13–19 ni Tiseba

Na Matavuvale: Ai Vakaro ki Vuravura Raraba

“Na Matavuvale Esa Usutu ni Nona iTuvatuva na Dauveibuli”

E kaya o Peresitedi Dallin H. Oaks: “Au vakabauta na noda ivalavala ki na kei na vakayagataki ni vakaro ni matavuvale esa [dua na bolebole] ki na itabatamata oqo. Sa noqu masu ni na tudei kece na Yalododonu Edaidai ena veivakatovolei oya” (“Na Yavu kei na iVakaro,” Ensign, se Liaona, Nove. 2017, 30–31). Vakasamataka na veivosa oqo ni ko vulica na ivakaro ni matavuvale ena macawa oqo.

Vola na Veika o Uqeti Kina

Ni da se bera mada ga ni sucu, eda a tiki tu ni dua na matavuvale—na nodrau matavuvale na noda iTubutubu Vakalomalagi. Ni sa kena gauna meda biuta kina na Nodrau itikotiko, a rairai veivakacegui meda kila ni ena vuravura oqo, na matavuvale ena tiki talega ni ituvatuva ni Kalou. Na kena ivakarau e vuravura e nakiti me vakavoqataka na ivakarau sa uasivi sara mai lomalagi.

Ni sa sega na ivakadei ni matavuvale ena vuravura oqo me na totoka vakaoti se matata vinaka. Ia me vaka a vakavulica o Peresitedi Henry B. Eyring, na matavuvale “era solia kivei ira na luve ni Kalou na gauna vinaka duadua mera kidavaki kina e vuravura mai na loloma duadua ga e vuravura e volekata sara na ka eda a vakila mai lomalagi—na loloma vakaitubutubu” (“Vakasoqoni Vata na Matavuvale ni Kalou,” Ensign se Liaona, Me 2017, 20). Na noda kila ni matavuvale e sega ni uasivi sara ka rawa ni valuti mai vua na meca, sa tala mai kina na Kalou na Luvena Daulomani me mai vueti keda ka vakabula na noda matavuvale. Ka sa talai ira mai na parofita edaidai kei na ivakaro raraba me taqomaka ka vaqaqacotaka na matavuvale. Kevaka eda na muri ira na parofita ka vakabauta tiko na iVakabula, e dina ga ni matavuvale vakayago sa sega ni yacova rawa na veika dodonu vakalou, sa tiko na inuinui ni matavuvale—e vuravura ka vakakina mai lomalagi.

Vakasama ni Vuli iVolanikalou ni Tamata Yadua

“Na Matavuvale Esa Usutu ni Nona iTuvatuva na Dauveibuli.”

“Na Matavuvale: Ai Vakaro ki Vuravura Raraba” esa baleta sara ga na matavuvale. Ia esa baleta vakatautauvata na ituvatuva ni veivakabulai ni Kalou. Dua na sala me vulici kina na ivakaro raraba oqo o ya meda raica na veika e vakavulica baleta na noda bula taumada, bula oqo, kei na bula e tarava. Na cava o kila rawa ni ko vulica na ivakaro ena sala oqo? Ena vukei iko vakacava oqo mo kila vakamatata na vuna e yaga vakalevu kina na vakamau kei na matavuvale ena ituvatuva ni Kalou?

Raica talega na Dallin H. Oaks, “Na Yavu kei na iVakaro,” Ensign se Liaona, Nove. 2017, 28–31.

“Ena qai rawati sara na marau ni bula vakamatavuvale ni sa yavutaki ena ivakavuvuli ni Turaga o Jisu Karisito.”

Vakasamataka mada na parakaravu ono kei na vitu ni ivakaro raraba ni matavuvale me dua na ivakarau ni “bula marau ena bula vakamatavuvale.” Ni ko wilika na parakaravu oqo, vakatakila na ivakavuvuli ni “vakawati kei na matavuvale gugumatua.” Mo qai vakasamataka e dua na veiwekani vakamatavuvale o gadreva mo vaqaqacotaka. Na cava o sa vakauqeti kina mo cakava? O na okata vakacava na iVakabula ena nomu sasaga?

Raica talega na Richard J. Maynes, “Tauyavutaki ni Matavuvale ka Kena iTakele o Karisito,” Ensign se Liaona, Me 2011, 37–39; “What Matters Most,” video, ChurchofJesusChrist.org.

Au “na soli tukutuku ena mata ni Kalou” ena sala au qarava kina na noqu matavuvale.

Na ivakaro raraba ni matavuvale era oka kina na veivakalougatataki totoka sa yalataka tu na Tamada Vakalomalagi me baleti ira ka muria na Nona ivakasala. E oka talega kina na veivakaroti kaukauwa vei ira era sega ni vakakina. Sa rawa mo vola na veivakalougatataki kei na veivakaroti o sa kunea.

O sa cakacakataka tiko vakacava na ivakasala ni Kalou ena ivakaro? Ke o tu ena mata ni Kalou edaidai, na cava beka o na yalodei ni veivosakitaka kei Koya me baleta na nomu veimaliwai vakamatavuvale? Na cava o na gadreva mo vakatorocaketaka?

Raica talega na Alama 5:15–22; Vunau kei na Veiyalayalati 42:22–25; 93:39–44.

