊழியக்காரராக முறையான அழைப்பைக் கொண்டிருந்தாலும் இல்லாவிட்டாலும், நீங்கள் அவருடைய சுவிசேஷத்தைப் பகிர்ந்து கொள்ள கர்த்தர் விரும்புகிறார், மேலும் இந்த ஊழியக்காலத்தின் ஆரம்பகால ஊழியக்காரர்களுக்கு அவர் அளித்த பல வார்த்தைகள் உங்களுக்கும் உள்ளன. நீங்கள் கோட்பாடும் உடன்படிக்கைகளும் 30–36 படிக்கும்போது, சுவிசேஷத்தைப் பிரசங்கிப்பதற்கான அழைப்பைப்பற்றி நீங்கள் கற்றுக்கொண்டதைப் பதிவுசெய்யவும். கர்த்தர் தம்முடைய ஊழியக்காரர்களிடம் கேட்கும் விஷயங்களின் பட்டியலை நீங்கள் எழுதலாம் (எடுத்துக்காட்டாக, கோட்பாடும் உடன்படிக்கைகளும் 30: 8 பார்க்கவும்) மற்றும் கர்த்தர் அவர்களுக்கு வாக்குறுதியளிக்கும் விஷயங்களின் மற்றொரு பட்டியலையும் நீங்கள் எழுதலாம் (எடுத்துக்காட்டாக, கோட்பாடும் உடன்படிக்கைகளும் 30:11 பார்க்கவும்).
பிரச்சாரம் செய்யும் அல்லது சபை சேவை ஊழியத்துக்கு சேவை செய்கிற அல்லது பணியாற்றத் தயாரான உங்களுக்குத் தெரிந்த ஒருவரை இந்த வசனங்கள் எவ்வாறு ஊக்குவிக்கக்கூடும்? சுவிசேஷத்தைப் பகிர்ந்து கொள்ள உங்களைத் தூண்டுகிற எதை நீங்கள் காண்கிறீர்கள்?
கோட்பாடும் உடன்படிக்கைகளும் 35:13–15; Russell M. Nelson and Wendy W. Nelson, “Hope of Israel” (worldwide devotional for youth, June 3, 2018), HopeofIsrael.ChurchofJesusChrist.org; Silvia H. Allred, “Go Ye Therefore,” Ensign or Liahona, Nov. 2008, 10–12ஐயும் பார்க்கவும்.
நாம் அனைவரும் இயேசு கிறிஸ்து சபையின் ஊழியக்காரர்கள்.
கோட்பாடும் உடன்படிக்கைகளும் 31:2, 5–6, 9, 13
என் குடும்ப உறவுகளில் கர்த்தர் எனக்கு உதவ முடியும்.
1830களில் குடும்பங்கள் இன்று குடும்பங்கள் எதிர்கொள்ளும் அதே பல பிரச்சினைகளுடன் போராடின. தாமஸ் பி. மார்ஷ்க்கு அவரது குடும்பத்தைப்பற்றி கர்த்தர் என்ன வழிகாட்டுதலையும் வாக்குறுதிகளையும் கொடுத்தார்? உங்கள் குடும்ப உறவுகளில் அவருடைய வார்த்தைகள் உங்களுக்கு எவ்வாறு உதவ முடியும்?
தாமஸ் பி. மார்ஷைப்பற்றிய கூடுதல் தகவலுக்கு Saints, 1:79–80, 119–20 பார்க்கவும்.
கோட்பாடும் உடன்படிக்கைகளும் 32;35
லாமானியர்களுக்கான ஊழியம் தோல்வியடைந்ததா?
ஆலிவர் கவுட்ரி, பீட்டர் விட்மர் ஜூனியர்., பார்லி பி. பிராட் மற்றும் ஸீபா பீட்டர்சன் மிசௌரிக்கு மேற்கே உள்ள அமெரிக்க செவ்விந்தியர்களிடம் பிரசங்கிக்க புறப்பட்டனர், பிற்காலத்தில் லாமானியர்கள் சுவிசேஷத்தைப் பெறுவதைப்பற்றிய மார்மன் புஸ்தக தீர்க்கதரிசனங்களை அவர்கள் நிறைவேற்றுவதாக அவர்கள் நம்பினர் (எடுத்துக்காட்டாக, 1 நேபி 13:34–41; ஈனோஸ் 1: 11–18 பார்க்கவும்). இன்னும் அவர்களின் ஊழியத்தின் முடிவில், அவர்கள் சில குழுக்களுடன் நேர்மறையான சந்திப்புகளைக் கொண்டிருந்தாலும், அவர்கள் ஒரு அமெரிக்க செவ்விந்தியருக்கும் ஞானஸ்நானம் கொடுக்கவில்லை. ஆனால் அவர்கள் ஒஹாயோவின் கர்த்லாந்து அருகே நூற்றுக்கும் மேற்பட்டவர்களுக்கு ஞானஸ்நானம் கொடுத்தனர், அங்கு அவர்கள் மிசௌரிக்கு செல்லும் வழியில் தங்கினர். அந்த மனமாற்றப்பட்டவர்களில் சிட்னி ரிக்டன் உட்பட வருங்கால செல்வாக்கு மிக்க சபைத் தலைவர்களும் இருந்தனர், பின்னர் கர்த்லாந்து சபைக்கு ஒரு முக்கியமான கூடுகையாக மாறியது. கர்த்தர் அவருடைய பணியை எவ்வாறு நிறைவேற்றுகிறார் என்பதைப்பற்றி உங்களுக்கு என்ன போதிக்கிறது?
