“Kein Jipan̄ ko jet,” Itok, Ļoor Eō—N̄an Kajjojo Armej im Baam̧le ko: Katak im Bujen Ko 2021 (2020)
“Kein Jipan̄ ko jet,” Itok, Ļoor Eō—N̄an Kajjojo Armej im Baam̧le ko: 2021
Kein Jipan̄ ko jet
Eiten aolepān kein jipan̄ kein maron̄ loi ilo Gospel Library app eo im ilo ChurchofJesusChrist.org.
Hymns im Children’s Songbook
Al ko rekwojarjar rej karuwaineneik Jetōb eo im katakin katak ko ilo juon wāween maron̄ keememeje. Ilo kakobaba n̄an kar kape ko kar būriin an Hymns im Children’s Songbook, kwomaron̄ lo audio im video rekoot ko kōn elōn̄ al in jar ko im al ko an ajri ilo music.ChurchofJesusChrist.org im ilo Sacred Music app.
Bok in katakin ko an Jemenere im Institute
Bok in katakin ko an jemenere im institute ej letok kadkad in bwebwenato eo im katak eo ej kōmeļeļeik pedped im bwebwenato ko me maron̄ loi ilo jeje ko rekwojarjar.
Māākjiin ko an Kabun̄ in
Eo M̧ōtta, New Era Ensign, im Liaona māākjiin ko rej letok bwebwenato ko im m̧akūtkūt ko me remaron̄ jipan̄ pedped in katak ko kwoj katakin jān Katak im Bujen Ko.
Unin Kōnono ko an Gospel
Ilo Gospiel Topics kwomaron̄ loe tarlep in meļeļe ko kōn elōn̄ unin kōnono ko kōn gospel eo, barāinwōt link ko eļap aer jipan̄, āinwōt ennaan ko an kweilo̧k eo eļap, bwebwenato ko, jeje ko rekwojarjar, im pijaan alooj ko. Kwomaron̄ barāinwōt loe Gospel Topics Essays, eo me ej jipan̄ kōn uwaak ko rem̧wūlaļ an kajjitōk ko n̄an kajjitōk ko kōn katak ko im bwebwenato ko.
Bwebwenato ko ilo Katak im Bujen Ko
Bwebwenato ko ilo Katak im Bujen Ko ej kōjerbal pija ko im kajin ko repidodo n̄an jipan̄ ajri ro ekkatak jān Katak im Bujen Ko. Kwomaron̄ barāinwōt lo pijaan alooj ko kōn bwebwenato kein ilo Gospel Library app eo ilo Gospel Media Library ilo ChurchofJesusChrist.org.
Bok in Kaļar kōn Bwebwenato ko ilo Jeje ko Rekwojarjar: Katak im Bujen Ko
Kein jipan̄ in epād ie peij in m̧akūtkūt ko me rekar ļōmi n̄an kōļapļo̧k ekkatak ko an ajri jān Katak im Bujen Ko.
Pijaan Alooj ko im Pija ak Jin̄n̄a
Pija ak jin̄n̄a ko, pijaan alooj ko, im media ko jet remaron̄ jipan̄ eok im baam̧le eo am̧ pijaikļo̧k katak eo im bwebwenato ko me rej iookļo̧k wōt jeje ko rekwojarjar. Lale Gospel Media Library ilo ChurchofJesusChrist.org n̄an alooji aolep kein jipan̄ ko an media ko me rej an Kabun̄ in. Kein jipan̄ kein ebar lōn̄ ilo Gospel Media app, im elōn̄ pija ko me bar maron̄ loi ilo Gospel Art Book.
Revelations in Context
Revelations in Context: Bwebwenato ko Itulikin Jekjen ko an Katak im Bujen Ko ej kobain elōn̄ essay ko kōn bwebwenato ko rejepooļ revelesōn ko me repād ilo Katak im Bujen Ko. Jeje im naan ko litok ilo kein jipan̄ in emaron̄ jipan̄ eok meļeļe em̧m̧anļo̧k kōn ta naan ko an Irooj ilo Katak im Bujen Ko me ekar ļap meļeļein n̄an Armej ro Rekwojarjar ilo Raan Ko Āliktata.
Armej ro Rekwojarjar
Saints ej juon bok in bwebwenato an Kabun̄ in. Volume 1, The Standard of Truth, and volume 2, No Unhallowed Hand, ej kwaļo̧k ejja tōre eo wōt an bwebwenato ko an Kabun̄ in āinwōt Katak im Bujen Ko. Bwebwenato kein remaron̄ lewaj n̄an eok ļōmņak ko ilo jeje im naan ko me rejepooļ revelesōņ ko kwoj katak jāni ilo Katak im Bujen Ko
Unin Kōnono ko an Bwebwenato an Kabun̄ in
Elōn̄ bwebwenato ko kōn armej, jerbal in pā an ro etto, jikin ko, im m̧akūtkūt ko an Bwebwenato in Kabun̄ me maron̄ loi ilo ChurchofJesusChrist.org/study/history/topics.
Teaching in the Savior’s Way
Bok in jipan̄ in emaron̄ jipan̄ eok ekkatak im mour kōn pedped in katak ko an Kraist.