Me ra susuga cake na itubutubu na luvedra ena loloma kei na buladodonu.

E rawa beka meu ciqoma na veivakalougatataki yalataki kevaka e sega ni daumaka tu na ituvaki ni noqu matavuvale?

E vakavulica o Elder D. Todd Christofferson: “Me cauraki na yavu dina e semati ki na vakamau kei na matavuvale e sega ni kena raibaleti se vakalailaitaki na nodra solibula kei na rawaka o ira era sega ni se daumaka tu ena gauna oqo. … E tiko kece vei keda na isolisoli; e tiko kece vei keda na taledi; sa rawa ni da cau kece ki na cereki ni tuvatuva vakalou ena itabatamata yadua. E levu sa vinaka, e levu sa veiganiti—ka so na gauna na ka taucoko e sa gadrevi ena gauna oqo—sa rawa ni rawati ena ituvaki lailai yaga sara. … Ena nuidei eda vakadinadinataka ni Veisorovaki i Jisu Karisito e sa namaki ka, e muri, na dolea lesu na veika taucoko a tawarawati ka yali kivei ira ka gole ki Vua. E sega ni navuci taumada kivua e dua me rawata vakalailai mai na veika e tiko taucoko vua na Tamada me baleti ira na Luvena” (“A Cava na Vuni Vakawati, A Cava na Vuni Matavuvale,” Ensign se Liaona, Me 2015, 52).

Vakasama baleta na Vuli iVolanikalou Vakamatavuvale kei na Lotu Vakamatavuvale

“Na yalewa se tagane e sa dua na ituvaki veiganiti ni vakatakilakila kei na inaki vakayadua ena bula taumada, bula oqo, kei na kena e tawamudu.”Kevaka me veivuke ena matavuvale mo dou veivosakitaka na ivunau semati ki na veivinakataki ni tagane kei na yalewa kei na vakamataqali vata, na ivurevure eso oqo ena rawa ni veivuke: Dallin H. Oaks, “Dina kei na iTuvatuva,” Ensign se Liaona, Nove. 2018, 25–28; Gospel Topics, “Same-Sex Attraction,” topics.ChurchofJesusChrist.org.

“Na ituvatuva vakalou ni bula marau.”Me vukea na nomu matavuvale ni raica na bibi ni matavuvale ena ituvatuva ni Tamada Vakalomalagi, o na via vola beka bula taumada, bula oqo, kei na bula ni oti na mate ena tolu na wasewase ni dua na tiki ni pepa. Vakasaqaqara vata ena ivakaro oqo, ka vola ena pepa na veika o sa vulica me baleta na veiwase oqo ni tuvatuva ni Kalou. Na cava na vuna sa rui bibi kina vua na Kalou na matavuvale?

“[E rawa] me vakaduavatataki tawamudu na matavuvale.”Sa rawa mo dou sarava na vidio “Plan of Salvation—We’re Still a Family” (ChurchofJesusChrist.org). Vaqara ena ivakaro raraba ni matavuvale me baleta na dina eso sa kila vakamatata tu na cauravou ena vidio ka sa vukea na nona vakabauta.

“Na bula marau ena bula vakamatavuvale.”Me veivosakitaki na sala me rawati vakalevu kina na “bula marau ena [nomu] bula vakamatavuvale,” sa rawa mo dou lagata vata e dua na sere me baleta na matavuvale, vakataka na “Vale Me Vaka Mai Lagi” (Sere ni Lotu, naba 181). Na cava eda vulica mai na sere kei na ivakaro raraba ni matavuvale ena kauta mai na marau levu cake ki na noda matavuvale? E rawa vakacava meda vakadeitaka na noda matavuvale me “yavutaki ena ivakavuvuli ni Turaga o Jisu Karisito”? Navuca mo digitaka e dua na ivakavuvuli o vinakata mo cakacakataka ena macawa oqo.

“Vakaukauwataka na matavuvale ni sa yavunibula bibi ni tamata.”Sa saga tiko vakacava o Setani me vakamalumalumutaka na matavuvale e vuravura? E rawa vakacava meda vakayacora na noda itavi me vaqaqacotaki kina na matavuvale? Ena vakasama eso, raica na itukutuku i Sisita Bonnie L. Oscarson “Ira na Dautaqomaka na iVakaro ni Matavuvale” (Ensign se Liaona, Me 2015, 14–17).

Me baleta eso tale na vakasama ni nodra vakavulici na gone, raica na ituvatuva ena macawa oqo ena Lako Mai, Mo Muri Au—Baleta na Lalai.

Na sere vakaturi: “Vale me Vaka mai Lagi,” Serenilotu, naba 181.

Vakatorocaketaki na Vuli ni Tamata Yadua

Vakaraica na loloma ni Kalou. E vakatavulica o Peresitedi M. Russell Ballard, “[Na] kosipeli esa kosipeli ni loloma—lomana na Kalou kei na tamata vakayadua” (“God’s Love for His Children,” Ensign, Me 1988, 59). Ni o wilika na ivakaro raraba ni matavuvale, navuca mo vola se makataka na ivakadinadina eso ni loloma ni Kalou esa vakaibalebale vakalevu vei iko.