“A Mission to the Lamanites,” Revelations in Context, 45–49ஐயும் பார்க்கவும்.
கோட்பாடும் உடன்படிக்கைகளும் 33:12–18
கர்த்தரின் சுவிசேஷத்தின்படி நான் என் வாழ்க்கையை கட்டியெழுப்பினால், நான் விழ மாட்டேன்.
நார்த்ரோப் ஸ்வீட் மற்றும் எஸ்ரா தாயர் என்ற அண்மையில் மனமாற்றப்பட்ட இருவருக்கும் கோட்பாடும் உடன்படிக்கைகளும் 33 எழுதப்பட்டது. இந்த வெளிப்பாடு வழங்கப்பட்ட உடனேயே நார்த்ரோப் சபையை விட்டு வெளியேறினார். எஸ்றா சிறிது காலம் உண்மையுடன் பணியாற்றினார், ஆனால் அவரும் இறுதியில் விலகிவிட்டார். சுவிசேஷ “[கற்பாறை மீது]” (வசனம் 13) நீங்கள் எவ்வளவு உறுதியாக கட்டமைக்கப்பட்டுள்ளீர்கள் என்பதை மதிப்பீடு செய்ய இது ஒரு நல்ல வாய்ப்பாக இருக்கும். இந்த வசனங்களில் என்ன சத்தியங்கள் இரட்சகருக்கு உண்மையாக இருக்க உங்களுக்கு உதவும்?
குடும்ப வேதப் படிப்பு மற்றும் இல்ல மாலைக்கான ஆலோசனைகள்
-
கோட்பாடும் உடன்படிக்கைகளும் 30:2.“பூமியின் காரியங்களை” விட தேவனின் விஷயங்களில் கவனம் செலுத்துவதில் ஒரு குடும்பமாக நாம் எவ்வாறு இருக்கிறோம்?
-
கோட்பாடும் உடன்படிக்கைகளும் 31.தாமஸ் பி. மார்ஷூக்கு அவரது குடும்பத்தைப்பற்றி, கர்த்தர் அளித்த வாக்குறுதிகளை நீங்கள் வாசிக்கும்போது. ஊழியப்பணி காரணமாக உங்கள் குடும்பத்திற்கு கிடைத்த ஆசீர்வாதங்களைப்பற்றி பேசலாம். You could also sing a related hymn, such as “I’ll Go Where You Want Me to Go” (Hymns, no. 270) போன்ற அது தொடர்பான பாடலை நீங்கள் பாடலாம். மற்றவர்களுடன் சுவிசேஷத்தைப் பகிர்ந்துகொள்வதன் மூலம் உங்கள் குடும்பம் எவ்வாறு ஆசீர்வதிக்கப்பட்டுள்ளது?
-
கோட்பாடும் உடன்படிக்கைகளும் 33:7–10.சுவிசேஷத்தைப் பகிர்வதை விவரிக்க இந்த வசனங்களில் கர்த்தர் எந்த உருவத்தைப் பயன்படுத்தினார்? உங்கள் குடும்பம் வேறு என்ன படங்கள் அல்லது உருவகங்களைப்பற்றி சிந்திக்க முடியும்? சுவிசேஷத்தைப் பகிர்ந்து கொள்வதற்கான ஆக்கபூர்வமான வழிகளைப்பற்றி சிந்திக்க இந்த படங்கள் உங்கள் குடும்பத்திற்கு உதவக்கூடும். இந்த கலந்துரையாடல் பின்னர் சுவிசேஷத்தைப் பகிர்ந்து கொள்ளும் திட்டத்திற்கு வழிவகுக்கலாம். சில சாத்தியமான சூழ்நிலைகளில் நடித்து காட்டுவதைக் கருத்தில் கொள்ளவும்.
