Sanza ya Zomi na Mibale 13–19

Libota: Esakola na Mokili

“Libota Ezali na Katikati ya Moango ya Mokeli”

Mokambi Dallin H. Oaks alobaki: “Nandimi ezalela na biso epai ya mpe esaleli ya esakola ya libota ezali [momekano] mpo na nkola oyo. Nasambeli mpo na Basantu ya Mikolo ya Nsuka nyonso batelema sikisiki na momekano wana” (“The Plan and the Proclamation,” Ensign to Liahona, Sanza ya zomi na moko. 2017, 31). Manyola maloba oyo ntango ozali koyekola esakola ya libota poso oyo.

Koma Makanisi na Yo

Kutu liboso tobotama, tozalaki eteni ya libota moko—libota ya Baboti na biso na Lola. Ntango ekomaki ntango ya kotika kozala na miso na Bango, esengelaki kozala likambo ya kolendisa mpo na koyeba ete na mabele, mabota masengeli lisusu kozala eteni ya mwango ya Nzambe. Ndakisa ya mabota na mabele esalami mpo na kokokana na ndakisa ebonga nie ya lola.

Ezali na ndanga moko te ete mabota na mabele ekozala malamu to kutu ekosala lokola esengeli. Kasi lokola Mokambi Henry B. Eyring ateyaki, mabota “epesaka bana ya Nzambe libaku malamu koleka nyonso ya koyambama malamu na mokili na bolingo kaka moko na mabele oyo ezali pembeni na oyo toyokaki na lola—bolingo ya baboti” (“Gathering the Family of God,” Ensign to Liahona, Sanza ya mitano 2017, 20). Koyeba ete mabota mazali ya kokoka te mpe mabundisami na monguna, Nzambe atindaki Mwana wa Ye ya Bolingo mpo na kosikola biso mpe kobikisa mabota na biso. Mpe atindaki baprofeta ya mikolo ya nsuka na esakola mpo na kobatela mpe kolendisa mabota. Soki tolandi baprofeta mpe totie bondimi na Mobikisi, ata soki mabota ya kufa ezali na makoki ya kokokisa likanisi ya ebandeli ya bonzambe te, elikya ezali mpo na mabota—na mabele mpe na lola.

Makanisi mpo na Koyekola Makomi Yo Moko

“Libota ezali na katikati ya Moango ya Mokeli.”

“Libota: Esakola na Mokili” ezali kolobela polele mpenza mabota. Kasi ezali mpe mwango ya lobiko ya Nzambe. Lolenge moko ya koyekola esakola ezali koluka nini ezali koteya na ntina ya bomoi na biso ya yambo na mbotama, bomoi ya kufa, mpe bomoi nsima ya kufa. Ososoli nini ntango oyekoli lisakola na lolenge oyo? Lolenge nini boyebi oyo ezali kosalisa yo kososola mpo na nini libala mpe libota ezali ntina na moango ya Nzambe?

Tala lisusu Dallin H. Oaks, “Mwango mpe Esakola,” Ensign to Liahona, Sanza ya zomi na moko 2017, 28–31.

“Esengo kati na bomoi ya libota ekokisama solo mpenza ntango libota etongami likolo ya mateya ya Nkolo Yesu Klisto.”

Kanisa na eteni ya motoba mpe ya nsambo ya esakola ya libota lokola ndakisa mpo na “esengo kati na bomoi ya libota.” Ntango ozali kotanga biteni oyo, kitola mabongi to mateya ya “mabala mpe mabota ya elonga.” Nsima kanisa na ntina ya mokangano moko ya libota oyo okolinga kolendisa. Nini oyo omiyoki ya kofulama mpo na kosala? Lolenge nini okosangisa Mobikisi kati na bokasi na yo?

Tala lisusu Richard J. Maynes, “Kotonga Ndako oyo Klisto Atiami na Katikati,” Ensign to Liahona, Sanza ya mitano 2011, 37-39; “What Matters Most,” video, ChurchofJesusChrist.org.

Ngai “nakozala moyanoli liboso na Nzambe” mpo na lolenge nazali kobatela libota na ngai.

Esakola ya libota ezali na mapamboli ya kafukafu oyo Tata ya Lola alaki mpo na baoyo bazali kolanda toli na Ye. Ezali lisusu na makebisi makasi mpo na baoyo bazali kolanda te. Banza kokoma nkombo ya mapamboli mpe makebisi oyo ozali komona.

Lolenge nini ozali kosalela toli ya Nzambe oyo ezali na esakola? Soki otelemaki liboso ya Nzambe lelo, nini olingaki koyoka malamu kosolola elongo na Ye etali mikangano ya libota na bino? Nini bokosengela kobongisa?

Tala lisusu Alma 5:15–22; Malongi mpe Mayokani 42:22–25; 93:39–44.

Baboti basengeli kobokola bana na bango na bolingo mpe bosembo.