-
கோட்பாடும் உடன்படிக்கைகளும் 34:10.வசனம் 10லிருந்து ஒரு சொற்றொடரைத் தேர்ந்தெடுத்து, ஒரு குடும்ப அங்கத்தினரை அதைக் கிசுகிசுக்க அழைக்கவும். மற்ற குடும்ப அங்கத்தினர்கள் இந்த சொற்றொடரை யூகிக்க முயற்சி செய்யலாம். பின்னர் ஒரு குடும்ப அங்கத்தினரிடம் இந்த சொற்றொடரை உரத்த குரலில் சொல்லச் சொல்லுங்கள். “உங்கள் குரலை உயர்த்த” கர்த்தர் ஏன் கட்டளையிடுகிறார் என்பதைப் புரிந்துகொள்ள இந்த செயல்பாடு நமக்கு எவ்வாறு உதவுகிறது?
பிள்ளைகளுக்கு போதிக்க கூடுதல் ஆலோசனைகளுக்கு, இந்த வாரக் குறிப்பில், என்னைப் பின்பற்றி வாருங்கள்—ஆரம்ப வகுப்புக்காக பார்க்கவும்.
ஆலோசனையளிக்கப்பட்ட பாடல்: “I Hope They Call Me on a Mission,” Children’s Songbook, 169.
மறுஸ்தாபிதத்தின் குரல்கள்
ஆரம்ப கால மனமாறியவர்கள்
சபை ஸ்தாபிக்கப்படுவதற்கு முன்பே, “வயல் இப்போதே அறுப்புக்கு விளைந்திருக்கிறது” என்று கர்த்தர் அறிவித்தார் (கோட்பாடும் உடன்படிக்கைகளும் 4:4) இயேசு கிறிஸ்துவின் மறுஸ்தாபிதம் செய்யப்பட்ட சபையைக் கண்டுபிடிப்பதற்காக சத்தியத்தைத் தேடுபவர்கள் தேவ ஆவியால் வழிநடத்தப்பட்டதால், அடுத்த மாதங்களில் இந்த அறிக்கை உண்மை என்பதை நிரூபித்தது.
இந்த ஆரம்பகால மனமாறியவர்களில் பலர் மறுஸ்தாபிதத்தின் அடித்தளத்தை அமைப்பதில் கருவியாக இருந்தனர், மேலும் அவர்களின் மனமாற்றத்தின் கதைகள் இன்று நமக்கு மதிப்புமிக்கவை. அவர்கள் காட்டிய விசுவாசம், இயேசு கிறிஸ்துவின் சுவிசேஷத்துக்கு மனமாற வேண்டிய அதே நம்பிக்கையைக் காட்டியது.
அபிகாயில் கால்கின்ஸ் லியோனார்ட்
அபிகாயில் கால்கின்ஸ் லியோனார்ட் தனது நடு முப்பதுகளில் இருந்தபோது, அவள் செய்த பாவங்கள் மன்னிக்கப்பட வேண்டும் என்று அவள் விரும்பினாள். அவள் எப்போதாவது வேதாகமம் வாசித்தாள், கிறிஸ்தவ சபைகளைச் சேர்ந்தவர்கள் அவளுடைய வீட்டிற்குச் சென்றார்கள், ஆனால் ஒரு சபையை இன்னொரு சபையிலிருந்து வேறுபடுத்துவது குறித்து அவள் குழப்பமடைந்தாள். “ஒரு நாள் காலையில், நான் என் வேதாகமத்தை எடுத்துக்கொண்டு காட்டுக்குச் சென்றேன், நான் முழங்காலில் விழுந்தேன்.” அவள் கர்த்தரிடம் உருக்கமாக ஜெபித்தாள். அவள் சொன்னாள், “உடனே ஒரு தரிசனம் என் கண் முன்னே சென்றது, வெவ்வேறு பிரிவுகள் ஒன்றன் பின் ஒன்றாக என்னைக் கடந்து சென்றன, ஒரு குரல் என்னை அழைத்தது: ‘இவை ஆதாயத்திற்காக கட்டப்பட்டுள்ளன. ’ பின்னர், அதற்கு அப்பால், நான் ஒரு பெரிய ஒளியைக் காண முடிந்தது, மேலே இருந்து ஒரு குரல் கூப்பிட்டது: ‘நான் ஒரு ஜனத்தை எழுப்புவேன், அவர்களை நான் சொந்தமாகக் கொண்டு ஆசீர்வதிப்பேன்.’ ” சிறிது நேரத்திற்குப் பிறகு, அபிகாயில் மார்மன் புஸ்தகத்தைப்பற்றி கேள்விப்பட்டாள். அவளிடம் இன்னும் ஒரு பிரதி இல்லை என்றாலும், “பரிசுத்த ஆவியின் வரம் மற்றும் வல்லமையால் இந்த புத்தகத்தின் உண்மையை அறிய” முயன்றாள், அவள் “உடனடியாக அது இருப்பதை உணர்ந்தாள்.” கடைசியாக மார்மன் புஸ்தகத்தை அவளால் படிக்க முடிந்தபோது, அவள் “அதைப் பெறத் தயாராக இருந்தாள்.” அவளும் அவளது கணவர் லைமனும் 1831ல் ஞானஸ்நானம் பெற்றனர். 1
தாமஸ் பி. மார்ஷ்
தாமஸ் பி. மார்ஷ் இளம் வயதில், அவர் வேதாகமம் படித்து ஒரு கிறிஸ்தவ சபையில் சேர்ந்தார். ஆனால் அவர் திருப்தியடையவில்லை, இறுதியாக அனைத்து சபைகளிலிருந்தும் விலகினார். “தீர்க்கதரிசன ஆவியின் அளவை நான் கொண்டிருந்தேன், [ஒரு மதத் தலைவரிடம்] ஒரு புதிய சபை உருவாகும் என்று நான் எதிர்பார்த்தேன், அது அதன் தூய்மையில் உண்மையைக் கொண்டிருக்கும்” என்று அவர் கூறினார். இதற்குப் பிறகு, மாசசூசெட்ஸில் உள்ள பாஸ்டன் நகரில் உள்ள தனது வீட்டை விட்டு வெளியேறி மேற்கு நோக்கி பயணிக்க தாமஸுக்கு ஆவிக்குரிய தூண்டுதல் இருந்தது. மேற்கு நியூயார்க்கில் அவர் தேடுவதைக் கண்டுபிடிக்காமல் மூன்று மாதங்கள் கழித்த பின்னர், அவர் வீட்டிற்கு திரும்பத் தொடங்கினார். வழியில், ஒரு பெண் தாமஸிடம் “ஜோசப் ஸ்மித் என்ற இளைஞரால் கண்டுபிடிக்கப்பட்ட தங்கப்புத்தகத்தைப்பற்றி” கேள்விப்பட்டாரா என்று கேட்டார். இந்த எண்ணத்தால் ஈர்க்கப்பட்ட தாமஸ் உடனடியாக பால்மைராவுக்குச் சென்று மார்மன் புஸ்தகத்தின் முதல் 16 பக்கங்கள் அச்சில் இருந்து வந்த போது மார்ட்டின் ஹாரிஸை அச்சிடும் இடத்தில் சந்தித்தார். அந்த 16 பக்கங்களின் பிரதியை எடுத்துப்போக தாமஸ் அனுமதிக்கப்பட்டார், மேலும் அவர் அவற்றை தனது மனைவி எலிசபெத்திடம் வீட்டிற்கு கொண்டு வந்தார். புத்தகத்தைக் குறித்து “அவள் மிகவும் மகிழ்ச்சியடைந்தாள்”, “இது தேவ செயல் என்று நம்பியதாக” அவர் நினைவு கூர்ந்தார். தாமஸ் மற்றும் எலிசபெத் பின்னர் தங்கள் குழந்தைகளுடன் நியூயார்க்கிற்குச் சென்று ஞானஸ்நானம் பெற்றனர்.2 (தாமஸ் பி. மார்ஷைப்பற்றிய கூடுதல் தகவலுக்கு, கோட்பாடும் உடன்படிக்கைகளும் 31 பார்க்கவும்.)