Ekoki ngai koyamba mapamboli malakelama soki ezalela ya libota na ngai ezali na nse koleka oyo nakana?

Mpaka D. Todd Christofferson ateyaki: “Mpo na kosakola bosolo ya ebandeli etali libala mpe libota esengeli te koyeisa monene te to kokitisa mabonza mpe baelonga ya baye mpo na bango boluki ezali solo moko ya lelo te . … Moto nyonso azali na makabo, moto nyonso azali na batalanta; moto nyonso akoki kosunga kobatela moango ya bonzambe ekende liboso na nkola moko na moko. Mingi oyo ezali malamu, mingi oyo ezali ntina—kutu ntango mosusu nyonso oyo esengeli mpo na sikoyo—ekoki kokokisama na moke koleka makambo malamu. … Na kondimisama totatoli ete Bomikabi ya Yesu Klisto ebendaki na lombangu mpe, na nsuka, tokozwa litomba ya bozangi nyonso mpe bobungi mpo na baoyo babaluki epai na Ye. Moto moko te abiangemi kozwa ndambo koleka na nyonso oyo Tata azali na yango mpo na bana na Ye” (“Mpo na nini Libala, Mpo na nini Libota,” Ensign to Liahona, Sanza ya mitano 2015, 52).

Makanisi mpo na Koyekola Makomi na Libota mpe na Likita ya Libota na Mpokwa

“Kibomwasi to kimobali ezali elembo ya ntina monene ya ezaleli mpe ntina ya moto moko moko yambo na mbotama, na kufa, mpe na seko.”Ekozala lisungi mpo na libota na yo ekabola malongi etali kimobali to kibomwasi mpe bobendani ya nzoto ya lolenge moko, mikanda oyo elandi ekoki kosunga: Dallin H. Oaks, “Truth and the Plan,” Ensign to Liahona, Sanza ya zomi na moko 2018, 25-28; Bamama Makambo ya Nsango malamu, “Same-Sex Attraction,” topics.ChurchofJesusChrist.org.

“Moango ya bonzambe ya Esengo.”Mpo na kosunga libota na yo emona motuya ya mabota kati na moango ya Tata na Lola, okoki kokoma bomoi yambo ya mbotama, bomoi na kufa, mpe bomoi nsima ya liwa na biteni misato ya ndambo moko ya lokasa moko. Luka kati na esakola elongo, mpe okoma likolo ya lokasa maye oyekoli na ntina ya biteni oyo moko na moko ya moango ya Tata. mpo na nini mabota mazali motuya mpenza epai na Nzambe?

“Mabota [makoki] kosangisama seko na seko.”Okoki lisusu kotala video “Moango ya Lobiko—Tozali kaka Libota moko” (ChurchofJesusChrist.org). Lluka kati na esakola ya libota bosolo oyo elenge mobali kati na video asosolaki mpe oyo esungaki ye azwa bondimi.

“Esengo kati na bomoi ya libota.”Mpo na kososola lolenge nini kokokisa “esengo mingi koleka kati na [ya bino] bomoi ya libota,” bokoki koyemba elongo loyembo moko etali mabota, ndakisa “Home Can Be a Heaven on Earth” (Hymns, no. 298). Toyekoli nini uta na loyembo mpe uta esakola ya libota oyo ekomema esengo mingi koleka na libota na biso? Lolenge nini ekoki biso kondima ete libota na biso “efandi likolo ya mateya ya Nkolo Yesu Klisto”? Banza kozwa liteya moto oyo bolingi kosalela poso oyo.

“Lendisa libota lokola etonga ya ebandeli ya lingomba.”Lolenge nini Satana azali komeka kolembisa mabota na mokili? Lolenge nini tokoki kosala eteni na biso mpo na kolendisa mabota? Mpo na makanisi, tala etinda ya Ndeko mwasi Bonnie L. Oscarson ”Balobeli ya Esakola ya Libota” (Ensign to Liahona, Sanza ya Mitano 2015, 14–17).

Mpo na kozwa makanisi mingi koleka mpo na koteya bana, tala moango ya poso oyo na kati ya Yaka, Landa Ngai—Mpo na Eteyelo ya Bana.

Loyembo oyo ekoki koyembama: “Home Can Be a Heaven on Earth,” Hymns, no. 298.

Kobongisa Boyekoli Makomi mpo na Yo Moko

Zwa Bolingo ya Nzambe. Mokambi M. Russell Ballard ateyi, “[Ete] nsango malamu ezali nsango malamu moko ya bolingo—bolingo mpo na Nzambe mpe bolingo mpo na moko mpe mosusu” (“God’s Love for His Children,” Ensign, Sanza ya mitano 1988, 59). Ntango bozali kotanga esakola ya libota, bobanza kokoma to kotia bilembo na bilembo bizali komonana na miso ya bolingo ya Nzambe oyo ezali mingi mingi na ntina epai na bino.