பார்லி மற்றும் தாங்க்புல் பிராட்
தாமஸ் மார்ஷைப் போலவே, பார்லியும், தாங்க்புல் பிராட்டும் ஆவிக்குரிய உணர்ச்சிகளுக்கு ஒஹாயோவில் தங்கள் வளமான பண்ணையை விட்டு வெளியேறி பதிலளித்தனர். பார்லி தனது சகோதரரிடம் கூறியது போல், “இவற்றின் ஆவி அண்மைக்காலத்தில் என் மனதில் மிகவும் வல்லமைவாய்ந்ததாக இருந்ததால் என்னால் இருக்க முடியவில்லை.” 3 அவர்கள் கிழக்கு நியூயார்க்கை அடைந்தபோது, பார்லி இப்பகுதியில் சிறிது நேரம் இருக்கும்படி தூண்டுதல் பெற்றார். தாங்க்புல், அவர் இல்லாமல் தொடர்து அங்கிருப்பார் என்று அவர்கள் முடிவு செய்தனர். பார்லி அவரிடம் சொன்னார், “நாட்டின் இந்த பிராந்தியத்தில் எனக்கு ஒரு வேலை இருக்கிறது, அது என்ன, அல்லது அதைச் செய்ய எவ்வளவு காலம் ஆகும், என்று எனக்குத் தெரியாது; ஆனால் அது நிகழும்போது நான் வருவேன். ”4 அங்குதான் மார்மன் புஸ்தகத்தைப்பற்றி பார்லி முதன்முதலில் கேள்விப்பட்டார். “நான் புத்தகத்தில் ஒரு விசித்திரமான ஆர்வத்தை உணர்ந்தேன்,” என்று அவர் கூறினார்.5 அவர் ஒரு பிரதி கேட்டு இரவு முழுவதும் படித்தார். காலையில், புத்தகம் உண்மை என்று அவர் அறிந்திருந்தார், அதை “உலகின் எல்லா செல்வங்களையும் விட அதிகமாக” மதிப்பிட்டார்.6 சில நாட்களில் பார்லி ஞானஸ்நானம் பெற்றார். பின்னர் அவர் ஞானஸ்நானம் பெற்று தாங்க்புல்லிடம் திரும்பினார். (பார்லி பி. பிராட்டைப்பற்றிய கூடுதல் தகவலுக்கு, கோட்பாடும் உடன்படிக்கைகளும் 32 பார்க்கவும்.)
பார்லி பி. பிராட்டின் ஓவியம்–ஜெப்ரி ஹெய்ன்
சிட்னி மற்றும் பெபே ரிக்டன்
நியூயார்க்கில் இருந்து மிசௌரியில் ஒரு பணிக்குச் செல்லும் வழியில், பார்லி பிராட் மற்றும் அவரது சக தொழிலாளர்கள் ஒஹாயோவின் மென்டரில் சிட்னி மற்றும் பெபே ரிக்டனின் வீட்டில் தங்கினர், பழைய நண்பர்களை, ஒஹாயோவில் இருந்த நாட்களில் இருந்தே பார்லி அறிந்திருந்தார். சிட்னி ஒரு கிறிஸ்தவ பாதிரியாராக இருந்தார், பார்லி ஒரு காலத்தில் அவருடைய சபையில் உறுப்பினராக இருந்தார், அவரை ஆன்மீக வழிகாட்டியாக கருதினார். மார்மன் புஸ்தகம் மற்றும் இயேசு கிறிஸ்துவின் சுவிசேஷத்தின் மறுஸ்தாபித்தைப்பற்றி பார்லி ஆர்வத்துடன் தனது நண்பர்களிடம் கூறினார். சிட்னி புதிய ஏற்பாட்டில் விவரிக்கப்பட்டுள்ள உண்மையான சபையின் மறுஸ்தாபிதத்தைத் தேடிக்கொண்டிருந்தார், முதலில் மார்மன் புஸ்தகத்தைப்பற்றி அவருக்கு சந்தேகம் இருந்தது. “ஆனால் நான் உங்கள் புத்தகத்தைப் படிப்பேன், அது தேவனிடமிருந்து வந்ததா இல்லையா என்பதைக் கண்டறிய முயற்சிப்பேன்” என்று அவர் தனது நண்பர் பார்லியிடம் கூறினார்.7 இரண்டு வார படிப்பு மற்றும் பிரார்த்தனைக்குப் பிறகு, அவரும் பெபேவும் புத்தகம் உண்மை என்று உறுதியாக நம்பினர். ஆனால் சிட்னி சேருவது அவரது குடும்பத்திற்கு ஒரு பெரிய தியாகமாக இருக்கும் என்பதையும் சிட்னி அறிந்திருந்தார். அவர் சமூகத்தில் தனது சமூக அந்தஸ்துடன் சேர்ந்து ஒரு பாதிரியாராக தனது வேலையை இழக்க நேரிடும். அவரும் பெபேவும் இந்த சாத்தியத்தைப்பற்றி விவாதித்தபோது, பெபே அறிவித்தார், “நான் செலவைக் கணக்கிட்டுள்ளேன், மேலும்… தேவனுடைய சித்தத்தைச் செய்ய வேண்டும், வாழ்வா சாவா என்பது எனது விருப்பம்.” 8
வனாந்தரத்தினுள் போ–ராபர்ட் டி. பாரட்